II Croinicliḃ 7 - An Bíobla Naoṁṫa 1817 (Bedell)

Caibidil VII. Urnaiḋ Ṡolaiṁ ar taitneaṁ ré Día, do ḋearḃ sé coisriogan an teampuill ó neaṁ.

¹ Anois an tan do ċríoċnuiġ Solaṁ a ġuiḋe, ṫáinic an teine a núas ó neaṁ, agus do ḋóiṫ sí a nófráil loisge agus na híoḋbarṫa; agus do líon glóir an TIĠEARNA an tiġ.

² Agus níor ḟéudadar na sagairt dul a steaċ go tiġ an TIĠEARNA, do ḃríġ gur líon glóir an TIĠEARNA tiġ an TIĠEARNA.

³ Agus an tan do ċonncadar clann Israel uile mar ṫáinic an teine a núas, agus glóir an TIĠEARNA air an ttiġ, do ċromadar íad féin maille re na naiġṫiḃ ċum na talṁan air a nurlár, agus do aḋradar, agus do ṁoladar an TIĠEARNA, ġa ráḋ, Oir is maiṫ é; oír mairiḋ a ṫrócaire go bráṫ.

⁴ ¶ Annsin da íoḋbuir an ríġ agus an pobal uile íoḋbuirt as coinne an TIĠEARNA.

⁵ Agus do íoḋbuir an ríġ Solaṁ íoḋbuirt ḟiṫċid agus dá ṁíle daṁ, agus ċéud agus fiṫċid míle cáora: marsin do ċoisrig an ríġ agus an pobal uile tiġ Dé.

⁶ Agus do ḃádar na sagairt ag feiṫioṁ ar a noifig féin: na Leḃítiġ mar an gcéadna le ionstruimentiḃ ceóil an TIĠEARNA, noċ do rinne Dáiḃi ríġ do ṁolaḋ an TIĠEARNA, do ḃríġ go mairionn a ṫrocaire go bráṫ, a núair do ṁol Dáiḃi maille re na minostralaċd sin; agus do ṡéideadar na sagairt na stuic rompa, agus do ṡeas Israel uile.

⁷ Tuilleaṁ eile fós do náoṁuiḋ Solaṁ meaḋón na cúirte noċ do ḃí as coinne ṫiġe an TIĠEARNA: óir is annsin do ofráil sé ofrála loisge, agus méaṫus na nofrálaḋ síoṫċána, do ḃríġ nar ṫúill na hofrála loisge, agus na hofrála bíḋ, agus an méaṫus, air a naltóir ṗráis do rinne Solaṁ.

⁸ ¶ Mar an gcéadna fa namsin féin do ċonnuiṁ Solaṁ an féusta seaċd lá, agus Israel uile na ḟoċair, coiṁṫionól roṁór, ó ḋul a steaċ Hámot go sruṫ na Hégipte.

⁹ Agus ar a noċdṁaḋ lá do rinneadar oireaċdus sollamanta: óir do ċongṁadar coisreagaḋ na haltóra seaċd lá, agus an féasta seaċd lá.

¹⁰ Agus air an treas lá fiṫċiod don tseaċdṁaḋ mí doċuir sé an pobal úaḋ da ttiġṫiḃ, lúaṫġáireaċ súgaċ a ccroiḋe ar son na maiṫeasa do ṫaisbéin an TIĠEARNA do Ḋáiḃi, agus do Ṡolaṁ, agus dá ṗobal Israel.

¹¹ Marso do ċríoċnuiġ Solaṁ tiġ an TIĠEARNA, agus tiġ an ríġ: agus a nuile ní dá ttáinic a gcroiḋe Ṡoluṁ do ḋéanaṁ a ttiġ an TIĠEARNA, agus iona ṫiġ fein, do ċuir deireaḋ leis go seanaṁuil.

¹² ¶ Agus dfoillsiġ an TIĠEARNA é féin do Ṡolaṁ san noiḋċe, agus a duḃairt sé ris, Do ċuála mé hurnaiġ, agus do ṫoġ mé an náitsi ḋaṁ féin mar ṫiġ íoḋbarṫa.

¹³ Má ḋruidim neaṁ, ċor naċ mbia fearṫuinn ann, nó má ḟúagruim do na lócustuiḃ an taluṁ do ṁilleaḋ, nó má ċuirim pláiġ a measg mo ṗobail;

¹⁴ Má uṁluiġid mo ṗobal, noċ ġoirṫear am ainmsi, iad féin, agus guiḋe, agus maġaiḋsi díarruiḋ, agus filleaḋ ó na ndroiċṡliġṫiḃ; annsin cluinfe misi ó ḟlaiṫeaṁnus, agus maiṫfe mé a bpeacaḋ, agus leiġeosuiḋ mé a ḃfearann.

¹⁵ Anois béid mo ṡúile foscuilte, agus mo ċlúasa aireaċ don nurnaiġ ḋéantar annsa náitse.

¹⁶ Oír do ṫoġ mé anois agus do noaṁuiġ mé an tiġse, ċor go mbía mainm ann go bráṫ: agus beíd mo ṡúile agus mo ċroiḋe ann a ccoṁnuiġ.

¹⁷ Agus air do ṡonsa, má ṡiuḃluiġeann tú am ḟiaḋnuise, mar do ṡiuḃail haṫair Dáiḃi, agus a ḋéanaṁ do reír a nuile neíṫe dar aiṫin mé ḋíot, agus go ccoiṁeadfa tú mo reaċda agus mo breiṫeaṁnuis;

¹⁸ Annsin coṫoċuiḋ mé caṫaóir do rioġaċda, do réir mo ċunnarṫa red aṫair Dáiḃi, ḋá ráḋ, Ní ḟailleoċuiḋ duine ḋíotsa ḃeiṫ na úaċdarán ann Israel.

¹⁹ Aċt má ḟilltí úaim, agus go ttréigfiḋe mo statúidiġ agus maiṫeanta, noċ do ċuir mé roṁuiḃ, agus go raċtaói agus go ndéantaói serḃís do ḋeeiḃ oile, agus go naḋórṫaói íad;

²⁰ Ann sin tairreonga misi as a ḃfréaṁuiḃ amaċ íad as am ḃfearann noċ ṫug mé ḋóiḃ; agus an tiġse, noċ do naóṁuiḋ mé dom ainm, teilgfiḋ mé as mo raḋarc é, agus dó ḋéana mé seanḟocal agus focal magaiḋ ḋe a measc na nuile ċineaḋaċ.

²¹ Agus an tiġse, ata árd, biáiḋ sé na úaṫḃás ar gaċ uile ḋuine dá ngéaḃa seaċa ḋe; iondus go naibéora sé, Cred fa ndéarna an TIĠEARNA mar so ris an ttírsi, agus ris an ttiġse?

²² Agus freagórṫar é, Do ḃríġ mar do ṫréigeadar an TIĠEARNA Día a naiṫreaḋ, noċ ṫug amaċ íad as críċ na Hégipte, agus gur ġreamuiġeadar do ḋeeiḃ oile, agus daḋradar íad, agus go ndearnadar serḃís ḋóiḃ: uimesin ṫug sé an tolcso uile orra.