II Rioġ 2 - An Bíobla Naoṁṫa 1817 (Bedell)

Caibidil II. Elias ar na ṫógṁail súas go neaṁ. 9 Dfag a spiorad agus a ḟalluing ag Elísa.

¹ Agus tárla, a nuáir do báill leis an TTIĠEARNA Elias do ṫógḃáil súas go neaṁ lé gaoṫ guairdeain, gondeaċaiḋ Elias le Helisa ó Ġilgal.

² Agus a duḃairt Elias re Helisa, Guiḋim ṫú, fan annso; óir do ċuir an TIĠEARNA misi go Bétel. Agus a duḃairt Elisa ris, Mar ṁairios an TIĠEARNA, agus mar ṁairios hanumsa, ní ḟúigfiḋ mé ṫú. Marsin do ċuádar siós go Bétel.

³ Agus ṫangadar mic na ḃfáġ do ḃí a Mbétel amaċ go Helisa, agus a duḃradar ris, An ḃfuil a ḟios agadsa go mbéara an TIĠEARNA do ṁaiġistir ód ċeann a niuġ? Agus a duḃairt seision, A seaḋ, atá a ḟios agum; bíṫíse ḃur ttoċd.

⁴ Agus a duḃairt Elias ris, A Elísa, fan annso, íaruim mar aṫċuinge órt; oír do ċuir an TIĠEARNA misi go Ieriċo. Agus a duḃairt seision, Mar ṁairios an TIĠEARNA, agus mar ṁairios hanumsa, ní ḋeileoċuiḋ mé riot. Marsin do ċuádar gó Ieriċo.

⁵ Agus ṫangadar mic na ḃfáġ do ḃí an Ieriċo go Helisa, agus a duḃradar ris, An ḃfuil a ḟios agadsa go mbéura an TIĠEARNA do ṁaiġistir ód ċeann a niuġ? Agus do ḟreagair seision, A seaḋ, Atá a ḟios sin agum; bíṫísi ḃur ttoċd.

⁶ Agus a duḃairt Elias ris, Guíḋim ṫú, fan annso; óir do ċuir an TIĠEARNA misi go Iordan. Agus a duḃairt seision, Mar ṁairios an TIĠEARNA, agus mar ṁairios hanumsa, ní ḟúigfiḋ mé ṫú. Agus dimṫiġeadar rompa aráon.

⁷ Agus do ċúadar cáogad do ċloinn na ḃfáġ, Agus do ṡeasadar da ḃféaċain a ḃfad uaṫa: agus do ṡeasadarsan a raon láiṁ ré Iordan.

⁸ Agus do ġlac Elias a ḟalluing, agus dfill ar a ċéile í, agus do ḃúail na huisgeaḋa, agus do roinneaḋ íad annso agus annsúd, iondus go ndeaċadar anonn aráon ar taluṁ tirím.

⁹ ¶ Agus tárla, a núair do ċuádar anonn, go nduḃairt Elias re Helisa, Iarr cred is áill leaċd misi do ḋéanaṁ ar do ṡon, suil ḃéarṫar úait mé. Agus a duḃairt Elisa, Guiḋim ṫú, bíoḋ roinn ḋúbalta dot spiorad orum.

¹⁰ Agus a duḃairt seision, Is cruáiḋ an ní díarr tú: má ċí tú misi a nuáir ḃéarṫar uáit mé, biáiḋ sé agad mar sin; aċd muna ḃfaicir, ní ḃiáiḋ.

¹¹ Agus tárla, mar do ḃádar ag imṫeaċd ar a naġuiḋ, agus ag caint, féuċ, carbad tinntiġe, agus eiċ ṫinntiġe, do ċuireadar aráon íad ó ċéile; agus do ċuáiḋ Elias súas le gaóṫ guairdeain air neaṁ.

¹² ¶ Agus do ċonnairc Elisa sin, agus do éiġ sé, O mo aṫair, ó mo aṫair, carbad Israel, agus a ṁarcṡlúaġ. Agus ní ḟaca sé ní sa ṁó é: agus rug sé ar a éadaċ féin, agus do réub an ndá ċuid íad.

¹³ Do ṫóg sé mar an gcéadna falluing Elias do ṫuit úaḋ, agus do ċuáiḋ ar a ais, agus do ṡeas ag brúaċ Iordan;

¹⁴ Agus do ġlac sé falluing Elias do ṫuit uaḋ, agus do ḃuáil na huisgeaḋa, agus a duḃairt, Cáit a ḃfuil TIĠEARNA Día Elias? agus a nuáir do ḃuáil seisíon fós na huisgéaḋa, do ċúadar ó ċéile anonn sa nall: agus do ċuáiḋ Elisa ṫairis.

¹⁵ Agus an tan do ċonncadar mic na ḃfáġ noċ do ḃí ag feiṫeaṁ an Ieriċo é, a duḃrádar, Dfan spiorad Elias air Elisa. Agus ṫangadar na ċoinne, agus do ċlaonadar íad féin go taluṁ dá láṫair.

¹⁶ ¶ Agus a duḃradar ris, Féuċ anois, atáid ag do ṡerḃísiġ cáogad fear láidir; guiḋmid ṫú, imṫiġdis, agus íarraidis do ṁaiġistir: ar eagla gur ṫóg Spíorad an TIĠEARNA súas é, agus gur ṫéilg sé air ṡlíaḃ éigin é, no a ngleann eigin. Agus a duḃairt seision, Ní ċuirfíḋe uaiḃ íad.

¹⁷ Agus a nuáir do ṡáruiġeadar é, nó go raiḃ náire air, a duḃairt sé, Déanuiġ. Do ċuireadar uimesin cáogad fear; agus díarradar é trí lá, aċd ní ḃfúaradar é.

¹⁸ Agus a nuáir ṫangadar a rís ċuigesion, (óir dfan sé léo an Ieriċo,) a duḃairt sé ríu, Naċ nduḃairt misi riḃ, Ná himṫiġiḋ?

¹⁹ ¶ Agus a duḃradar muinntir na caiṫreaċ re Helisa, Guiḋmid ṫú, féuċ, gur taitneaṁaċ suiḋiuġaḋ na caiṫreaċsa, mar do ċí mo ṫiġearna: aċd ís olc an tuisge, agus an taluṁ neaṁṫórrṫaċ.

²⁰ Agus a duḃairt seision, Taḃruiġ ċugam crúisgín núaḋ, agus cuiriġ salann ann. Agus ṫugadar sin ċuige.

²¹ Agus do ċuáiḋ seision amaċ mar a raiḃ gineaṁuin na nuisgeaḋ, agus do ṫeilg sé an salann ann, agus a duḃairt, Is marso a deir an TIĠEARNA, Do leiġis mé na huisgeaḋasa; ní ḃía feasda marḃaḋ nó neaṁṫórraċd ionta.

²² Marsin do leasuiġeadar na huisgeaḋa gus a niuġ, do réir ḃréiṫre Elisa noċ a duḃairt sé.

²³ ¶ Agus do ċuáiḋ sé súas as sin go Bétel: agus mar do ḃí sé ag imṫeaċd súas ar a tsliġe, ṫangadar leiniḃ ḃeaga amaċ as au gcaṫruiġ, agus do rinneadar magaḋ air, agus a duḃradar ris, Eiriġ súas, a ċinn ṁaóil; éiriġ súas, a ċinn ṁaóil.

²⁴ Agus do iompóiġ seision ar a ais, agus dféuċ orra, agus do ṁalluiġ sé íad a nainm an TIĠEARNA. Agus ṫáinig amaċ ḋá ṁaṫġaṁuin ḃainionna as an ccoill, agus do réubadar días agus dá fiṫċiod leanaṁ ḋíoḃ.

²⁵ Agus do ċuáiḋ sé as sin go slíaḃ Carmel, agus as sin dfill sé go Samaria.