Heṗesiánaċ 5 - An Bíobla Naoṁṫa 1817 (Bedell)

Caibidil V Go ḃfuil Iosa inleanṁuinne, a ngráḋ agus a nglan dleasdanas do gaċ neaċ; 25 agus an pósaḋ na scaṫan ar ċeangal agus ionnanus Ċriosd ré na eagluise.

¹ Uime sin biġiḋse ḃur luċd leanṁana Dé, mar ċloinn ġráḋuiġ;

² Agus siúḃluiḋ a ngráḋ, aṁuil do ġráḋuiġ Críosd sinne, agus tug sé é féin air ar son a ofráil agus na ioḋbairt ḋeaġḃaluiḋ do Ḋía.

³ Giḋeaḋ sdrióbaċas, nó neaṁġloine ar biṫ, nó saint, ná hainmniġṫear aṁáin ḃar measg íad, mar as iomċuḃaiḋ do náoṁuinḃ;

⁴ Ná gáirrseaṁlaċd, ná coṁráḋ báoṫ, ná cnáid ċainte, noċ is neiṫe neaṁċuḃaiḋ: aċd go maḋ fear liḃ breiṫ ḃuiḋeaċais.

⁵ Oír atá a ḟios so aguiḃ, naċ ḃfuil oiġreaċd a ríoġaċd Ċriosd agus Dé, ag sdríopuiḋ ar biṫ, aig neaċ neaṁġlan, ná ag duine sanntaċ, noċ as íoḋalaḋruiġ,

⁶ Ná meallaḋ éainneaċ siḃ ré bríaṫruiḃ dioṁáoineaċa: óir tug fearg Dé ar son na neiṫeannsa ar ċloinn na heasúṁlaċda.

⁷ Uime sin ná bíġíḋ na gcumann.

⁸ Oír do ḃáḃair ar uáiriḃ ḃar ndorċadus, aċd a nois ḃár sola sa Dtíġearna: siuḃluiḃ mar ċloinn an tsolais.

⁹ (Oír atá toraḋ na Sbioruide sa nuile ṁaiṫ agus ḟíreuntaċd agus ḟírinne;)

¹⁰ Ar mbeiṫ ḋáoiḃ ag dearḃaḋ créd é an ní iona mbí deagṫoil an Tíġearna.

¹¹ Agus ná bíoḋ cumann aguiḃ ré hoibriġiḃ neaṁṫarḃaċa an dorċaduis, aċd go maḋ luáiṫe ríḃ ḋá loċduġaḋ.

¹² Oír as gráineaṁuil ré a ninnisin aṁáin na neiṫe do níd síad ós íseal.

¹³ Giḋeaḋ bíd na huile neiṫe follas ar mbeiṫ ḋóiḃ diomolta ón tsolas: óir a sé an solas do ní gaċ ní gaċ ní foillsiġe.

¹⁴ Uime sin a deir sé, Músguil a ḋuine átá ad ċodlaḋ, agus éiriġ ó na ṁarḃuiḃ, agus do ḃéura Críosd solas duit.

¹⁵ Uime sin táḃruiḋ dá ḃur náire cionnas do ṫiucfaḋ riḃ siúḃal go haireaċ: ní mar ḋruing gan eagna, aċd mar ḋruing eagnuiḋe,

¹⁶ Ag fúasglaḋ na haimsire do ḃríġ go ḃfuilid na laeṫe go holc.

¹⁷ Uime sin na bíġiḋ neaṁġlic, aċd tuigiḋ créd í toil an Tíġearna.

¹⁸ Agus ná bíġiḋ ar meisge ó ḟíon, iona ḃfuil cráos; aċd bíġiḋ ar ḃur líonaḋ don Sbioruid;

¹⁹ Ag láḃairt ré ċéile a salmuiḃ agus a ḃfonnuiḃ diaġa, agus a gcaintiġiḃ sbioradálta, ag seinm agus ag déunaṁ ceóil do Tíġearna ann ḃur gcróiḋṫiḃ.

²⁰ Ag breiṫ ḃuíḋeaċais do ṡíor ré Día agus an Taṫair, a nainm ar Dtíġearna Iósa Críosd, ar son na nuile neíṫeann;

²¹ Ag déunaṁ úmlaċda ḋá ċéile a neagla Dé.

²² A ṁná, bíġiḋ úṁal dá ḃur ḃfearuiḃ féin, aṁuil do ḃíaḋ siḃ don Tíġearna.

²³ Ar a naḋḃarsin gur ab é an fear ceann na mná, aṁuil a sé Críosd ceann na heagluise: agus is é slánaiġṫeóir na cuirpé.

²⁴ Uime sin aṁuil atá a neagluis úṁal do Ċríosd, go maḋ haṁluiḋ sin ḃías na mná dá ḃfearuiḃ féin a ngaċ éinní.

²⁵ A ḟiora, bíoḋ gráḋ aguiḃ dá ḃur mnáiḃ, mar do ġráḋuiġ Críosd a neagluis, agus tug sé é féin air a son;

²⁶ Ionnus go ndéanaḋ náomṫa í ar na glanaḋ ḋó a niġe uisge trés an mbréiṫir,

²⁷ Ċum a déunta ḋó féin na heagluis ġlórṁuir, gan ċáiḋe, gan ċasaḋ, ná ní as cosṁuil ríu sin; aċd ionnus go mbíaḋ sí náoṁṫa neiṁċionntaċ.

²⁸ As aṁluiḋ sin as coir do na fearuiḃ a mná do ġráḋuġaḋ mar a gcorpuiḃ féin. An tí ġráḋuiġeas a ḃean a sé féin ġráḋuiġeas sé.

²⁹ Oír ní ṫug éunduine ríaṁ fós fúaṫ ḋá ḟeóil féin; aċd do ḃeir beaṫa agus clúḋaḋ ḋi, do réir mar do ḃeir an Tiġearna don neagluis.

³⁰ Oír as buill dá ċorpsan sinne, dá ḟeóil, agus dá ċnáṁuiḃ.

³¹ Dá ḃríġ so fúigfiḋ duine a aṫair agus a ṁaṫair, agus bíaḋ sé ceanguilte ḋá ṁnáoi, agus béid a ráon na náoin ḟeóil.

³² As seicréid ṁór so: aċd as air Ċríosd agus a neagluis láḃruimse.

³³ Uime sin gráiḋeaḋ gaċ áon aguiḃ a ḃean mar é féin; aċd go mbíaḋ an ḃean eaglaċ rioṁ an ḃféar.