Ieremiah 49 - An Bíobla Naoṁṫa 1817 (Bedell)

Caibidil XLIX. Breiṫeaṁnus ṁuinntir Ammon, 9 Edom, 23 Ḋamascus, 28 Cedar, 30 Hasor, 34 agus Persia.

¹ Attaoḃ na Nammoníteaċ, is marso a deir an TIĠEARNA; An ḃfuilid mic ar biṫ ag Israel? naċ ḃfuil oiġreaḋa ar biṫ aige? cred maiseaḋ as a ḃfuil a ríġ na oiġre ar Ġad, agus a náitreaḃann a ṁuinntir iona ċaiṫreaċaiḃ?

² Uimesin, féuċ, tiucfaid na láeṫe, a deir an TIĠEARNA, iona ttiuḃra misi fa deara caismirt ċogaiḋ do ċluinsion ann Rabbah na Nammoníteaċ; agus biáiḋ sí na cárn ḋólásaċ, agus loisgfiġear a hinġeana le teine: annsin biáiḋ Israel na oiġre air an luċt do ḃí na noiġriġiḃ airsion, a deir an TIĠEARNA.

³ Núall, a Hesbon, óir do creaċaḋ Ai: éiġiḋ, a inġeana Rabbah, gaḃaiḋ siḃ féin a saicéadaċ; cáoiḋiġ, agus rioṫuiḋ síos agus súas láiṁ ris na sáltuiḃ; óir raċaiḋ a ríġ a mbraiġdionas, a ṡagairt, agus a ṗrionnsaḋa a naoinfeaċt.

⁴ Cred fa ngáirdiġion tú annsa ġleann, ann do ġleann tuileaṁuil, a inġean ṁíoċoinġiollaċ? do ḋóṫċusuiġ iona saiḋḃrios, ag ráḋ, Cía ṫiucfas dom ionnsaiḋsi?

⁵ Féuċ, do ḃéara mé eagla ort, a deir an TIĠEARNA Día na slóġ, ó nuile ḋuine dá ḃfuil ad ṫimċioll; agus dibeorṫar siḃ a nuile ḋuine amaċ go díreaċ; agus ní ċruinneoċuiḋ duine ar bíṫ an té ṡeaċránas.

⁶ Agus na ḋiáiġ sin do ḃéara mé liom a rís ḃraiġde ċloinne Ammon, a deir an TIĠEARNA.

⁷ ¶ A ttáoḃ Edom, is marso a deir TIĠEARNA na slóġ; An ḃfuil, críonnaċt ó so amaċ ann Teman? nar imṫiġ coṁairle seaċad ón ġlic? a ndeaċuiḋ a neagna ar neiṁní?

⁸ Téiġiḋsi, filliḋ ar ḃur nais, áitreaḃuiġ go doṁuinn; áitreaḃṫaċa Dédan; óir do ḃéara misi aindeisi Esau air, a nuáir ṫiucfas mé ḋa ḟéuċuia.

⁹ Má ṫiġid luċt cnúasta cáor ċugad, naċ fúigfid cáora díoġloma? má ṫigid gaduiġṫe san noiḋċe, sladfuid síad nó go raiḃ go lór aca.

¹⁰ Aċt do rinne misi Esau lom, do noċt mé a áite secréideaċa, agus ní ḟéadfa sé é féin do ċeilt: do creaċaḋ a ṡíol, agus a ḋearḃráiṫre, agus a ċoṁarsana, agus ní ḃfuil sé féin ann.

¹¹ Fág do ḋílleaċtaiġ, cuiṁdeoċa misi beó íad; agus bíoḋ dóṫċus aig do ḃaintreaḃaċaiḃ ionnam.

¹² Oír is márso a deir an TIĠEARNA; Féuċ, androng naċ raiḃ a mbreaṫ iḃe don ċupán diḃiodar go deiṁin; agus an tusa an té raċus go hiomlán gan ċoiriuġaḋ? ní reaċa tú gan ċoiriuġaḋ, aċt go deiṁin ioḃa tú ḋe.

¹³ Oír do ṁionnuiġ misi ṫríom féin, a deir an TIĠEARNA, go mbia Bosrah na fásaċ, na scannail, na húaignios, agus na malluġaḋ; agus go mbéid a ccaiṫreaċa uile na ḃfasáċ ṡíorruiḋe.

¹⁴ Do ċúala mé iomráḋ ón TTIĠEARNA, agus do cuireaḋ teaċta ċum na ngeinteaḋ, Cruinniġiḋ siḃ féin a ḃfoċair a ċéile, agus tígiḋ na haġaiḋ, agus éirġiḋe súas ċum an ċaṫa.

¹⁵ Oír, féuċ, do ḋéana misi beag ṫú a measc na ngeinteaḋ, agus tarcuisneaċ a measc ḋaoine.

¹⁶ Do ṁeall húaṫḃás ṫú, agus úaḃar do ċroiḋe, ṫusá ċoṁnuiġios a scealpuiḃ na ccarrac, ċóngṁus áirde an ċnoic: bíoḋ go ndeantá do nead coṁárd ris a niolar, do ḃeara misi a núas as sin ṫú, a deir an TIĠEARNA.

¹⁷ Biáiḋ Edom fós na fásaċ: biáiḋ úaṫḃás air gaċ áon dá ngéaḃa ré na táoḃ, agus do ḋéanaid scige fa na pláġaiḃ.

¹⁸ Aṁuil mar do ḃí a scrios Ṡodom agus Ġomorra agus iona ccaiṫreaċaiḃ coṁarsann sion, a deir an TIĠEARNA, ní ḟanfa duine annsin, ní mó áitreoḃus mac duine ann.

¹⁹ Féuċ, tiucfa sé aṁuil leoṁan a níos ó árd Iordan gus a náitreaḃ neartṁar: aċt do ḃéara misi air rioṫ go hobann uáiṫe: agus cía an duine toġṫa, óirdeoċus mé ós a cionn? óir cía is cosṁuil riom? agus cía ċinnfios a naimsir ḋaṁ? agus cía an tréaduiġe ṡeasfas as mo ċoinne?

²⁰ Uimesin éistiġ coṁairle an TIĠEARNA, do rinne sé a naġaíḋ Edom; agus na tionnscanta, do ṫionnscain sé a naġaiḋ áitreaḃṫaċa Téman: Go deiṁin díbeoruiḋ ann té as luġa doa tréad amaċ íad: go deiṁin do ḋéana sé a ttiġṫe fáon foláṁ maille ríu.

²¹ Do ċorruiġ an talaṁ lé torann a ttuitṁe, do ċlos coṁairc a ngoṫa san muir Ruáiḋ.

²² Féuċ, tiucfa sé a níos agus eitillfiḋ sé aṁuil iolar, agus leaṫneoċuiḋ sé a scíaṫáin ós cionn Ḃosrah: agus annsa ló sin biáiḋ croiḋe ḋaóine árraċta Edom aṁuil croiḋe mná iona doiġṫiḃ.

²³ ¶ A ttaoḃ Ḋamascus. Do claóiḋeaḋ Hamat, agus Arpad: óir do ċúaladar droiċsgéala: atáid lagċroiḋṫeaċ; atá gruáim air an ḃfairge; ní ḟéadan sí ḃeiṫ ciúin.

²⁴ Atá Damascus lag, agus dfill sí í féin do ṫeiṫioṁ, agus do ġlac eagla griem uirre: do ġaḃ dobrón agus doilġios í, mar ṁnaói ré nioḋnuiḃ.

²⁵ Ciondus naċ ḃfagṫar caṫair an ṁolta, caṫair mo ṡóláis!

²⁶ Ar a naḋḃarsin tuitfid a daoine óga iona sráidiḃ, agus gearrfuiġear amaċ a nuile ḟear cogaiḋ annsa lósin, a deir TIĠEARNA na slóġ.

²⁷ Agus lasfa mé teine a mballa Ḋamascus, agus loisgfiḋ sé páláis Ḃenhadad.

²⁸ ¶ A ttáoḃ Cedar, agus a ttáoḃ rioġaċta Hasor, noċ ḃuáilfios Nebuċadressar ríġ na Babiloine, is marso a deir an TIĠEARNA; Eirġiḋe, imṫiġiḋ súas go Cedar, agus creaċuiḋ daóine a noirṫir.

²⁹ Glacfuid a bpáillíuin agus a ttréada: béaruid síad ċuca féin a ccúirtíniġe, agus a soiṫiḋe uile, agus a ccáṁuill; agus fuáigeoruid síad dóiḃ, Eagla do ḃeiṫ air gaċ uile ṫaóiḃ.

³⁰ ¶ Teiṫiḋ, imṫiġiḋ a ḃfad, áitreaḃuiġ go doṁuin, a áitreaḃṫaċa Hasor, a deir an TIĠEARNA; óir do ġlac Nebuċadnessar ríġ na Babilóine coṁairle ḃur naġaíḋ, agus do ċinn sé tionnscnaṁ ḃur naġaíḋ.

³¹ Eírġiḋe, imṫiġiḋ súas gus an ccineaḋ ṡaiḋḃir, ċoṁnuiġios gan ċúram, a deir an TIĠEARNA, ag naċ ḃfuilid geataḋa nó barraḋa, noċ áitreaḃus na náonar.

³² Agus béid a ccáṁuill na néadáil, agus iomad a náirnéise na ccreiċ: agus sgaóilfead annsna huile ġáoṫaiḃ an dream atá annsna coirnéaluiḃ imċíana; agus do ḃéara mé a naindeisi ó gaċ uile ṫaóiḃ ḋe, a deir an TIĠEARNA.

³³ Agus biáiḋ Hasor na áitreaḃ dragún, agus na ḟásaċ go bráṫ: ní ḟanfa duine ar biṫ ann, ní áitreoḃuiḋ mac duine ar biṫ ann.

³⁴ ¶ Briaṫar an TIĠEARNA ṫáinic gus an ḃfáiḋ Ieremiah a naġaiḋ Elam a ttosaċ rioġaċt Ṡedeciah ríġ Iúdah, ġa ráḋ,

³⁵ Is marso a deir TIĠEARNA na slóġ, Féuċ, brisfe mé boġa Elam, ceann a neirt.

³⁶ Agus do ḃéara mé ar Elam na ceiṫre gáoṫa ó ċeiṫre háirdiḃ neiṁe, agus sgaóilfiḋ mé íad leaṫ ris na gáoṫaiḃ sin uile; agus ní biáiḋ cineaḋ ar biṫ naċ ttiucfaiḋ díbéarṫuiġ Elam ċuca.

³⁷ Oír do ḃéara mé ar Elam anḃfainninġaḋ a laṫair a náṁad, agus a laṫair na druinge íarrus a mbás: agus do ḃéara mé olc orra, eaḋon mfearg ḃorḃ, a deir an TIĠEARNA; agus cuirfiḋ mé an cloiḋeaṁ na ndiáiġ, nó go ccuiriḋ mé deireaḋ léo:

³⁸ Agus suíḋeoċa mé mo ċaṫaóir ríoġa ann Elam, agus muirfiḋ mé as sin an ríġ, agus na prionnsaḋa, a deir an TIĠEARNA.

³⁹ ¶ Aċt tiucfuiḋ a ccríċ annsna láeṫiḃ deiġionaċa, go ttiuḃra misi ar a nais a rís braiġde Elam, a deir an TIĠEARNA.