Ieremiah 39 - An Bíobla Naoṁṫa 1817 (Bedell)

Caibidil XXXIX. Do ġaḃaḋ, do briseaḋ síos, do airgeaḋ Ierusalem, agus rugadar na daóine a mbraiġdionnas.

¹ Annsa náoṁaḋ blíaḋain do Ṡedeciah ríġ Iúdah, annsa deaċṁaḋ mí, ṫáinic Nebuċadressar ríġ na Babilóine agus a ṡlúaġ uile a naġaiḋ Ierusalem, agus do ṡuiġeadar na timċioll uirre.

² Agus annsa náonṁaḋ bliaḋuin déag do Ṡedeciah, annsa cceaṫraṁaḋ mí, air an náoṁaḋ lá don ṁí, do briseáḋ síos an ċaṫair.

³ Agus ṫangadar uile ṗrionnsaḋa ríġ na Babilóine a steaċ, agus do ṡuiġeadar annsa ġeata meaḋónaċ, eaḋon Nergal‐Sareser, Samgar‐nebo, Sarseċim, Rab‐saris, Nergal‐sareser, Rabmag, maille ris an ccuid oile uile do ṗrionnsaḋuiḃ ríġ na Babilóine.

⁴ ¶ Agus tárla, an tan do ċonnairc Sedeciah ríġ Iúdah íad, agus na fir ċogaiḋ uile, gur ṫeiṫeadar, agus go ndeaċadar amaċ as an ccaṫruiġ san noiḋċe a sliġe ġáirdin an ríġ, annsa ġeata idir an dá ḃalla: agus do ċuáiḋ seision amaċ a sliġe an réitiġ.

⁵ Aċt do lean slúaġ na Ccaldéanaċ íad, agus rugadar ar Ṡedeciah a réitiḃ Ieriċo: agus an tan rugadar air, ṫugadar súas go Nebuċadnessar ríġ na Babilóine é, go Riblah a ttír Hámat, áit a rug sé breiṫeaṁnus air.

⁶ Annsin do ṁarḃ ríġ na Babilóine mic Ṡedeciah ann Riblah as ccoinne a ṡúl, do ṁarḃ ríġ na Babilóine fós uáisle Iúdah uile.

⁷ Tuilleaṁ oile, do ċuir sé súile Ṡedeciah amaċ, agus do ċeangail sé le slaḃraḋuiḃ é, dá ḃreiṫ don Ḃabilóin.

⁸ ¶ Agus do loisgeadar na Caldéanuiġ tiġ an ríġ, agus tiġṫe an ṗobail uile, le teine, agus do ḃriseadar síos ballaḋa Ierusalem.

⁹ Ann sin rug Nebusar‐adan caiptín an ġárda a mbraiġdionas leis don Ḃabilóin fuiġioll na ndaóine do fágḃaḋ annsa ċaṫruiġ, agus an dream do ċúaḋ do ṫáoḃ, do ṫeiṫ ċuige, maille ris an ccuid oile don ṗobal do ṁair.

¹⁰ Aċt dfág Nebusar‐adan caiptín an ġárda do ḃoċtaiḃ an ṗobail, ag naċ raiḃ, aoinní a ttír Iúdah, agus ṫug sé fíneaṁna agus maċaireaḋa ḋóiḃ an lásin.

¹¹ ¶ Anois ṫug Nebuċadressar ríġ na Babilóine cúram do Nebusar‐adan caiptín an ġárda a ttaóiḃ Ieremiah, ġa ráḋ,

¹² Glac é, agus féuċ ḋó go maiṫ, agus ná déan doċar ar biṫ ḋó; aċt déan ḋó íonnan agus mar a déara sé riot.

¹³ Marsin do ċuir Nebusar‐adan caiptín an ġárḋa úaḋ, agus Nebusasban, Rabsaris, agus Nergal‐sareser, Rabmag, agus uile ṗrionnsaḋa ríġ na Babilóine;

¹⁴ Do ċuireadarsan, agus rugadar Ieremiah amaċ as cúirt an ṗriosúin, agus ṫugadar go Gedaliah ṁac Ahicam ṁic Saṗan é, dá ḃreiṫ don ḃaile: annsin dáitreiḃ sé a measc an ṗobail.

¹⁵ Anois ṫáinic bríaṫar an TIĠEARNA go Ieremiah, an fad dó ḃí sé íaḋta súas a ccúirt an ṗríosuin, ġa ráḋ.

¹⁶ ¶ Eiriġ, agus laḃair re Ebedmeleċ an Tetíopeaċ, ġa ráḋ, Is marso a deir TIĠEARNA na slóġ, Día Israel; Féuċ, do ḃéara mé mfocal air an ccaṫruiġse ar olc, agus ní ar ṁaiṫ, agus béid annsa ló sin ad ḟíaġnuise si.

¹⁷ Aċt sáorfuiḋ mé ṫusa san lóisin, a deir an TIĠEARNA: agus ní ṫiúḃarṫar ṫú a láiṁ na ndaóine re a ḃfuil eagla agad.

¹⁸ Oír go deiṁin sáorfa misi ṫú, agus ní tuitfiḋ tú leis an ccloiḋeaṁ, aċd biáiḋ hanam mar éadáil agad: do ḃríġ gúr ċuir tú do ḋóṫċus ionnamsa, a deir an TIĠEARNA.