II Samuel 2 - An Bíobla Naoṁṫa 1817 (Bedell)

Caibidil II. Do ungaḋ Daiḃí na ríġ ós cionn Iúdah. 8 Agus dearnaḋ rí do Isboset ar Israel.

¹ Agus tárla na ḋiáiġ so, gur ḟiafruiġ Dáiḃi don TIĠEARNA, ġa ráḋ, An raċa mé súas go haon do ċaiṫreaċaiḃ Iúdah? Agus a duḃairt an TIĠEARNA ris, Eiriġ súas. Agus a duḃairt Dáiḃi, Cait suas a raċa me? Agus a duḃairt seision, Go Hébron.

² Marsin do ċuáiḋ Dáiḃí súas annsin, agus fós a ḋías ban, Ahinoam an Tiesreeliteaċ, agus Abigail bean Nábal an Carmelíteaċ.

³ Agus rug Dáiḃi leis súas a ṁuinntir do ḃí na ḟoċair, gaċ uile ḋuine guna ṫeaġlaċ: agus do ċoṁnuiġeadar a ccaiṫreaċaiḃ Hébron.

⁴ Agus tangadar muínntir Iúdah, agus do ungadar Dáiḃi ann sin na ríġ ós cionn ṫiġe Iúdah. Agus dinnisiodar do Ḋáiḃi, ġa ráḋ, Dob íad muinntir Iabesgílead do aḋluic Saul.

⁵ ¶ Agus do ċuir Dáiḃi teaċda go muinntir Iabes‐gílead, agus a duḃairt sé ríu, Go maḋ beannuiġ siḃ ón TTIĠEARNA, noċ do ṫaisbéin an cinéulsa dá ḃur ttiġearna, do Ṡaul, agus do aḋlaic é.

⁶ Agus a nois go ttaisbéanuiġ an TIĠEARNA ḋaóiḃse cinéul agus fírinne: agus cúiteoċuiḋ misi fós an cinéulsa riḃ, do ḃríġ go ndéarnaḃair an níse.

⁷ Ar a naḋḃarsin anois bidís ḃur láṁasa ar na neartuġaḋ, agus bíṫí curata: óir fúair Saul ḃur maiġistir bás, agus mar an gcéadna do ungadar tiġ Iúdah misi am ríġ ós a gcionn.

⁸ ¶ Aċ do ġlac Abner ṁac Ner, caiptín slóiġ Ṡauil, Isboset ṁac Ṡauil, agus ṫug leis a nall go Mahanaim é;

⁹ Agus do rinne sé ríġ ós cionn Ġílead ḋe, agus ós cionn na Nasúríteaċ, agus ós cionn Iesreel, agus ós cionn Eṗraim, agus ós cionn Israel uile.

¹⁰ Do ḃí Isboset ṁac Sauil ceaṫraċad blíaḋan daóis a núair do ṫionsguin sé riġe ós cionn Israel, agus do ḃí na ríġ ḋá ḃlíaḋuin. Aċd do lean tiġ Iúdah Dáiḃi.

¹¹ Agus ba hé uiḃir na láeṫeaḋ do ḃí Dáiḃi na ríġ ann Hébron ós cionn ṫíġe Iúdah seaċd mblíaḋna agus sé ṁí.

¹² ¶ Agus do ċuáiḋ Abner ṁac Ner, agus searḃḟoġantuiġiḋ Isbóset ṁic Sauil, amaċ ó Ṁahanaim go Gibeon.

¹³ Agus do ċúaiḋ Ióab ṁac Seruiah, agus searḃḟoġantuiġiḋ Ḋáiḃi amaċ, agus tárla ḋá ċeile íad ag loċan Ġibeon: agus do ṡuiġeadar síos, drong aca a ttáoḃ don loċán, agus drong don taóiḃ oile don loċán.

¹⁴ Agus a duḃairt Abner re Ióab, Eirġidís na hógánuiġ anois, agus déindís súgraḋ as ar ccoine. Agus a duḃairt Ióab, Eirġidís.

¹⁵ Annsin do éiriġ, agus do ċuaiḋ a nonn a nuiḃir ḋá ḟear ḋéag do Ḃeniamin, noċ do ġaḃ le Isbóset ṁac Sauil, agus dá ḟear ḋéag do ṡearḃḟoġantaiḃ Ḋáiḃi.

¹⁶ Agus do ġlac gaċ áon díoḃ a ċompanáċ ar ċeann, agus do ṡaiṫ a ċloiḋeaṁ a ttáoḃ a ċompánuiġ; ionnus gur ċoṁṫuitim dóiḃ: uimesin do goireaḋ don náitsin Helcat‐hassurim, noċ atá a Ngibeon.

¹⁷ Agus do ḃí caṫ ro ḋoilġe an lá sin ann; agus do buáileaḋ Abner, agus muinntir Israel, as coinne ṡerḃiseaċ Ḋáiḃi.

¹⁸ ¶ Agus do ḃádar trí mic Ṡeruiah annsin, Ióab, agus Abisai, agus Asahel: agus do ḃí Asahel coṁlúaṫ ḋá ċois lé eilít an ṁacaire.

¹⁹ Agus do lean Asahel a ndiáiġ Abner; agus ag imṫeaċd ḋó níor ċas sé ar a láiṁ ḋeis nó ċlé ó ṫóruiġeaċd Abner.

²⁰ Annsin dféaċ Abner na ḋiáiġ, agus a duḃairt, An tú Asahel? Agus do ḟreagair seision, Is mé.

²¹ Agus a duḃairt Abner ris, Fill do leaṫ taóiḃ ar do láiṁ ḋeis no ċlé, agus glac duine do na hóganaċaiḃ, agus glac a éadail ċugad. Aċt níor ḃáill le Asahel fillioḋ ó na leanṁuin sion.

²² Agus a duḃairt Abner a rís re Asahel, Fill ó ḃeiṫ dom leanṁuin: cred fá mbuailfinnsi ṫú go taluṁ? cionnus annsin do ṫaisbeanfuin maġuiḋ do Ióab do ḋearḃraṫair?

²³ Giḋeaḋ do ḋíult seision filleaḋ do leaṫtaoiḃ: uimesin do ḃuáil Abner é do ċeann gaṫa fáoi an ccúigeaḋ easna, iondus go ttáinic an gaṫ amaċ air a ċúl; agus do ṫuit sé ann sin, agus déug sé san náit ċéadna: agus tárla, an ṁéid ṫáinic go nuige a náit ar ṫuit Asahel síos agus a ḃfúair sé bás gur ḟanadar na seasaṁ.

²⁴ Do lean Ióab mar an gcéadna agus Abisai a ndiáiġ Abner: agus do ċuáiḋ an ġrían faói a nuáir ṫangadar go cnoc Ammah, noċ atá a raḋarc Ġía ar sliġe ḟásaiġ Ġibeon.

²⁵ ¶ Agus do ċruinniġeadar clann Ḃeniamin íad féin a gcionn a ċéile a ndiáiġ Abner, agus tangadar a néanċuideaċda aṁáin, agus do ṡéasadar ar ṁullaċ cnoic.

²⁶ Annsin do ġoir Abner ar Ióab, agus a duḃairt, An mbía an cloiḋeaṁ ag marḃaḋ ċoiḋċe? naċ ḃfuil a ḟios agad go mbiáiḋ sin na ṡearḃas fá ḋeireaḋ? uime sin ga fad a ḃías, suil déaras tú ris na dáoiniḃ filleaḋ ó leanṁuin a ndearḃráiṫreaċ?

²⁷ Agus a duḃairt Ióab, Mar ṁairios Día, muna ḃeiṫ gur laḃair tú, go deiṁin is air maidin do raċaiḋ an pobal súas gaċ éanduine ó leanṁuín a ḋearḃraṫar.

²⁸ Iarsin do ṡéid Ióab a stoc, agus do ṡeasadar an pobal uile na gcoṁnuiġ, agus níor leanadar nios mó a ndiáiġ Israel, agus níor ṫroideadar níos mó.

²⁹ Agus do ḃí Abner agus a ṁuinntir ag siuḃal ar feaḋ na hoiḋċe sin ṫríd an réiteaċ, agus do ċúadar tar Iordan, agus dimṫiġeadar tré Ḃitron uile, agus tangadar go Mahanaim.

³⁰ Agus dfill Ióab ó ṫóruiġeaċd Abner: agus a nuáir do ċruinniġ sé an pobal uile a gciónn a ċéile, do ṫeasduiġ náoi ḃfir ḋéug, agus Asahel do ṁuinntir Ḋáiḃi.

³¹ Aċ do ḃúaileadar searḃḟoġantuiġiḋ Ḋáiḃi do Ḃeniamin, agus do ṁuinntir Abner, iondus gur éagadar trí ċeád agus trí fiṫċid ḋíoḃ.

³² ¶ Agus do ṫógḃadar leó Asahel, agus do aḋlaiceadar é a ttúama a aṫar noċ do ḃí a Mbet‐lehem. Agus dimṫiġ Ióab agus a ṁuinntir ar feaḋ na hoiḋċe, agus tangadar go Hébron ag éirġe laé.