II Croinicliḃ 19 - An Bíobla Naoṁṫa 1817 (Bedell)

Caibidil XIX. Aiṫriġe agus leusuġaḋ Iehosaṗat tar éís a imḋeargaḋ ón ḟáiġ.

¹ Agus dfill Iehosaṗat ríġ Iudah da ṫiġ a síoṫċain go Ierusalem.

² Agus do ċúaiḋ Iehu ṁac Hanani an féaċadóir amaċ na ċoinne, agus a duḃairt sé ris an ríġ Iehosaṗat, Ar ċóir ḋuitsi congnaṁ ris a nduine neiṁḋiaḋa, agus gráḋ do ṫaḃairt don luċd ḟúaṫuiġios an TIĠEARNA? uimesin atá fearg riot ó laṫair an TIĠEARNA.

³ Ṫairis sin fríṫ neiṫe maiṫe ionnad, mar do scriós tú na garraín as an ttír, agus gur uṁluiġ tú do ċroiḋe díarruiḋ Dé.

⁴ ¶ Agus do rinne Iehosaṗat coṁnuiġ ann Ierusalem: agus do ċuáiḋ sé amaċ a rís ar feaḋ an ṗobail ó Ḃeerseba go slíaḃ Eṗraim, agus ṫug sé ar a nais íad ċum an TIĠEARNA Día a naiṫreaḋ.

⁵ ¶ Agus do ċuir sé breiṫeaṁuin annsa tír ar feaḋ caiṫreaċ daingean Iúdah uile, ó ċaṫruiġ go caṫruiġ,

⁶ Agus a duḃairt sé ris na breiṫeaṁnuiḃ, Tugaiḋ da ḃur naire cred do ḋéantaoi: oír ní do ḋuine ḃéarṫaoí breaṫ, aċd don TIĠEARNA, noċ atá maille riḃ annsa ḃreiṫeaṁnus.

⁷ Anois uimesin bíoḋ eagla an TIĠEARNA oruiḃ; tugaiḋ dá ḃur naire agus déanaiḋ é: oír ní ḃfuil éaigceart ar biṫ ann ar TTIĠEARNA Díane, nó meas air ṗearsannuiḃ, nó glacaḋ ċuṁṫaċ.

⁸ ¶ Do ċuir fos Iehosaṗat ann Ierusalem do na Leḃitiḃ, agus do na sagartuiḃ, agus do ṫoġa aiṫreaċ Israel, do ḋéanaṁ breiṫeaṁnuis an TIĠEARNA, agus do réiteaċ imreasuin, a nuáir do ḟillidís go Ierusalem.

⁹ Agus do ċuir sé dúalaċ orra, ḋá ráḋ, Marso do ḋéantaoi a núaṁan an TIĠEARNA, go hionnruic, agus le croiḋe iomlán.

¹⁰ Agus giḋ bé ar biṫ cúis ṫiucfas ċugaiḃ ó ḃur ndearḃráiṫriḃ ċóṁnuiġeas iona ccaiṫreaċaiḃ, eidir ḟuil agus ḟuil, idir ḋliġeaḋ agus aiṫne, reaċda agus ḃreiṫeaṁnusa, do ḃéarṫaoi fuagra ḋóiḃ gan aindllġeaḋ do ḋéanaṁ a naġaiḋ an TIĠEARNA, as a ttiucfaḋ dioġaltas oruiḃ, agus air ḃur ndearḃráiṫriḃ: déunuiḋ so, agus ní ḋéantuiḋ aindliġeaḋ.

¹¹ Agus, féuċuiḋ, atá Amariah an tárdsagart ós ḃur ccionn a nuile ċúiseannuiḃ an TIĠEARNA; agus Sebadiah ṁac Ismael riaġluiḋeóir ṫiġe Iúdah, ar son uile ċúiseann an ríġ: béid na Leḃitiġ fós na noifigeaċaiḃ re ḃur naġaiḋ. Déanuiḋ go curata, agus biaiḋ an TIĠEARNA maille ris an ṁaiṫ.