Ieremiah 48 - An Bíobla Naoṁṫa 1817 (Bedell)

Caibidil XLVIII. Tairrġir a naġaiḋ Ṁoab arson a díomas, &c.

¹ Anaġaiḋ Ṁoab is marso a deir TIĠEARNA na slóġ, Día Israel; A ṁairg do Nebo! óir atá sí airgṫe: do náiriġeaḋ Ciriataim agus do ġaḃaḋ í: atá a Misgab ar na náiriuġaḋ agus atá sí anḃfann.

² Ní ḃiáiḋ níosa ṁó do ṁolaḋ ar Ṁoab: do ṫionnscnadar olc na haġaiḋ ann Hesbon; déanam, gearram amaċ í ó ḃeiṫ na cineaḋ. Géarrfuiġear fós síos ṫú, a Ṁadmen; leanfuiḋ an cloiḋeaṁ ṫú.

³ Biáiḋ guṫ a néiġiṁ ó Horonaim, creaċaḋ agus aiḋṁilleaḋ ṁór.

⁴ Ata Moab ar na scríos; ṫug a haóin ḃeaga fa deara coṁairc do ċluinsion.

⁵ Oir a ndul súas Luhit raċaiḋ gul gnáṫaċ súas; óir a ndul síos Horonaim do ċúaluiḋ an náṁuid guṫ a naiḋṁillte.

⁶ Teiṫiḋ, sáḃáluiġ ḃur nanmanna, agus bíṫí cosṁuil ris an ḃfráoċ ann sa ḃfasaċ.

⁷ ¶ Oír do, ḃríġ gur ċreid tú ann hoibreaċaiḃ agus ann hionnmbusaiḃ, géuḃṫar ṫusa fós: agus raċa Ċemos amaċ a mbraiġdionas maille re na ṡagartaiḃ agus re na ṗrionnsaḋuiḃ a naóinḟeaċt.

⁸ Agus tiucfuiḋ an creaċadóir ar gaċ uile ċaṫruiġ, agus ní raċaiḋ caṫair ar biṫ as: millfiġear fós an gleann, agus scriosfuiġear an réiġteaċ, mar do laḃair an TIĠEARNA.

⁹ Tugaiḋ sciaṫáin do Ṁóab, ċor go tteiṫfiḋ sé agus go nimeoċaiḋ sé roiṁe: óir béid a ċaiṫreaċa úaigneaċ, gan áitreaḃaċ air ḃiṫ ionta.

¹⁰ Go maḋ malluiġṫe an té do ní oibreaċa an TIĠEARNA go meaḃlaċ, agus go maḋ malluiġṫe an té ċoinneoċus a ċloiḋeaṁ ar ais ó ḟuil.

¹¹ ¶ Do ḃí Moab a suáiṁneas ó na óige, agus do ṡuiġiḋ sé air a ṁoirtiḃ, agus níor folṁuiġeaḋ é ó ṡoiṫeaċ go soiṫeaċ, ní mó do ċúaiḋ a mbraiġdionas: uimesin mairiḋ a ḃlas ann féin, agus níor háṫruiġeaḋ a ḃolaḋ.

¹² Uimesin, féuċ, tiucfuid na láeṫe, a deir an TIĠEARNA, go ccuirfiḋ misi rúagaireaḋa ċuige, ċuirfios dfiaċaiḃ air seaċrán do ḋéanaṁ, agus ḟoilṁeoċus a ṡoiṫeaḋa, agus ḃrisfios a mbuidéil.

¹³ Agus biáiḋ náire ar Ṁoab fa Ċemos, mar do ḃí tiġ Israel náireaċ fa Ḃetel a ndóṫċus.

¹⁴ ¶ Ciondus a dearṫaóise, Atámaóidne ar ḃfearuiḃ cuṁaċtaċa agus neartṁara ċum an cogaiḋ?

¹⁵ Do creaċaḋ Moab, agus do ċuáiḋ sé súas as a ċaiṫreaċaiḃ, do ċuáiḋ toġa a ḋaóine óga síos ċum a náir, a deir an ríġ, dar bainm TIĠEARNA na slóġ.

¹⁶ Is fogus daindeis Ṁoab teaċt, agus deiṫfriġiḋ a aṁgar go lúaṫ.

¹⁷ Gaċ a ḃfuiltí na ṫimċioll, guiliḋ air a ṡon; agus siḃsi uile dar baiṫnid a ainm, abruiḋ, Ciondus do ḃriseáḋ an bata láidir, agus an tslat sgíaṁaċ!

¹⁸ Ṫusa a inġean áitreaḃus ann Díbon, tárr a núas ód ġlóir, agus suiḋ a ttart; óir tiucfaiḋ creaċaire Ṁóab ort, agus scriosfuiḋ sé do ḋaingneaċa láidre.

¹⁹ O a áitreaḃṫuiġ Aroer, seas annsa tsliġe, agus fuirḟeiṫ; fíafruiġ don ti ṫeiṫios, agus don mnaói ṫéid as, agus abair, Cred do rinneaḋ?

²⁰ Do claóiḋeaḋ Móab; óir do ḃriseaḋ síos é: núalluiġ agus éiġiḋ; innisiḋsi ann Arnon, gur creaċaḋ Móab,

²¹ Agus go ttáinic breiṫeaṁnus air an ttír réiḋ; ar Holon, agus ar Iahasah, agus air Ṁeṗaat,

²² Agus air Ḋíbon, agus ar Nebo, agus ar Ḃet‐diblataim,

²³ Agus ar Ċiriataim, agus ar Ḃetgamul, agus ar Ḃet‐meon,

²⁴ Agus ar Ċeriot, agus air Ḃosrah, agus air uile ċaiṫreaċaiḃ ṫire Moab, a cceín nó a ḃfogus.

²⁵ Do gearraḋ aḋarc Ṁoab amaċ ḋe, agus do briseaḋ a ríġ, a deir an TIĠEARNA.

²⁶ ¶ Cuiriḋsi ar meisce é: óir do ṁóruiġ sé é fein a naġaíḋ an TIĠEARNA: unfuirtfiġ Móab é féin mar an ccéadna íona sceaṫruiġ, agus biáiḋ sé fós na sgige.

²⁷ Oír naċ raiḃ Israel na ṁagaḋ aguiḃsi? ar fríṫ é a measg ġaduiġṫe? óir ó nam far laḃair tú air, do ling tú le lúaṫġáir.

²⁸ O siḃsi áitreaḃus ann Móab, fágḃuiḋ na caiṫreaċa, agus coṁnuiġiḋ annsna cairgiḃ, agus bíṫí cosṁuil ris an ccolum do ni a nead a leaṫ taóiḃ ḃéil an tuill.

²⁹ Do ċúalamar úaḃar Ṁóab, atá sé ro úaiḃreaċ a ṁórḋaċt, agus a úaḃar, agus a ríṁiaḋ, agus áirde a ċroiḋe.

³⁰ Is aiṫnid daṁsa a ḟearg, a deir an TIĠEARNA; aċt ní ḃía sin mairsin; ní ċuideoċuid a ḃréaga díoṁaóin leis.

³¹ Ar a naḋḃarsin núallfuiḋ misi ar son Ṁoab, agus goirfiḋ mé na coṁairc ar son Ṁoab uile; osnaḋfuiḋ mo ċroiḋe ar son ḟear Ṡir‐heres.

³² O a ḟíneaṁnin Ṡibmah, guilfiḋ mé ar do ṡon maille re gul Iaser: do ċuáiḋ do ṗlanndaḋa ṫar fairge, roiċid go fairge Iaser: do ṫuit an creaċadóir ar do ṫóirṫe saṁraiḋ agus ar ṫoraḋ ṫfíneaṁan.

³³ Agus rugaḋ gáirdeaċus agus lúaṫġair ón maċaire ṫóirṫeaṁuil, agus ó ṫir Ṁóab; agus ṫug mé fa deara fíon dfailliuġaḋ ó na nomaruiḃ fíona: ní ṡailteoruiḋ duine ar biṫ maille re gáir; ni buḋ éanġáir a ngáir.

³⁴ O éiġioṁ Hesbon eaḋon go Heleáleh, agus go Iahas, do ġoireadar an ċoṁairc, ó Ṡóar go Horonaim, aṁuil colpaċ ṫrí mblíaḋan daóis: óir béid fós uisgeaḋa Nimrim uáigneaċ.

³⁵ Tuilleaṁ oile do ḃéara mé fa deara do ċosg ann Móab, a deir an TIĠEARNA, an té ofrálus annsna háitiḃ árda, agus an té loisgios túis dá ḋéiḃ.

³⁶ Uimesin fuáimneoċuiḋ me ċroiḋe aṁuil píoba ar son Ṁóab, agus fuaimneoċuiḋ mo ċroiḋe aṁuil píoba ar son ḟear Ċir‐herés: do ḃríġ go ndeaċaiḋ an saiḋḃrios fuáir sé seaċad.

³⁷ Oír biáiḋ a nuile ċeann máol, agus gaċ uile ḟeasóg beárrṫa: biaid geárrṫa air na huile láṁuiḃ, agus saicéadaċ air na leasraċaiḃ.

³⁸ Biáiḋ cuṁaiḋ go coitċeann ar ṁullaḋuiḃ ṫeaġ Ṁóab agus iona ṡráidiḃ: óir do ḃris mé Móab aṁuil soiṫeaċ ann naċ bíḋ taitneaṁ ar biṫ, a deir an TIĠEARNA.

³⁹ Núallfuiḋ síad, ag ráḋ, Ciondus do briseaḋ síos e! ciondus diompóiġ Moab a ċúl tré náire! mar sin ḃias Móab na ṁagaḋ agus na úaṁan dá ḃfuil ar gaċ taóiḃ ḋe uile.

⁴⁰ Oír is marso a deir an TIĠEARNA; Féuċ, eitillfiḋ sé aṁuil iolar, agus leaṫnoċuiḋ a sciaṫáin ós ccíonn Ṁóab.

⁴¹ Do gaḃaḋ na caiṫreaċa, agus do gaḃaḋ na daingne láidre, agus biáid croiḋṫe na ḃfear nárraċta ann Móab san ló sin aṁuil croiḋe mná iona doiġṫiḃ.

⁴² Agus scriosfuiġear Móab ó ḃeiṫ na ṗobal, do ḃríġ gur ṁéaduiġ sé é féin a naġaíḋ an TIĠEARNA.

⁴³ Bíaiḋ eagla, agus úaiġ, agus paintéar ort, a áitreaḃṫuiġ Ṁóab, a deir an TIĠEARNA.

⁴⁴ An té ṫeiṫios ó neagla tuitfiḋ sé annsa nuáiġ; agus an té ṫiucfas a níos as an bpoll géaḃṫar san ṗaintéar é: óir do ḃéara misi air, eaḋon air Ṁóab, blíaḋuin a ccúartuiġṫe, a deir an TIĠEARNA.

⁴⁵ Do ṡeasadar fa ḋíon Hesbon an drong do ṫeiṫ tre ainneart: aċt tiucfuiḋ teine amaċ as Hesbon, agus a sair as lár Sihon, agus loisgfiḋ sí cuáinne Ṁóab, agus coróin ċinn na ndaóine cceannairgeaċ.

⁴⁶ A ṁairg ḋuit, a Ṁóab, atá pobal Ċemos ar na milleaḋ: óir do gaḃaḋ do ṁic a mbraiġdionas, agus hinġeana a láiṁdeaċus.

⁴⁷ ¶ Giḋeaḋ fillfe misi braiġdeanas Ṁóab annsna laéṫiḃ deiġionaċa, a deir an TIĠEARNA. Breiṫeaṁnus Ṁóab go nuige so.