Ieremiah 31 - An Bíobla Naoṁṫa 1817 (Bedell)

Caibidil XXXI. Is tarḃaċ toraḋ an smaċduiġe tre ġrása Dé.

¹ Annsa nam sin féin, a deir an TIĠEARNA, ḃías misi am Ḋía ṁuinntearaḋ Israel uile, agus buḋ íadsan mo ṗobalsa.

² Is marso a deir an TIĠEARNA, Fúaradar na daóine do ċuáiḋ as ón ccloiḋeaṁ grása annsa ḃfásaċ; a nuáir do ċuáiḋ misi do ṫaḃairt air Israel ḃeiṫ súaiṁneaċ,

³ Do taiḃreaḋ an TIĠEARNA ḋaṁsa cían ó ṡin, ġa ráḋ, Do ġráḋuiġ mé ṫú lé gráḋ siorruiḋe: uimesin le cineal gráḋaċ do ṫarruing mé ṫú.

⁴ Cuirfe mé a rís súas ṫú, agus cuirfiġear súas ṫú, a ṁaiġdion Israel: biáiḋ tú a rís ar do scíaṁuġaḋ lé tiompanuiḃ, agus raċa tú amaċ a ndaṁsaiḃ na druinge do ní súgraḋ.

⁵ Plainndeoċa tú fós fíneaṁna ar ṡléiḃtiḃ Ṡamaria: plainndeoċuid na planndóiriḋe, agus íosuid íad mar neiṫiḃ coitċionna.

⁶ Oír biáiḋ lá, go ḃfuáigeoruid an luċd faire ar ṡlíaḃ Eṗraim, Eirġiḋ, agus déanam súas go Sion ċum an TIĠEARNA ar Ndía féin.

⁷ Oír is marso a deir an TIĠEARNA; Canaiḋ maille re lúaṫġáir ar son Iácob, agus gáiriḋ a measc roġa na ccineaḋaċ: fúagruiḋsi, moluiḋsi, agus abraiḋ, A ṪIĠEARNA, tárṫuiġ do ṗobal, fuiġioll Israel.

⁸ Féuċ, do ḃéara mé íad ón tír ṫuáiġ, agus cruinneoċa mé íad ó imliḃ na talṁan, agus maille ríu an dall agus an bacaċ, an ḃean torraċ agus an ḃean re nioḋnuiḃ a naoinḟeaċt: fillfiḋ cuideaċda ṁór annsin.

⁹ Tiucfuid síad maille re gul, agus maille re gearánuiḃ ṫréoroċus mé íad: do ḃéara mé orra siuḃal re taóiḃ na sroṫann uisceaḋ a sliġe ḋíriġ, a náit naċ ḃfuiġid siad tuisleaḋ: óir atáim am aṫair ag Israel, agus sé Eṗraim mo ċéidġm.

¹⁰ Eistiġ bríaṫar an TIĠEARNA, siḃsi a ċineaḋaċa, agus innisiġ é annsna hoiléanuiḃ imċíana, agus abraiḋ, An té do ḋíoṫscaóil Israel cruinneoċuiḋ sé é, agus cuiṁdeoċuiḋ é, aṁuil mar do ní an táoḋaire a ṫréad.

¹¹ Oír dfúascail an TIĠEARNA Iácob, agus dfúascail sé é as láiṁ an tí do ḃí ní buḋ láidre na é.

¹² Uimesin tiucfuid síad agus canfuid a mullaċ Ṡion, agus tuileoċuid a naóinḟeaċt ċum maiṫeasa an TIĠEARNA, ar son cruiṫneaċt, agus ar son fíona nuáiḋ, agus ar son ola, agus ar son óg an tréada agus na háirġe: agus biáiḋ a nanam aṁuil gáirdín ar na ḟliuċaḋ; agus ní ċaóiḋfid nísa ṁó ar áonċor.

¹³ Annsin ġáirdeoċus an ṁaiġdion annsa daṁsa, na daóine óga araon agus na seanóiriḋe: óir fillfiḋ misi a ngúḃa a ngáirdeaċus, agus coiḃreoċa mé íad, agus do ḃéara mé orra sólásuġaḋ ó na ndólás.

¹⁴ Agus sáiseoċa mé anam na sagart lé méuṫus, agus béid mo ḋaóine sáiṫeaċ lé maiṫeas, a deir an TIĠEARNA.

¹⁵ ¶ Is marso a deir an TIĠEARNA; Do ċlós gúṫ ann Rámah, cáoi, agus gul géur; Raċel ag caóineaḋ a cloinne do ḋiúlt si coṁfortaċt ar son a cloinne, do ḃríġ naċ raḃad ann.

¹⁶ Is marso a deir an TIĠEARNA; Connaiṁ do ġúṫ ó ċaói, agus do ṡúile ó ḋeóruiḃ: óir cúiteoċṫar hobair, a deir an TIĠEARNA; agus ttiucfaid siad a rís ó ṫír na náṁad.

¹⁷ Agus atá dóṫċus ann do ċríċ, a deir an TIĠEARNA, go ttiucfaid do ċlann a rís dá ttéoruinn.

¹⁸ ¶ Go deiṁin do ċúala mé Eṗraim ġa ċaoineaḋ féin marso; Do smaċtuiġ tú mé, agus do ḃí mé smaċtuiġṫe, aṁuil daṁ nar ċleaċd an ċuing: fillse mé, agus fillfiġear mé, óir is tú an TIĠEARNA mo Ḋía.

¹⁹ Go deiṁin tar éis mfillte, do ḃí aiṫreaċus orum, agus tar éis mo ṫeagaisce do ḃuáil mé ar mo ċeaṫraṁuin: do ḃí mé náireaċ, a seaḋ, fós do ḃí mé claóiḋte, do ḃríġ gur iomċuir mé masla móige.

²⁰ An é Eṗraim mo ṁac díleas? an leanaḃ sólásaċ é? óir ó nuáir fár láḃair misi na aġuiḋ, cuiṁniġim go dúṫraċtaċ air a ccoṁnuiḋe: uimesin atáid minniḋe buáiḋearṫa ar a ṡon; go deiṁin do ḋéana mé trócaire air, a deir an TIĠEARNA.

²¹ Cuir súas duit féin coṁarṫaḋa sliġeaḋ, déana ḋuit cáirn árda: cuir do ċroiḋe leaṫ ris an tsliġe ṁóir, eaḋon an tsliġe ann ar imṫiġ tú: fill a rís, a ṁaiġdion Israel, fill a rís ċuca so do ċaiṫreaċasa.

²² ¶ Ga fad ḃías tú ag dul fá ccuairt, a inġean neiṁḋiongṁalta? óir do ċrúṫaiġ an TIĠEARNA ní núaḋ air an ttalaṁ, Timċiollfuiḋ bean fear.

²³ Is marso a deir TIĠEARNA ná slóġ, Día Israel; Fós gnáiṫeoċuid siad an ċaintsi a ttír Iúdah agus iona caiṫreaċaiḃsin, a nuáir do ḃéarus misi a mbraiġdionas a rís; Go mbeannuiġ an TIĠEARNA ṫusa, a áitreaḃ an ċeirt, agus a ṡlíaḃ na náoṁṫaċda.

²⁴ Agus aitreoḃuiḋ ann Iúdah féin, agus iona caiṫreaċaiḃ a naóinḟeaċt, fir ṫiġe, agus an drong ṫéid amaċ leis na tréaduiḃ,

²⁵ Oír do ṡásuiḋ misi an tanam coirṫe, agus do líon mé gaċ anam doilġiosaċ.

²⁶ Air so do ṁúscail mé, agus do ċonnairc mé; agus do ḃí mo ċodlaḋ milis daṁ.

²⁷ ¶ Féuċ, tiucfuid na láeṫe, a deir an TIĠEARNA, go siolċuirfe mé tiġ Israel agus tiġ Iúdah lé síol an duine, agus lé síol an ḃeaṫuiġ.

²⁸ Agus tiucfa a ccríċ, aṁuil agus mar do ḃí mé ag faire ós a ccionn, do ṫárrang a níos, agus do ḃriseaḋ síos, agus do sgrios, agus do ṗíanaḋ; is marsin ċoiṁéadfas mé ós a ccionnsan, dfoirgneaṁ, agus do ṗlannduġaḋ, a deir an TIĠEARNA.

²⁹ ¶ Annsna láeṫiḃsin ní aibéoruid síad ní sa ṁó, A dúadar na haiṫre cáor ṡearḃ, agus bí déistion ar fíaclaiḃ na cloinne.

³⁰ Aċt éugfuiḋ gaċ uile ḋuine ar son a éigceirt féin: biáiḋ déistion ar ḟíaclaiḃ gaċ ḋuine, iṫios an ċáor ṡearḃ.

³¹ ¶ Féuċ, atáid na laéṫe ag teaċt, a deir an TIĠEARNA, go ndéana mé cunnraḋ nuáḋ ré tiġ Israel, agus re tiġ Iúdah:

³² Ní do réir an ċunnarṫa do rinne mé re ná naiṫriḃ annsa ló ar ġlac mé ar láiṁ íad da ttaḃairt amaċ as críċ na Hégipte; do ḃríġ gur ḃrisiodar mo ċunnraḋ, ma tá go raiḃ mé am ḟear tiġe ḋóiḃ, a deir an TIĠEARNA:

³³ Aċt buḋ é so an cunnraḋ ḋéanas mé ré tiġ Israel; Tar éis na laeṫéaḋsin, a deir an TIĠEARNA, cuirfiḋ mé mo ḋliġeaḋ annsa ċuid a stiġ ḋíoḃ, agus scrioḃṫa mé iona ccroiḋe é; agus biáiḋ mé am Ḋía aca, agus béidsion na bpobal agamsa.

³⁴ Agus ní ṁúinfid síad ní sa ṁó gaċ áonduine a ċoṁarsa, agus gaċ aonduine a ḋearḃráṫair, ġa ráḋ, Bíoḋ fios an TIĠEARNA agaiḃ: óir biáiḋ mfios aca uile, ón té is luġa ḋíoḃ gus an té is mó ḋíoḃ, a deir an TIĠEARNA: óir maiṫfiḋ mé a négceart, agus ní ċuiṁneoċa mé a bpeacaiḋ ni is mó.

³⁵ ¶ Is marso a deir an TIĠEARNA, noċ do ḃeir an ġrían mar ṡolus san ló, agus órduiġṫe na gealuiḋe agus na réaltan mar ṡolus san noiḋċe, an té roinneas a nfairge a núair ḃéicid a tonna; TIĠEARNA na slóġ isé a ainm:

³⁶ Má imṫiġid na hórduiġṫe sin ó ḃeiṫ ám ḟíaġnuise, a deir an TIĠEARNA, annsin cuirfiod síolraḋ Israel mar an ccéadna ó ḃeiṫ na ccineaḋ am ḟíaġnuise gó bráṫ.

³⁷ Is marso a deir an TIĠEARNA; Más féidir neaṁ ṡúas do ṫoṁus, agus bunáite na talṁan ṡíos do spíonaḋ, teilgfe mé ḋíom fós síol Israel ar son gaċ a ndeárnadar, a deir an TIĠEARNA.

³⁸ ¶ Féuċ, tiucfuid na laéṫe, a deir an TIĠEARNA, go ccuirfiġear an ċaṫair súas don TIĠEARNA ó ṫor Hananeel go geata an ċoirnéil?

³⁹ Agus raċaiḋ dóruba an toṁuis fós amaċ ṫairis as a ċoinne anonn ar ċnoc Gareb, agus compásfuiġ fa ccuáirt go Goat.

⁴⁰ Agus gleann na ccorp marḃ go hiomlán, agus an luáiṫriḋ, agus na maċairiḋe uile go srúṫ Ċídron, go cornéal ġeata na neaċ don leaṫ ṡoir, béid náoṁṫa don TIĠEARNA; ní ṫairreongṫar a níos íad, ní ṫeilgfiġear sios íad ní sa mbó go bráṫ.