II Rioġ 3 - An Bíobla Naoṁṫa 1817 (Bedell)

Caibidil III. Do innis Elísa do rioġaiḃ Israel, Iudah, agus Edom, go buaġuḋeáḋ iad ar ṁuinntir Ṁoab.

¹ Anois do ṫosuiġ Iehoram mac Ahab a rioġaċd ós cionn Israel a Samária an toċdṁaḋ ḃaḋan déug do Iehosaṗat ríġ Iúdah, agus do ḃí ná ríġ ḋá ḃlíaḋuin déug.

² Agus do rinne sé olc a raḋarc an TIĠEARNA; aċt ní cosṁuil re na aṫair, nó ré na ṁaṫair: óir do ċuir seision úaḋ íoṁáiġ Ḃaal noċ do rinne a aṫair.

³ Ar a ṡon sin do ṫéann sé ris na peacaḋuiḃ do rinne Ieroboam mac Nebat, noċ ṫug ar Israel peacaḋ ḋéanaṁ; mor ḋealuiġ se riú sin.

⁴ ¶ Agus do ḃí Mesa ríġ Moab na ṁaiġistir cáoraċ, agus do ḃeireaḋ do ríġ Israel céud míle úan, agus céud mile reiṫe, gun a noluinn.

⁵ Agus tárla, a núair déug Ahab, go ndeaċuiḋ ríġ Moab a gcogaḋ ar ríġ Israel.

⁶ ¶ Agus do ċuáiḋ an ríġ Iehoram amaċ as Samária a núair ċéadna, agus do airiṁ sé Israel uile.

⁷ Agus dimṫiġ sé agus do ċuir sé fios go Iehosaṗat ríġ Iúdah, ḋa ráḋ, Do ċuáiḋ ríġ Móab a gcogaḋ am aġaiḋ: an raċa tú liom do ċaṫuġaḋ a naġaiḋ Ṁóab? Agus a duḃairt seision, Raċad: ataimse mar atá tusa, mo ḋáoine mar do ḋáoine, agus mo ṁarcṡlúaġ mar do ṁarcṡluáġ.

⁸ Agus a duḃairt sé, Cia an tsliġe a raċum súas? Agus do ḟreagair seision, An tsliġe tré ḟásaċ Edom.

⁹ Mar sin do imṫiġ ríġ Israel, agus ríġ Iúdah, agus ríġ Edom: agus do ċúadar aisdior ṡeaċd lá timċioll: agus ní raiḃ uisge aca don tsluaġ, nó don náirneis do lean íad.

¹⁰ Agus a duḃairt ríġ Israel, A ṫruáiġe! gur ġoir an TIĠEARNA na trí ríġṫe so a ccionn a ċéile, dá seaċad a laiṁ Ṁóab!

¹¹ Agus a duḃairt Iehosaṗat, Naċ ḃfuil annso fáiġ leis an TTIĠEARNA, go ḃfiafruiġeamis aigan TIĠEARNA ris? Agus do ḟreagair duine do ṁuinntir ríġ Israel é agus a duḃairt, Atá annso Elisa mac Saṗat, noċ do ḋóirt uisge ar láṁuiḃ Elias.

¹² Agus a duḃairt Iehosaṗat, Atá bríaṫar an TIĠEARNA maille ris. Ann sin do ċuáiḋ ríġ Israel, agus Iehosaṗat, agus ríġ Edom síos go nuige é.

¹³ Agus a duḃairt Elisa ré ríġ Israel, Cred atá agumsa ré ḋéanaṁ riotsa? imṫiġ go fáiġiḃ haṫar, agus go fáiġiḃ do ṁáṫar. Agus a duḃairt ríġ Israel ris, Ní heaḋ: óir do ġoir an TIĠEARNA na trí ríġṫesi a ccionn a ċéile, dá seaċad a láiṁ Ṁoab.

¹⁴ Agus a duḃaírt Elisa, Mar ṁairios TIĠEARNA na slóġ, da laṫair a seasuim, muna ḃféuċuinn go deiṁin, do Iehosaṗat ríġ Iúdah do ḃeiṫ a laṫair, ní ḟéuċuinn leaṫ riotsa, agus ní ḟaicḟinn tú.

¹⁵ Aċt a nois táḃair fear seanma ċugam. Agus tárla, a nuáir do ṡinn an fear seanma, go ttáinic láṁ an TIĠEARNA fairsion.

¹⁶ Agus a duḃairt sé, Is marso a deir an TIĠEARNA, Déanuiḋ an gléannsa lán do ḋiógaċaiḃ.

¹⁷ Oir is marso a deir an TIĠEARNA, Ní ḟaicfiḋe gáoṫ, agus ni mó ċífiḋe fearṫuinn; giḋeaḋ líonfuiḋear an gleannsa duisge, lé a ḃféudfuiġ dól, siḃ feín araon, agus ḃur náirneís, agus ḃur nainṁintiġ.

¹⁸ Agus ní ḃfuil annso aċt ní éattrom a raḋarc an TIĠEARNA: séaċóduiġ sé na Moabitiġ fós ion ḃur láiṁ.

¹⁹ Agus búailfiḋṫe gaċ éanċaṫair ḋaingion, agus gaċ éanċaṫair ṫoġṫa, agus leag fuiḋe gaċ éan ċrann maiṫ, agus stopfuiḋe gaċ uile ṫobar uisce, agus millfiḋe gaċ éanċuid ṁaiṫ ḟearamn lé cloċaiḃ.

²⁰ ¶ Agus tárla ar maidin, a núair do hofrálaḋ an níoḋbairt ḃíḋ, féuċ, go ttáinic uisge a sliġe Edom, agus do líonaḋ an tír le huisge.

²¹ Agus a núair do ċúaladar na Moabitíġ uile go ttangadar na ríġṫe súas do ṫroid na naġaiḋ, do ċruinniġeadar an ṁeid re ttáinic arm iomċar, agus ós a ċionn, agus do ṡeasadar ar an leiṫimiol.

²² Agus do éirġeadar súas go moċ ar maidin, agus do lonnruiġ an ġrían ar a nuisge, agus do ċonncadar na Móabitiġ an tuisge don ttaóiḃ oile ċoiṁḋearg re fuil:

²³ Agus a duḃradar, Is fuil so: atáid na ríġṫe marḃ go deiṁin, agus do ḃuaileadar féin a ċéile: anois ar a naḋḃarsin, a Ṁóab, ċum na héadala.

²⁴ Agus a nuáir ṫangadar go foslungport Israel, do éirġeadar na Hisraelítiġ súas agus do ḃuáileadar na Móabitiġ, iondus gur ṫeiṫeadar rompa: aċt do ċúadar ar a naġaiḋ búalaḋ na Móabíteaċ, air fad gus a ttír féin.

²⁵ Agus do ḃriseadar síos na caiṫreaċa, agus ar gaċ uile ṗíosa ṁaiṫ ḟearuinn do ċaiṫ gaċ éanduine a ċloċ, gur líonadar é; agus do stopadar a nuile ṫobar uisge, agus do ġearradar na croinn ṁaiṫe uile: aṁáin ann Cirharaset dfágḃadar a cloċa; aċt ċeana do ċúadar luċd na ccránn ttáḃuill na ttimċioll, agus do ḃuáileadar í.

²⁶ ¶ Agus an tan do ċonnairc ríġ Ṁóab an caṫ ro ḋóirb do rug sé leis seaċt ccéud fear do ṫarruing cloiḋeaṁ, do ḃriseaḋ tre ċáċ go ríġ Edom: aċt níor ḟéadadar.

²⁷ Ann sin do ġlac sé a ṁac fa sine do ḃiaḋ na oiġre air san rioġaċd, agus do íoḋbuir é mar ofrail loisge ar an mballa. Agus do ḃí diombúaḋ roṁór a naġaiḋ Israel: agus do imṫiġeadar úaḋ, agus dfilleadar dá ndúiṫċe féin.