Iosua 1 - An Bíobla Naoṁṫa 1817 (Bedell)

Caibidil I. Do ainmniġ, 2 agus do ṡocruiġ Día Iosua a nionaid Ṁaoisi. 8 Agus do ṫeagúisg a ḋleasdannas dó.

¹ Annois tar éis ḃáis Ṁaóise seirḃiseaċ an TIĠEARNA tarla ann, gur laḃair an TIĠEARNA re Iosua mac Nun óglaċ Ṁaóise, ġá ráḋ,

² Déug Maóise mó ṡerḃíseaċ; a nois ar a naḋḃar sin éiriġ, imṫiġ a nonn tar an Iordáinse, ṫú féin, agus an pobalsa uile, don tír do ḃeirimse ḋóiḃ, eaḋon do ċloinn Israel.

³ Gaċ uile ḃall air a sailteoraiḋ bonn ḃur ccoise, ṫug mé sin dáoiḃ, mar a duḃairt mé ré Maóise.

⁴ On nfásaċsa agus ón lebanonsa go nuige a naḃuinn ṁóir, sruṫ Euṗrátes, iomlán ḟearainn na Hititeaċ, agus go nuige a nfaírge ṁoir, leaṫ ré dul faoi na gréine, buḋ é ḃur ttéoran.

⁵ ¶ Ní ḟéadfuiḋ éanduine seasaṁ ad aġuiḋ ar feaḋ láeṫe do ḃeaṫa: mar do ḃí mé lé Maóise, is mar sin ḃías mé leaċdsa: ní ḟailleoċa mé ort, ní mó ṫréigfios mé ṫú.

⁶ Bí láidir agus lánċróḋa: óir roinnfe tú ar an bpobalsa maroiġreaċd an fearann, do ġeall mé dá naiṫriḃ do ṫaḃairt dóiḃ.

⁷ Aṁain bísi láidir agus roċurata, ċor go gcoiṁéadfa tú do ḋéanaṁ do réir an dliġe uile, noċ do aiṫin mo ṡerḃíseaċ Maóise ḋiot: na hiompóiġ uaḋ ar an láiṁ ḋeis nó ċlé, ċor go mbía tú sona giḋ bé ar biṫ áit a raċa tú.

⁸ Ní ḋealoċuiḋ an leaḃarsa an dliġe red ḃéul; aċd biáiḋ tú ag meaḃair ann do ló agus doiḋċe, ċor go ttiuḃra tú haire do nuile ní da ḃfuil sgrioḃṫa ann do ḋéanaṁ: óir ann sin do ḋéana tú do ṡliġe suṫuin, agus éireoċuiḋ leaċd go maiṫ annsin.

⁹ Náċ ar aiṫin misi ḋíot? Bí láidir agus lán ḃéoḋa; ná bíoḋ eagla ort, agus ná bí meata: óir atá do ṪIĠEARNA Día maille leaċd giḋ bé áit a raċa tú.

¹⁰ ¶ Ann sin do aiṫin Iosua do oifigeaċuiḃ an ṗobail, ḋá raḋ,

¹¹ Eírġiḋe ar feaḋ an tslóiġ, aiṫniġíḋ don ṗobal, ḋá ráḋ, Ullṁuiġiḋ lónn daóiḃ féin; óir fa ċionn ṫrí lá raċṫaói a nonn tar an Iordansa, do ḋul do ṡealḃúġaḋ na tíre, do ḃeir ḃur TTIĠEARNA Día ḋaóiḃ re na ṡealḃuġaḋ mar oiġreaċd.

¹² ¶ Agus do laḃair Iosua ris na Reubinítiḃ, agus ris na Gadítiḃ, agus re leiṫṫreiḃ Ṁanasseh, ḋá ráḋ,

¹³ Cuiṁniġiḋ na bríaṫra do aiṫin Maóise óglaċ an TIĠEARNA ḋíḃ, ġá ráḋ, Ṫug ḃur TTIĠEARNA Día suáiṁnios daóiḃ, agus ṫug sé an dúiṫċe so ḋíḃ.

¹⁴ Fanfuid ḃur mná, ḃur ndaóine beaga, agus ḃur náirnéis, ansa dúiṫċe ṫug Maóise ḋíḃ don táoḃso do Iordan; aċ raċṫaoi féin ṫairis armṫa roiṁe ḃur ndearḃráiṫríḃ, gaċ a ḃfuil láidir aguiḃ, agus cuideoċṫáoi léo;

¹⁵ Nó go ttuga an TIĠEARNA suaiṁneas da ḃur ndearḃraiṫriḃ, mar ṫug sé ḋíḃsi, agus go sealḃuiġidsion mar an gcéadna an tír ḃeir ḃur TTIĠEARNA Día ḋóiḃ: annsin fillfiḋe dá ḃur ḃfearann sealḃa, noċ ṫug Máoise óglaċ an TIĠEARNA ḋíḃ don táoiḃsi do Iordan leaṫ ré heírġe greine, agus biáiḋ aguiḃ.

¹⁶ ¶ Agus do ḟreagradarsan Iosua, ġá ráḋ, A nuile ní aiṫeonus tusa ḋínn do ḋéanam é, agus giḋ bé ait a gcuirfe tú sinn raċam ann.

¹⁷ Do réir mar do éisteamar re Maóise ann sna huile neiṫiḃ, mar sin uiṁleoċam ḋuitsi: aṁáin go mbia do ṪIĠEARNA Día leaċdsa, mar do ḃí sé lé Máoise.

¹⁸ Giḋ bé ċuirfios a naġuiḋ haiṫnesi, agus naċ éistfe ré do ḃríaṫruiḃ a ngaċ éinní aiṫeonus tú ḋé, cuirfiġear ċum báis é: aṁáin bí laídir, agus deiġṁeisniġ.