II Croinicliḃ 17 - An Bíobla Naoṁṫa 1817 (Bedell)

Caibidil XVII. Do ċuir Iehosaṗat an eagluis; 12 agus an riġeaċd a norduġaḋ.

¹ Agus do ríoġuiḋ Iehosaṗat a ṁac iona ait, agus do neartuiġ sé é feín a naġaiḋ Israel.

² Agus do ċuir sé neart daoine a ccaiṫreaċaiḃ daingne Iúdah uile, agus do ċuir sé díonlungṗort a ḃfearann Iúdah, agus a ccaiṫreaċaiḃ Eṗraim, noċ do ġaḃ Asa a aṫair.

³ Agus do ḃí an TIĠEARNA le Iehosaṗat, do ḃríġ gur ṡiuḃuil sé a ccéidṡlíġṫiḃ a aṫar Dáiḃi, agus nar íarr sé‐ċum Baalim;

⁴ Aċt do ġuiḋ sé ċum an TIĠEARNA Día a aṫar, agus do ṡiuḃail sé iona aiṫeantuiḃ, agus ní do reír ġníoṁa Israel.

⁵ Uimesin do ḋaingniḋ an TIĠEARNA an rioġaċt iona láiṁ; agus ṫug Iúdah uile tioḋluice ċum Iehosaṗat; agus do ḃí saiḋḃrios agus onóir aige go lór.

⁶ Agus do ḃí a ċroiḋe ar na ṫógḃail suás a sliġṫiḃ an TIĠEARNA: tuilleaṁ fós do ċuir sé na háité árda agus na garraín as Iúdah.

⁷ ¶ Mar an ccéadna air an ttreas bliaḋuin dá ríġe do ċuir sé teaċta a ccionn a ṗrionnsaḋ, eaḋon go Ben‐hail, agus go Hobadiah, agus go Seċariah, agus go Netaneel, agus go Micaiah, do ṫeagasc a ccaiṫreaċaiḃ Iúdah.

⁸ Agus do ċuir sé Leḃítiġ leó, eaḋon Semaiah, agus Netaniah, agus Sebadiah, agus Asahel, agus Semiramot, agus Iehonatan, agus Adoniiah, agus Tobiiah, agus Tob‐adoniiah, Leḃitiġ; agus maille riú Elisama agus Iehoram, sagairt.

⁹ Agus do ṫeagaisceadar ann Iúdah, agus do ḃí leaḃar dliġe an TIĠEARNA aca, agus do ċúadar timċioll ar feaḋ ċaiṫreaċ Iúdah, agus do ṫeagaisceadar an pobal.

¹⁰ ¶ Agus do ṫuit eagla an TIĠEARNA air uile rioġaċtuiḃ na ccríoċ do ḃí timċioll Iúdah, ionnus naċ dearnadar cogaḋ a naġaiḋ Iehosaṗat.

¹¹ Ṫugadar fós cuid do na Ṗilistiniḃ tioḋluice ċum Iehosaṗat, agus cíos airgid; agus ṫugadar na Harábianuiġ tréada ċuige, seaċd míle agus seaċd ccéad reiṫe, agus seaċd míle agus seaċd cceúd poc.

¹² ¶ Agus dfás Iehosaṗat mór go haḋḃal; agus do ċuir sé suás ann Iúdah caisléin, agus caiṫreaċa stóir.

¹³ Agus do ḃí iomad gnoṫuiġeaḋ aige a ccaiṫreaċaiḃ Iúdah: agus luċd coguiḋ, daoine neartṁara gaisgeaṁla, ann Ierusalem.

¹⁴ Agus is íadso a nuiḃre do reír ṫiġe a naiṫreaḋ: do Iúdah, caíptíniġ mílteaḋ; Adnah an té buḋ oirḋearca, agus daoine cumasaċa a ngaisceaḋ na ḟoċair trí ċeád míle.

¹⁵ Agus na ḋiaiġsin do ḃí Iehohanan an caiptin, agus na ḟoċair sin ḋá ċéad agus ceiṫre fiṫċid míle.

¹⁶ Agus na ḋiaiġ sin Amasiah ṁac Siċri, noċ dofráil é feín go toileaṁuil don TIĠEARNA; agus maille ris ḋá ċéad míle fear láidir beóḋa.

¹⁷ Agus do Ḃeniamin; Eliada fear cumasaċ a ccróḋaċd, agus maille ris daoine armṫa re boġa agus re sgéiṫ ḋa ċéad míle.

¹⁸ Agus na ḋiaiġ sin do ḃí Iehosabad, agus maille ris sin céud agus ceiṫre fiṫċid míle reíġ gléasta ċum an ċogaiḋ.

¹⁹ Do ḃádar so ag feiṫioṁ air an ríġ, taoḃ amúiġ don druing do ċuir an ríġ a ccaiṫreaċuiḃ daingue air feaḋ Iúdah uile.