II Croinicliḃ 8 - An Bíobla Naoṁṫa 1817 (Bedell)

Caibidil VIII. Reaċd Ṡolaiṁ iona riġeaċd, 11 Agus iona ṫiġ.

¹ Agus tárla (a ccionn ḟiṫċid blíaḋan, iona ndéarna Solaṁ tiġ an TIĠEARNA, agus a ṫiġ féin,)

² Gur ċuir Solaṁ súas, na caiṫreaċa do aisig Huram do Ṡolaṁ, agus ṫug sé air ċloinn Israel coṁnuiġ ionta.

³ Agus do ċuáiḋ Solaṁ go Hamat‐Sobah, agus rug sé búaiḋ uirre.

⁴ Agus do ċuir sé Tadmor súas annsa ḃfásaċ, agus na huile ċaiṫreaċa stóir, noċ do ċuir sé súas ann Hamat.

⁵ Mar an gcéadna do rinne sé Bet‐horon uaċdaraċ, agus Bet‐horon íoċdaraċ, caiṫreaċa daingne, go mballaḋuiḃ, ngeataḋuiḃ, agus mbarraḋuiḃ;

⁶ Agus Baalat, agus na caiṫreaċa stóir do ḃí ag Solaṁ, agus na caiṫreaċa carbad uile, agus caiṫreaċa na ṁarcṡluáiġ, agus a nuile ní dar ṫoil le Solaṁ do ċur súas ann Ierusalem, agus a Lebanon, agus air feaḋ ḋúiṫċe a ṫiġearnuis uile.

⁷ ¶ Ar son an ṁéid do fágḃaḋ do na Hittitiḃ, agus do na Hamorítiḃ, agus do na Perisitiḃ, agus do na Hiḃitiḃ, agus do na Iebusitiḃ, naċ raiḃ Disrael,

⁸ A cclann sin, noċ do fágḃaḋ na ndiáiġ san tír, naċ ar ḋíṫlairiġeadar clann Israel, do ċuir Solaṁ íad fa ċíos gus a niuġ.

⁹ Aċt do ċloinn Israel ní ḋéarnuiḋ Solaṁ serḃísiġ ċum oibre ar biṫ; aċd do ḃádar na luċd cogaiḋ, agus toġa a ċaiptíneaḋ, agus caiptíniġ a ċarbad agus a ṁarcṡlúaġ.

¹⁰ Agus dob íadso príoṁ oifigiḋ an ríġ Soluiṁ, eaḋon ḋá ċéad agus cáogad, agá raiḃ cuṁaċda ós cionn an ṗobail.

¹¹ ¶ Agus ṫug Solaṁ inġean Ṗárao leis súas as caṫruiġ Ḋaiḃi don tiġ do rinne sé ḋi: óir a duḃairt sé, Ni ḃiáiḋ mo ḃeansa na coṁnuiḋe a ttiġ Ḋáiḃi ríġ Israel, do ḃríġ go ḃfuil a náit náoṁṫa, iona ttáinic aírc an TIĠEARNA.

¹² ¶ Ann sin dofráil Solaṁ ofrála loisge don TIĠEARNA air altóir an TIĠEARNA, noċ do ċuir sé súas as coinne an ṗóirse,

¹³ Eaḋon do réir ṁiosúir áiriġ gaċ laói, ofrail do réir aiṫne Ṁaóise, ar na Sabboidiḃ, agus air na reéiḃ núaḋa, agus air na féustaiḃ sollamanta, trí huáire san mbliaḋain, eaḋon a ḃféasta a naráin gan loiḃín, agus a ḃféasta na seaċdṁuineaḋ, agus a ḃféasta na ttabernacuil.

¹⁴ ¶ Agus dórduiġ sé, do réir órduiġ Ḋáiḃi a aṫar, seala na sagart ċum a serḃíse, agus na Leḃíteaċ ċum a ccúram, do ṁolaḋ agus do ḟríṫéolaṁ a ḃfiaġnuise na sagart, mar dob iomċuḃuiḋ doifig gaċ aon laói: na doirseóiriġ mar an gcéadna iona sealuiḃ ag gaċ aóinġeata: óir is mar sin do aiṫin Dáiḃi óglaċ Dé.

¹⁵ Agus níor ḋealuiġeadar ré haiṫne an ríġ do na sagartuiḃ agus do na Leḃitiḃ a ttaoḃ ċúise ar biṫ, nó a ttáoḃ na nionnṁus.

¹⁶ ¶ Anois do ġléusaḋ obair Ṡoluiṁ uile ón ló fár cuireaḋ bunáit ṫiġe an TIĠEARNA, nó go raiḃ sé críoċnuiġ. Mar sin do rinneaḋ tiġ Dé go hiomlán.

¹⁷ ¶ Ann sin do ċuáiḋ Solaṁ go Hesion‐geber, agus go Helot, air ṫaóiḃ na fairge a ḃfearann Edom.

¹⁸ Agus do ċuir Húram ċuige a láṁaiḃ a ṡerḃíseaċ longa, agus serḃísiġ agá raiḃ éolus na fairge; agus do ċúadar lé muinntir Ṡoluiṁ go Hoṗir, agus ṫugadar as sin ceiṫre ċéad agus cáogad tallann óir, agus ṫugadar gus an ríġ Solaṁ íad.