II Rioġ 24 - An Bíobla Naoṁṫa 1817 (Bedell)

Caibidil XXIV. Cionfáṫ ḃraiġdionus Ḃaibiloin.

¹ Iona láeṫiḃsion ṫáinic Nebuċadnessar ríġ na Babiloine súas, agus iar mbeiṫ do Iehoiacim na ṡearḃḟoġantuiġ ḋó ar feaḋ ṫrí mbliaḋan: annsin do iompóiġ sé agus do ċuáiḋ a ccogaḋ na aġaiḋ.

² Agus do ċuir an TIĠEARNA buiḋne do na Ċaldeeanaċaiḃ, agus buiḋne do na Sirianaċaiḃ, agus buiḋne do na Móabíteaċáiḃ, agus buiḋne do ċloinn Ammon, agus do ċuir sé íad a naġaiḋ Iúdah dá sgríos, do réir ḃreiṫre an TIĠEARNA, noċ do laḃair sé tre na ṡearḃḟoġantuiḃ na faiġe.

³ Go deiṁin is lé haiṫne an TIĠEARNA ṫáinic so ar Iúdah, dá náṫarraċ as a raḋarc, ar son ṗeacaiḋ Ṁanasseh, do réir a nuile ní dá ndéarna sé;

⁴ Agus mar an gcéadna ar son na fola neiṁċiontuiġ noċ do ḋoirt sé: (óir do lión sé Ierusalem le fuil neiṁċiontuiġ); naċ maiṫfeaḋ an TIĠEARNA.

⁵ ¶ Anois an ċuid oile do ġníoṁuiḃ Iehoiacim, agus a nuile ní dá ndéarna sé, naċ ḃfuilid síad scríoḃṫa a leaḃar croinice ríoġ Iudah?

⁶ Mar sin dó ċoduil Iehoiacim a ḃfoċair a aiṫreaḋ: agus do ḃí Iehoiaċin a ṁac na ríġ na áit.

⁷ ¶ Agus ní ṫáinic ríġ na Hégipte a rís nios mó as a ṫír féin: óir do ġaḃ ríġ na Babilóine ó ṡrúṫ na Hégipte go nuige a naḃuinn Euṗrates an ṁéid do ġaḃ le ríġ na Hégipte.

⁸ ¶ Do ḃí Iehoiaċin oċd mblíaḋna déug daóis a núair do ṫosuiġ a ríġe, agus do rioġaiḋ ann Ierusalem trí ṁí. Agus do bé ainm a ṁaṫar Nehusta, inġean Elnatan ó Ierusalem.

⁹ Agus do rinne sé an ní fa holc a raḋarc an TIĠEARNA, do réir a nuile ní da ndéarnuiḋ a aiṫre.

¹⁰ ¶ Annsa namsa ṫangadar muinntir Nebuċadnessar ríġ na Babilóine súas a naġaiḋ Ierusalem, agus do ċuireadar slúaġ timċioll air an ccaṫruiġ.

¹¹ Agus ṫáinic Nebuċadnessar ríġ na Babilóine a naġaiḋ na caiṫreaċ, agus do ṡuiġ a ṁuinntir na bun.

¹² Agus do ċuáiḋ Iehoiaċin ríġ Iúdah amaċ ċum ríġ na Babilóine, é féin, agus a ṁaṫair, agus a ṡearḃḟoġantuiġe, agus a ṗrionnsaḋa, agus a oifigiḋ: agus do ġaḃ ríġ na Babilóine é annsa noċdṁaḋ bliaḋuin dá riġe.

¹³ Agus rug sé leis as sin ionnṁus ṫiġe an TIĠEARNA uile, agus ionnṁus ṫiġe an ríġ, agus do ġéarr sé na mbloḋuiḃ a nuile ṡoiṫeaċ óir do rinne Solaṁ ríġ Israel a tteampall an TIĠEARNA, mar a duḃairt an TIĠEARNA.

¹⁴ Agus do rug sé Ierusalem uile leis, agus na prionnsaḋa uile, agus an nuile ḋuine árraċda a ngaisgiḋ, eaḋon deiċ míle bráiġe, agus an luċd ceirde uile agus na gaiḃne: níor ḟan duine, aċd an luċd buḋ boiċde do ḋáoine na tíre.

¹⁵ Agus rug sé Iehoiaċin leis don Ḃabilóin, agus maṫair an ríġ, agus mná an ríġ, agus oifigiḋ, agus cuṁaċduiġ na tire, rug sé íad sin leis a mbraiġdionus ó Ierusalem don Ḃabilóin.

¹⁶ Agus a nuile ḋuine cuṁaċdaċ, seaċd míle fear, agus luċd ceirde agus gaiḃne míle, gaċ a raiḃ láidir abuiḋ ċum cogaiḋ, rug ríġ na Babilóine leis íad a láiṁ don Ḃabilóin.

¹⁷ ¶ Agus do rinne ríġ na Babilóine ríġ do Ṁattaniah dearḃraṫair a aṫar iona áit, agus do aṫruiġ sé a ainm go Sedeciah.

¹⁸ Do ḃí Sedeciah blíaḋuin agus fiṫċe daóis a nuáir do ṫosuiġ sé a ríġe, agus do rioġaiḋ éainḃlíaḋuin déug ann Ierusalem. Agus do bé ainm a ṁaṫar Hamutal inġean Ieremiah ó Libnah.

¹⁹ Agus do rinné sé an ní fa holc a raḋarc an TIĠEARNA, do reír gaċ einneiṫe dá ndearnuiḋ Iehoiaċín.

²⁰ Oír is tré ḟeirg an TIĠEARNA ṫáinic sin a ccríċ air Ierusalem agus air Iúdah, nó gur ṫeilg sé amaċ as a raḋarc íad, go ndeaċuiḋ Sedeciah a ccogaḋ a naġuiḋ ríġ na Babíloine.