Hosea 2 - An Bíobla Naoṁṫa 1817 (Bedell)

Caibidil II. Ceangail Ċríosd re na Eagluise, agus gaċ einni ré Día.

¹ Abraiḋsi ré ḃur ndearḃráiṫriḃ, Ammi; agus ré ḃur ndeirḃṡeaṫraċaiḃ, Ruhamah.

² Tagraiḋ ré ḃur maṫair, tagraiḋ: óir ní hí mo ḃeansa í, ní mó is misi a fearsa: ar a naḋḃarsin cuireaḋ sí uáiṫe a stríopaċus as a raḋarc amaċ, agus a haḋaltrannas ó idir a cíoċuiḃ;

³ Deagla go noċtfuinnsi tárnoċd í, agus go ccuirfinn í do nós an laói a rugaḋ í, go ndéanuinn aṁuil fásaċ í, agus go ndéanuinn aṁuil fearann tirim í, agus go muirfinn lé tart í.

⁴ Agus ní ḃiáiḋ truáiġe agum dá cloinn; óir isiad clann an stríopaċuis.

⁵ Oir do rinne a maṫair meirdreaċus: an ḃean do ġein íadsan do rinne sí ní gráineaṁuil: óir a duḃairt sí, Leanfa mé a ndiáiġ máosgráḋ, do ḃeir ḋaṁ marán agus muisge, molann agus mo lion, mola agus mo ḋeoċ.

⁶ Uime sin, féuċ, falfa mé súas do ṡliġe lé droiġionuiḃ, agus do ḋéana mé balla, go naċ ḃfuiġe sí a casáin.

⁷ Agus leanfa sí a ndiáiġ a háosgráḋ, aċt ni ḃéara sí orra; agus iarrfuiḋ sí íad, aċt ní ḃfuiġe sí íad: annsin a déara sí, Imeoċa mé agus fillfiḋ mé ċum mo ċéidḟir; óir do bfeárr do ḃáḋ agam a núair sin ná a nois.

⁸ Oír ní raiḃ a ḟios aice go ttug mé ḋi arḃar, agus fíon, agus ola, agus gur ḟoirlion mé a hór agus a hairgiod, noċ do ġléasadarsan do Ḃáal.

⁹ Uimesin fillfiḋ mé, agus do ḃéara mé marḃar liom iona am féin, agus mfíon iona am féin, agus ḃéara mé liom molann agus mo lion tugaḋ dfolaċ a tárrnoċduiġ.

¹⁰ Agus anois foillseoċa mé a húallaċus a raḋarc a háos gráḋa, agus ní ṡáorfuiḋ duine ar bioṫ í as mo láiṁ.

¹¹ Do ḃéara mé fós air a sólás uile sgur, a laéṫe féusta, a rée núaḋa, agus a sabbóide, agus a féusdaḋ sollamonta uile.

¹² Agus millfe mé a fíneaṁna agus a ccrainn fíge, dá ndúḃairt sí, Isíad so mo ċoiḃṫesi ṫugadar máos gráḋa ḋaṁ: agus do ḋéana mé foraóis díoḃ, agus íosuiḋ beaṫuiġ an ṁaċaire íad.

¹³ Agus aigeora mé láeṫe Ḃáalim uirre, ionar loisg sí túis dóiḃ, agus ann ar ḋeaġṁaisiġ si í féin le na clúasḟáinniḃ agus le na séuduiḃ, agus do ċuáiḋ sí a ndiáiġ a háosgráḋa, agus do ḋearmuid sí misi, a deir an TIĠEARNA.

¹⁴ ¶ Uime sin, féuċ, bréugfa mé í, agus do ḃéara mé do nfásaċ í, agus laiḃeóra mé go muinntearḋa ría.

¹⁵ Agus do ḃéara mé gárraḋa a fíneaṁna ḋí as sin, agus gleann Aċor mar ḋorus dóṫċuis: agus do ḋéana sí céol annsin, mar a láeṫiḃ a hóige, agus aṁuil an lá ṫánic sí súas amaċ as criċ na Hégipte.

¹⁶ Agus is aṁluiḋ ḃías annsa ló sin, a deir an TIĠEARNA, go ngoirfiḋ tú Mfear ḋíomsa; agus naċ ngoirfiḋ tú Bahali ní is mo ḋíom.

¹⁷ Oír do ḃéara mé anmanna Ḃaalim amaċ as a béul, agus ní cuiṁneoċṫar as a nainm ní is mó íad.

¹⁸ Agus annsa ló sin do ḋéana mé cunnraḋ ḋóiḃ ré beaṫaċaiḃ an ṁaċaire, agus ré héunlaiṫ neiṁe, agus ré neiṫiḃ snáiḋeaċ na talṁan: agus brisfe mé an boġa agus an cloiḋeaṁ agus an caṫ as an ttalaṁ amaċ, agus do ḃéara mé orra luiġe síos go suáiṁneaċ.

¹⁹ Agus pósfa mé ṫusa riom fein go bráṫ: fós pósfa mé riom féin ṫú a nionnracus, a mbreiṫeaṁnus, agus a ccinéul ġráḋaċ, agus a ngrásaiḃ.

²⁰ Ceangóla mé fós riom ṫú a nionnracus: agus aiṫeonuiḋ tú an TIĠEARNA.

²¹ Agus tiucfa á ccríċ annsa ló sin, go ccluinfe misi, a deir an TIĠEARNA, cluinfiḋ mé na neaṁa, agus cluinfid sin an talaṁ,

²² Agus cluinfiḋ an talaṁ an tarḃar, agus an fíon, agus a nola, agus cluinfid síadsan Iesreel.

²³ Agus síolċuirfiḋ mé riom annsa talaṁ í, agus do ḋéana mé grása uirre naċ ḃfuáir grása; agus a déara mé ris an ndruing naċ raiḃ mo ṗobal, Is tú mo ṗobal; agus a déaruid síadsan, Is tú mo Ḋía.