II Rioġ 19 - An Bíobla Naoṁṫa 1817 (Bedell)

Caibidil XIX. Tug Isaiah solás do Heseciah. 35 Do ṁarḃ aingeal 185000 Assirianaċ.

¹ Agus tárla, a nuáir do ċúala Heseciah sin, gur ḃris sé a éadaċ, agus gur ḟoluiġ é féin lé saiceadaċ, agus do ċuáiḋ go tiġ an TIĠEARNA.

² Agus do ċuir sé Eliacim, do ḃí ós cionn an teaġluiġ, agus Sebna an scriḃneóir, agus sinnsir na sagart, a cculaḋuiḃ ṡaicéaduiġ, go Hisaiah an fáiġ mac Amos.

³ Agus a duḃradar ris, Is marso a deir Heseciah, Is lá buaiḋearṫa an láso, agus míoċlú, agus scannla: óir ṫangadar an ċlann go ham a mbearṫa, agus ní ḃfuil do neart a mbreiṫ.

⁴ Do bféidir go ccluinfeaḋ do ṪIĠEARNA Día bríaṫra Rabsaceh uile, noċ do ċuir ríġ na Hassíria a ṁáiġistir daiṫiseaḋ an Dé ḃí; agus go nimḋeargfaḋ na bríaṫra noċ do ċúala do ṪIĠEARNA Día: uimesin tóg súas do ġuiḋe ar son an nfuiġill do fágḃaḋ.

⁵ Marsin ṫangadar serḃísiġ an ríġ Heseciah go Hisaiah.

⁶ ¶ Agus duḃairt Isaiah riú, Abruiḋ marso ré ḃur maiġistir, Is marso a deir an TIĠEARNA, Ná bíoḋ eagla ort roiṁe na bríaṫruiḃ do ċúala tú, ler scannluiġeadar muinntir ríġ na Hassiria misi.

⁷ Féuċ, cuirfiḋ misi suinnéan airsion, agus cluinfiḋ sé giorac, agus fillfiḋ sé ḋá ḋuiċṫe féin; agus do ḃéara mé air tuitim leis an ccloiḋeaṁ iona ṫír féin.

⁸ ¶ Agus do ḟill Rabsaceh, agus fuáir sé ríġ na Hassiria ag cogaḋ a naġaiḋ Libnah: óir do ċúala sé gur imṫiġ sé as Laċis.

⁹ Agus a nuáir do ċúala sé teaċd ṫar Ṫirhacah ríġ na Hetiópia, Féuċ, atá sé ar tteaċd a maċ do ṫroid ad aġaiḋ: do ċuir sé teaċda a rís go Heseciah, ġa ráḋ,

¹⁰ Mar so déarṫaoi re Heseciah ríġ Iúdah, ġa ráḋ, Ná meallaḋ do Ḋía iona ḃfuil do ḋóṫċus ṫú, ḋa ráḋ, Ní ṫiuḃarṫar Ierusalem a láiṁ ríġ na Hassíria.

¹¹ Féuċ, do ċúala tú cred do rinneadar ríġṫe na Hassíria ré gaċ uile ċríċ, da lérscrios: agus an sáorfuíġṫear ṫusa?

¹² Ar ṡáoradar dée na gcineaḋaċ an luċd do ċlaóiḋeadar maiṫresi; Gósan, agus Háran, agus Reseṗ, agus clann Eden noċ do ḃí ann Telasar?

¹³ Cáit a ḃfuil ríġ Hamat, agus ríġ Arpad, agus ríġ caiṫreaċ Seṗarḃaim, Hena, agus Iḃah?

¹⁴ ¶ Agus do ġlac Hesecíah an litir as láiṁ na tteaċda, agus do léiġ í: agus do ċúaiḋ Heseciah súas go tiġ an TIĠEARNA, agus do leaṫnuiġ sé í a laṫair an TIĠEARNA.

¹⁵ Agus do ġuiḋ Heseciah a laṫair an TIĠEARNA, agus a duḃairt, O a ṪIĠEARNA Día Israel, noċ ċoṁnuiġios eidir na ċerubíniḃ, is tusa aṁáin Día, rioġaċd an doṁuin uile; is tú do rinne neaṁ agus talaṁ.

¹⁶ A ṪIĠEARNA, crom a núas do ċlúas, agus cluin: foscuil, a ṪIĠEARNA, do ṡúile, agus féuċ: agus cluin bríaṫra Ṡennaċerib, noċ do ċuir sé daiṫiseaḋ an Dé ḃí.

¹⁷ As fíor, a ṪIĠEARNA, gur ḋíbreádar ríġṫe na Hassíria na cineaḋaċa agus a ndúiṫċe,

¹⁸ Agus gur ṫeilgeadar a ndée annsa teine: óir nior ḋée íad, aċd obair láṁ daóine, crainn agus cloċa: uimesin do scriosadar íad.

¹⁹ A nois ar a naḋḃarsin, O a ṪIĠEARNA ar Ndía, guiḋim ṫú, sáorsa sinne as a láiṁ, ċor go mbía a ḟios ag uile rioġaċduiḃ an doṁuin gur tusa aṁáin, an TIĠEARNA Día.

²⁰ ¶ Ann sin do ċuir Isaiah mac Amos fios go Heseciah, ġa ráḋ, Is marso a deir an TIĠEARNA Día Israel, Do ċúala mé an ġuiḋe do rinne tú ċugam a naġaiḋ Ṡennaċeriḃ ríġ na Hassíria.

²¹ Asé so an focal do laḃair an TIĠEARNA ḋa ṫáoḃ; Do ṫarcuisniġ an ṁaiġdion inġean Ṡion ṫú, agus do ġáir go magaṁuil fúd; do ċroiṫ inġean Ierusalem a ceann ort.

²² Cía scannluiġ tú agus do aiṫisiġ tú? agus cía a náġaiḋ ar árduiġ tú do ġuṫ, agus ar ṫóg tú súas do ṡúile go hárd? eaḋon a naġaiḋ an Naóin Náoṁṫa Israel.

²³ Led ṫeaċduiḃ do aiṫisiġ tú an TIĠEARNA, agus a duḃairt tú, Le hiomad mo ċarbad ṫáinic mé a níos a mulluiġiḃ na slíaḃ, go táoḃuiḃ Lebanon, agus géarrfa mé síos a crainn árraċda Cédar, agus toġa a crann gciuṁuis: agus raċa mé a steaċ go lóistíniḃ a imil, agus go foraóis a Ċarmel.

²⁴ Do ṫoċuil mé agus do iḃ mé uisceaḋa coiṁiġṫeaċa, agus le bonn mo ċos do ṫiormuiḋ mé súas uile aiḃne na náiteaċ ndaingean.

²⁵ Naċ ccúala tusa fada ó ṡin cionnus do rinne mé é? agus gur ċum mé é ó na seanaimsearuiḃ? anois ṫug mé a gcríċ é, ċor go mbeiṫeása ċum déanaṁ fásuiġ do ċaiṫreaċaiḃ daingne na ccárnuiḃ fásaṁla.

²⁶ Ar a náḋḃarsin do ḃádar a náitreaḃuiġ beagċuṁaċdaċ, do ġaḃ criṫeagal agus do cláoiḋeaḋ íad; do ḃádar már ḟéur an ṁaċaire, agus mar an luiḃ ġlais, mar an ḃféur ar ṁullaċ tiġe, agus mar arḃar ṁeaṫas suil ḟásas sé súas.

²⁷ Aċt is fios ḋaṁsa hionad coṁnuiḋe, do ḋul a maċ, agus do ṫeaċd a steaċ, agus do ḃuile am áġaiḋ.

²⁸ Do ḃríġ go ḃfuil tú air buile am aġaiḋ agus gur éirġe do ċuṫaċ súas am ċlúasuiḃ, ar a naḋḃarsin cuirfe misi mo ḋuḃáin ann do ṡróin, agus mo ṡrían ann do ḃéul, agus fillfe mé ar hais ṫú annsa tsliġe iona ttáinic tú.

²⁹ Agus biáiḋ so na ċoṁarṫa agad, Iostaoi ar an mblíaḋuinsi do na neiṫiḃ ḟásas úaṫa féin, agus annsa dara blíaḋuin do na neiṫiḃ ḟásas asta sin; agus annsa treas bliaḋuin, cuiriḋ síol, agus beanuiḋ, agus plannduiġiḋ fineaṁna, agus iṫiḋ a ttoraḋ sin.

³⁰ Agus an fuiġioll raċus as do ṫiġ Iúdah géaḃuid fós fréaṁ síos, agus do ḃéaruid toraḋ súas.

³¹ Oír raċaiḋ fuiġioll amaċ as Ierusalem, agus an ṁéid do ċúaiḋ as ó ṡlíaḃ Sion: do ḋéana teasġráḋ ṪIĠEARNA na slóġ so.

³² Ar a naḋḃarsin is marso a deir an TIĠEARNA a ttaoiḃ ríġ na Hassiria, Ní ṫiocfaiḋ se don ċaṫruiġsi, agus ní ċaiṫfiḋ sé soiġead ann, ní ṫiocfaiḋ sé na haġaiḋ le scéiṫ, agus ní ṫeilgfiḋ se an treinnse na haġaiḋ.

³³ Annsa tsliġe a ttáinic sé, annsa tsliġe ċéadna ḟillfeas sé, agus ní ṫiocfaiḋ sé don ċaṫruiġsi, a deir an TIĠEARNA.

³⁴ Oír cuiṁdeoċaiḋ misi an ċaṫairsi, ḋá dídean, ar mo ṡon féin, agus ar son mo ṡearḃḟoġantuiġ Dáiḃi.

³⁵ ¶ Agus tárla a noiḋċe sin feín, go ndeaċuiḋ aingel an TIĠEARNA amaċ, agus gur ḃúail sé a ḃfoslungṗort na Nassirianaċ céud agus ceiṫre fiṫċid agus cúig ṁíle: agus a núair do éirġeadar go moċ ar maidin, féuċ, do ḃádar uile na ccorpuiḃ marḃa.

³⁶ Marsin do ġlúais Sennaċerib ríġ na Hassíria, agus dimṫiġ agus dfill sé, agus do rinne coṁnuiġ á Nineḃeh.

³⁷ Agus tárla, mar do ḃí sé ag aḋraḋ a ttiġ Nisroċ a ḋé, gur ḃuáil Adrammeleċ agus Sareser a ṁic leis an ccloiḋeaṁ é: agus do ṫeiṫeadar féin go críċ na Harménia. Agus do ríoġuiḋ Esarhaddon a ṁac iona áit.