Ieremiah 32 - An Bíobla Naoṁṫa 1817 (Bedell)

Caibidil XXXII. Ieremiah ar na iaḋaḋ súas, 16 rinne sé urnaiġ, 36 agus do aiṫris morḋaċt ċunnraḋ na tiomna nuáiḋ.

¹ An ḃríaṫar ṫáinic go Ieremiah ón TTIĠEARNA annsa deaċṁaḋ blíaḋain do Ṡedeciah ríġ Iúdah, noċ ar bí an toċtṁaḋ blíaḋain déag do Nebuċadressar.

² Oír is annsin do ṡuiġeadar slúaġ ríġ na Babilóine um Ierusalem: agus do híaḋaḋ súas Ieremiah an fáiḋ a ccúirt an ṗríosúin, noċ do ḃí a ttiġ ríġ Iúdah.

³ Oír do íaḋ Sedeciah ríġ Iúdah súas é, ġa ráḋ, Cred as a ttairrġireann tú, agus a nabair tú, Is marso a deir an TIĠEARNA, Féuċ, do ḃéara mé an ċaṫairsi a láiṁ ríġ na Babilóine, agus géaḃuiḋ sé í;

⁴ Agus ní raċuiḋ Sedeciah ríġ Iúdah as láiṁ na Ccaldeánaċ, aċt go deiṁin ḃéarṫar a láiṁ ríġ na Babilóine é, agus laiḃeoruiḋ sé ris béul air ḃéul, agus do ċífid a ṡúile a ṡúilesion;

⁵ Agus treóroċuiḋ sé Sedeciah don Ḃabilóin, agus biáiḋ annsin go ttí misi ar ccuáirt ċuige, a deir an TIĠEARNA: má tá go ttroidfiġe ris na Caldeánaċaiḃ, ní ḃéarṫaói buáiḋ.

⁶ ¶ Agus a dúḃairt Ieremiah, Ṫáinic bríaṫar an TIĠEARNA ċugamsa, ġa ráḋ,

⁷ Féuċ, tiucfuiḋ Hanámeel mac Sallum dearḃráṫair haṫar ċugad, ġa ráḋ, Ceannuiḋ ḋuit féin mo ṁaċaire atá ann Anatot: óir is leaċt ceart a ḟúascailte do ċeannaċ.

⁸ Marsin ṫáinic Hanameel mac dearḃraṫar mo aṫar ċugamsa a ccúirt an ṗríosúin do réir ḃréiṫre an TIĠEARNA, agus a dúḃairt sé riom, Guiḋim ṫú, ceannaiġ mo ṁaċaire, noċ atá ann Anatot, noċ atá á ttír Ḃeniamin: óir is leaċd ceart a oiġreaċta, agus is leaċd a ḟuasclaḋ; ceannuiġ ḋuit féin é. Annsin daiṫin mé gur bí sin bríaṫar an TIĠEARNA.

⁹ Agus do ċeannuiġ mé an maċaire ó Hanameel mac dearḃraṫar mo aṫar noċ do ḃí ann Anatot, agus do ṫoṁais mé an tairgiod ċuige, eaḋon seaċt secel déag airgid.

¹⁰ Agus do scrioḃ mé sin a leaḃar, agus do ṫoṁais mé an tairgiod ċuigesion annsa ṁeaḋ.

¹¹ Marsin do ġlac mé scríḃinn na ceannuiġeaċda, ar na ṡéalaḋ do reir an dliġe agus an ġnáṫa, agus sgríḃinn oscailte:

¹² Agus ṫug mé scríḃinn na ceannuiġeaċda do Ḃaruċ ṁac Neriah, ṁic Maaseiah, a raḋarc Hanameel mac dearḃraṫar mo aṫar, agus a laṫair na ḃtíaġan do scríoḃ a leaḃar na ceannuiġeaċda, a laṫair na Níuduiġeaḋ uile do ṡuiġ a ccúirt an ṗríosúin.

¹³ ¶ Agus do ċuir mé dfíaċuiḃ ar Ḃaruċ dá laṫair sin, ġa ráḋ,

¹⁴ Is marso a deir TIĠEARNA na slóġ, Día Israel; Glac na scríḃnesi, an scriḃinnsi na ceannuiḋeaċda, noċ atá séuluiġṫe, agus an scríḃinnsi atá oscuilte; agus cuir a soiṫeaċ ċriáiḋ íad, iondus go mairfid mórán do láeṫiḃ.

¹⁵ Oír is marso a deir TIĠEARNA na slóġ, Día Israel; Sealḃóċṫar tiġṫe agus maġa agus fíneaṁna annsa tírso a rís.

¹⁶ ¶ Anois a núair ṫug mé scríḃinn na ceannuiġeaċta do Ḃaruċ ṁac Neriah, do ġuiḋ mé an TIĠEARNA, ġa ráḋ,

¹⁷ Ah a Ṫiġearna DIA! féuċ, do rinne tú neaṁ agus talaṁ le do ċuṁaċtaiḃ móra agus le ríġ sínte amaċ, agus ní ḃfuil aoinní ro ċruáiḋ ḋuitsi:

¹⁸ Taisbéanuiḋ tú cinéul gráḋaċ do ṁíltiḃ, agus cúitiġiḋ tú éigceart na naiṫreaḋ a nuċt na cloinne na ndiáiġ: an Día Mór Cuṁaċdaċ, TIĠEARNA na slóġ, isé a ainm,

¹⁹ Mór a ccoṁairle, agus cuṁaċtaċ a ngníoṁ, (óir atáid do ṡúile oscuilte ar uile ṡliġṫiḃ ṁac na ndaóine: do ṫaḃairt do gaċ áonduine do réir a sliġṫeaċ, agus do réir ṫoruiḋ a ngníoṁ:)

²⁰ Noċ do ṡuiġiḋ coṁarṫaḋa, agus ionganta a ccríċ na Hégipte, gus a niuġ, agus a Nisrael, agus a measc ḋaóine oile; agus do rinne ainm ḋuit féin, mar atá a niuġ;

²¹ Agus ṫug amaċ do ṗobal Israel as críċ na Hégipte lé coṁarṫuiḃ, agus lé hiongantaiḃ, agus lé láiṁ láidir, agus le riġ sínte amaċ, agus le húaṫḃás mór;

²² Agus ṫugais an fearannso ḋóiḃ noċ do ṁionnuiġ tú dá naiṫriḃ do ṫaḃairt dóiḃ, fearann ag líonaḋ do ḃainne agus do ṁil;

²³ Agus ṫangadar ann, agus do ṡealḃuiġeadar é; aċd níor úṁluiġeadar dot ġúṫsa, ní mó do ṡiuḃluiġeadar ann do ḋliġeaḋ; ní ḋéarnadar aoinní do nuile ni dar aiṫin tú ḋíoḃ do ḋéanaṁ: uimesin ṫug tú fa deara an tolcsa uile do ṫeaċt orra:

²⁴ Féuċ ṫangadar na mótuiḋ, ċum na caiṫreaċ dá gaḃáil; agus tugaḋ an ċaṫair a láiṁ na Ccaldeánaċ, noċ ṫroideas na haġaiḋ, do ḃríġ an ċloiḋiṁ, agus na gorta, agus na pláġa: agus an ní a dúḃairt tú ṫáinic sé a gcriċ; agus, féuċ, do ċiḋ tú é.

²⁵ Agus a dúḃairt tú, riomsa a Ṫiġearna DIA, Ceannuiġ ḋuit féin an fearann air airgiod, agus glac fíaḋuin; óir tugaḋ an caṫair a láiṁ na Ccaldeánaċ.

²⁶ ¶ Annsin ṫáinic bríaṫar an TIĠEARNA go Ieremiah, ġa ráḋ,

²⁷ Féuċ, is misi an TIĠEARNA, Día na nuile ḟéola: an ḃfuil ní ar biṫ ro ċruáiḋ orum?

²⁸ Uimesin is marso a deir an TIĠEARNA; Féuċ, do ḃéara mé an ċaṫairsi a láiṁ na Ccaldéanaċ, agus a láiṁ Nebuċadnessar ríġ na Babilóine, agus géaḃuiḋ sé í:

²⁹ Agus tiucfuid na Caldéanuiġ, ṫroideas a naġaiḋ na caiṫreaċso, agus cuirfid an ċaṫairsi tré ṫeine, agus loiscfid í maille ris na tíġṫiḃ, ar a mullaċ ar ofráladar túis do Ḃaal, agus ar ḋóirteadar amaċ ofrála diġe do ḋéiḃ oile, dom ḃrostúġaḋsa ċum feirge.

³⁰ Oír do rinne clann Israel agus clann Iúdah olc aṁáin ann mfiaḋnuise ó na nóige: óir do ḃrostuiġeadar clann Israel aṁáin mé ċum feirge lé hoibreaċaiḃ a láṁ, a deir an TIĠEARNA.

³¹ Oír do ḃi an ċaṫairsi ḋaṁsa na brostuġaḋ feirge agus úaṫḃáis on ló fa ndéarnadar í gus a niuġ; ċor go náṫroċuinn í ó ḃeiṫ ar maġaiḋ,

³² Dó ḃríġ uile olc ċloinne Israel agus ċloinne Iúdah, do rinneadar dom ḃrostuġaḋsa ċum feirge, íad féin, a ríġṫe, a bprionnsuiḋe, a sagairt, agus a ḃfáiġe, agus fir Iúdah, agus áitreaḃṫaċa Ierusalem.

³³ Agus diompóiġeadar a ccúl riomsa, agus ni hé a naġaiḋ: mátá gur ṫeagaisc mé íad, ag éirġe go moċ agus dá múnaḋ, giḋeaḋ níor úṁluiġeadar do ġaḃáil teagaisg.

³⁴ Aċt do ċuireadar a ngráineaṁlaċt annsa tiġ, noċ goirṫear am ainmsi, da ṫruáilleaḋ.

³⁵ Agus do rinneadar áite árda Ḃaal, noċ atá a ngleann ṁic Hinnom, do ṫaḃairt air a macaiḃ, agus air a ninġeanuiḃ dul ṫríd an tteine do Ṁoloċ; noċ nar aiṫin misi ḋíoḃ, ní mó ṫáinic sé ann minntinn, go ndéanaidis an ġráineaṁlaċtso, taḃairt ar Iúdah peacuġaḋ.

³⁶ ¶ Agus anois uimesin is marso a deir an TIĠEARNA, Día Israel, a ttaoḃ na caiṫreaċso, ré a nabarṫaóise, Go seaċodṫar í a láiṁ ríġ na Babilóine leis an ccloiḋeaṁ, agus leis an ngorta, agus leis an bpláiġ;

³⁷ Féuċ, cruinneoċa mé íad amaċ as na huile ṫíorṫa, ann ar ḋíbir mé íad ann mfeirg, agus ann mainteas, agus a ndioġaltas mór; agus do ḃéara mé a rís don náitsi íad, agus do ḃéara mé orra coṁnuiḋe go suáiṁneaċ:

³⁸ Agus béid síad na bpobal agamsa, agus biáiḋ misi am Ḋía acasan:

³⁹ Agus do ḃéara mé áon ċroiḋe aṁáin dóiḃ, agus aóintsliġe aṁáin, ċor go mbía meaglasa orra go bráṫ, ar ṁaiṫiḃ ríu, agus re na ccloinn na ndiáiġ:

⁴⁰ Agus do ḋéana mé cunnraḋ síoṫḃúan ríu, naċ iompoċa mé úaṫa, do ḋéanaṁ maiṫeasa ḋóiḃ; aċt cuirfe mé meagla iona ccroiḋṫiḃ, naċ deileoċnid síad riom.

⁴¹ Aseaḋ, gáirdeoċa mé ós a ccionn do ḋéanaṁ maiṫeasa ḋóiḃ, agus pláinndeoċa mé annsa dúṫaiġ íad go deiṁin maille rém uile ċroiḋe agus rem uile anam.

⁴² Oír is marso a deir an TIĠEARNA, Aṁuil mar ṫug mé an tolc mórso uile ar an bpobalso, marsin do ḃéara mé orra a nuile ṁaiṫ dar ġeall mé ḋóiḃ.

⁴³ Agus ceinneoċṫar maċairiḋe annsa tírse ré a nabarṫáoise, Atá sí uáigneaċ gan duine gan ḃeaṫaċ; tugaḋ a láiṁ na Ccaldéanaċ í.

⁴⁴ Ceinneoċuid daóine maċaireaḋa ar airgiod, agus scrioḃṫuid leaḃar, agus cuirfid séala, agus glacfuid fíaḋna a ttír Ḃeniamin, agus ánnsna háitiḃ tímċioll Ierusalem, agus a ccaiṫreaċaiḃ Iúdah, agus a ccaiṫreaċaiḃ na slíaḃ, agus a ccaiṫreaċaiḃ an ġleanna, agus a ccaiṫreaċaiḃ an deisceirt: óir do ḃéara misi air a mbraiġdionus filleaḋ, a deir an TIĠEARNA.