II Samuel 23 - An Bíobla Naoṁṫa 1817 (Bedell)

Caibidil XXIII. Briaṫra deiġeannaċa Ḋaiḃi. 8 Anmanna a ḋáoine neartṁara.

¹ Anois a síad so bríaṫra deiġionaċa Ḋáiḃi. Duḃairt Dáiḃi ṁac Iessé, agus a duḃairt, an té do tógḃaḋ súas go hárd, ungṫaċ Dé Iácob, agus sailmċéolaċ binn Israel:

² Laḃair spiorad an TIĠEARNA ṫríomsa, agus do ḃí a ḃríaṫar ann mo ṫeanguiḋ.

³ A duḃairt Día Israel, do laḃair Carruig Israel riomsa, Caiṫfiḋ an té ríaġlas ós cionn daóine ḃeiṫ ceart, ag ríaġlaḋ an neagla De.

⁴ Agus biáiḋ sé mar ṡolus na maidne, an nuair éirġios an ġrían, eaḋon ar maidin gan néull; mar an ḃféur min ag fás as an ttalaṁ le deálra glan a ndiáiġ fearṫanna.

⁵ Má atá naċ ḃfuil mo ṫiġ marsin ag Día; giḋeaḋ do rinne sé ceangal síorruiḋe riomsa, órduiġṫe ann gaċ uile ní, agus daingion: óir sé so mo ṡlánuġaḋsa uile, agus mfonn uile, mátá naċ dtiuḃra seision air fás.

⁶ Aċ béid mic Ḃélial uile mar dealga ṫeilgṫear amaċ, do ċionn naċ féidir breiṫ orra le láṁuiḃ:

⁷ Aċ an té ḃeanfas riú cuṁduiġear é le híarann agus le crann gaṫa; agus loisgfiġear ṫríd amaċ le teine íad an sa náit ċeadna.

⁸ ¶ Síad so anmanna na ndáoine neartṁara do ḃí ag Daiḃi: An Taċmoniteaċ do ṡuiḋ annsa ċaṫaóir, uaċdarán a measg na ccaiptíneaḋ; (do bé sin Adino an Tesniteaċ): do ṫóg sé a ġaṫ a naġaiḋ oċd ccéad, noċ do ṁarḃ sé a néanuáir.

⁹ Agus a ndiáiġ a nfir sin do bé Eleásar ṁac Dodo an Tahohíteaċ, aón don triúr do na dáoiniḃ cuṁaċdaċa do ḃi ag Dáiḃi, a nuair ṫugadar a slán fá na Ṗilistíniḃ noċ do ċruinuiġ annsin a gcionn a ċéile ċum caṫa, agus dimṫiġeadar fir Israel rompa.

¹⁰ Deiriġ seision, agus do ḃuáil sé na Ṗilistiniġ nó go raiḃ a láṁ curṫa, agus gur ċeangail a láṁ don ċloiḋeaṁ: agus do oibriġ an TIĠEARNA búaiḋ ṁór an lá sin; agus dfilleadar na daóine na ḋiáiġ ar son éadala aṁáin.

¹¹ Agus a ndiaiġ a nfirsin do ḃí Sammah ṁac Agee an Hararíteaċ. Agus do ċruinniġeadar na Ṗilistiniġ íad féin a gcionn a ċéile a gcuideaċduin, mar a raiḃ piosa fearuinn lán do ṗiseanuiġ: agus do ṫeiṫeadar na dáoine roiṁe ná Ṗilistiniḃ.

¹² Aċ do ṡeas seision a lár a nfearuinn, agus do ċuṁduiġ sé é, agus do ṁarḃ sé na Ṗilistiniġ: agus do oibriġ an TIĠEARNA buáiḋ mór.

¹³ Agus do ċúaiḋ triúr don tríoċad dob oirḋearca síos, agus tangadar go Dáiḃi annsa ḃfóġmbar go huaiṁ Adullam: agus do ṡuiġeadar slúaġ na Ḃṗilistineaċ a ngleann Reṗaim.

¹⁴ Agus do ḃí Dáiḃi ann sin a ndaingion, agus do ḃí gairiosún na Ḃṗilistineaċ an tan sin a Mbet‐lehem.

¹⁵ Agus do ġaḃ fonn Dáiḃi, agus a duḃairt, Oh naċ ttugann duine éigin deoċ ḋaṁ duisge ṫobair Ḃet‐lehem, noċ atá láiṁ ris an ngeata!

¹⁶ Agus do ḃriseadar an tríur fear neartṁar tre ṡlúaġ na Ḃpilistineaċ, agus do ṫairngeadar uisge as tobar Ḃet‐lehem, do ḃí láiṁ ris an ġeata, agus do ġlacadar, agus tugadar léo é go Dáiḃi: giḋeaḋ níor ḃaill leision ól de, aċd do ḋóirt sé amaċ é don TIĠEARNA.

¹⁷ Agus a duḃairt sé, Bíoḋ sin a ḃfad uannsi, a ṪIĠEARNA, go ndéanuinn so: naċ í so fuil na ndáoine do ċuáiḋ a nguais a nanma? uime sin níor ḃáill leis a ól. Do rinneadar an triúrsa dfearuiḃ gaisgeaṁla na neiṫesi.

¹⁸ Agus do ḃí Abisai, mac Seruiah dearḃraṫair Ióab, na ċeann ar ṫriúr. Agus do ṫóg sé a ġaṫ súas a naġaiḋ ṫrí gcéad, agus do ṁarḃ se íad, agus fuáir sé ainm a measc triúir.

¹⁹ Naċ raiḃ sé ro onoraċ do ṫríur? uimesin do ḃí sé na ċaiptín orra: bíoḋ naċ ráinic sé a ccoiṁmeas ris an ccéaidṫríur.

²⁰ Agus Benaiah mac Iehoiada, mac duine ċurata, ó Ċabseel, noċ do rinne móirġnioṁa, do ṁarḃ sé días fear leoṁanta do Ṁóab: do ċuáiḋ sé síos mair an gcéadna agus do ṁarḃ sé leoṁan a lár cuife an aimsir ṡneaċda:

²¹ Agus do ṁarḃ sé Egipteaċ, duine bréaḋa: agus do ḃí gaṫ ag an Negipteaċ ann a laiṁ; aċd do ċuáiḋ sesion sios ċuige le maide, agus do ṫarruing an gaṫ as láiṁ an Négiptiġ, agus do ṁarḃ le na ġaṫ féin é.

²² Do rinne Benaiah mac Iehoiada na neiṫesi, agus fuáir sé ainm a measc ṫrír do ḋáoiníḃ neartṁara.

²³ Do buḋ onóruiġ é ná an tríoċad, aċd ní ráinic sé gus an triúrso; agus do ċuir Dáiḃi ós cionn a luċd coiṁéada é.

²⁴ ¶ Do ḃí Asahel dearḃraṫair Ióab na áon don tríoċad; Elhanan mac Dodo ó Ḃet‐lehem.

²⁵ Sammah an Harodíteaċ, Elica an Harodíteaċ,

²⁶ Heles an Paltiteaċ, Ira mac Icces an Tecoitéaċ,

²⁷ Abieser an Tanetotiteaċ, Mebunnai an Husatiteaċ,

²⁸ Salmon an Tahohiteaċ, Mahari an Netóṗatiteaċ,

²⁹ Heleb mac Baanah an Netoṗatiteaċ, Ittai ṁac Ribai as Gibeáh do ċloinn Ḃeniamin,

³⁰ Benaiah an Piratoniteaċ, Hiddai ó ġleantuiḃ Gaas,

³¹ Abi‐albon an Tarbatiteaċ, Asmaḃet an arumiteaċ,

³² Eliahba an Saalboniteaċ, do ṁacaiḃ Iasen, Ionatan,

³³ Sammah an Harariteaċ, Ahiam ṁac Sarar an Harariteaċ,

³⁴ Eliṗelet mac Ahasbai, mac an Ṁaahatiteaċ, Eliam mac Aċitoṗel an Giloniteaċ,

³⁵ Hesraian an Carmelíteaċ, Paarai an Tarbiteaċ,

³⁶ Igal ṁac Nátan ó Ṡóbah, Bání an Gaditeaċ,

³⁷ Selec an Tammoniteaċ, Naharai an Beerotiteaċ, fear iomċarṫa airm Ióab ṁic Seruiah,

³⁸ Ira an Hitriteaċ, Gareb an Hitriteaċ.

³⁹ Uriah an Hittiteaċ: tríoċad agus móirṡeisear an tiomlán.