Heṗesiánaċ 3 - An Bíobla Naoṁṫa 1817 (Bedell)

Graḋ Ċríosd ro iongantaċ, a soillsiuġaḋ na Cineaḋaċ ainbfiosaċ.

¹ Ar a naḋḃarsa atáimse Pól, um ḃráiġe Díosa Críosd ar ḃur sonsa a Ċíneaḋaċa,

² Má ċuálaḃair feaḋmanntas ġrás Dé tugaḋ ḋaṁ ḃur dtáoḃsa:

³ Oir gur ḟoillsiġ sé ḋaṁ do réir ṫaisbéunta an rúindíaṁair; mar do sgríoḃ mé roiṁe go haiṫġearr;

⁴ As ar féidir liḃ, ar na léuġaḋ ḋíḃ, meólussá a rúindíaṁair Ċríosd do ṫuigsin,

⁵ Noċ sna haimsearruiḃ eile nár foillsiġeaḋ do ċlannuiḃ na ndáoine, do réir mar atá sé a nois ar na ḟoillsiuġaḋ dá absdaluiḃ náomṫa agus da ḟáiḋiḃ trés an Spioruid;

⁶ Eaḋon go mbeidís na Cineaḋaċa na gcoṁoiġriḋiḃ, agus na gcoṁċorp, agus rannṗáirteaṁuil ann a ġeallaṁnasan a Gcríosd trés an soisgéul:

⁷ Ar a ndearnaḋ minisdir ḋíomsa, do réir ṫioḋluice ġrás Dé tugaḋ ḋaṁ maille ré hoibriuġaḋ bríoġṁar a ċúṁaċdsan.

⁸ Ḋúṁsa, is lúġ na an tí as lúġa do na huile náoṁuiḃ, do tugaḋ an grás so, eaḋon saiḋḃreas dóċúartuigṫe Ċríosd do ṡoisgéuluġaḋ a measg na Gcineaḋaċ.

⁹ Agus a ḟoillsiuġaḋ do na huile ḋáoiniḃ créd é cumann ná rúindiaṁra, noċ do ḃí folaiġṫe ó ṫus an doṁain a Ndía, noċ do ċrúṫuiġ na huile neiṫer tré Iósa Críosd:

¹⁰ Ionnus go ndéantáoi a nois follas trés a neagluis éagna éugsaṁuil Dé dúaċdaránuiḃ agus do ċúṁaċduiḃ ar neaṁ,

¹¹ Do réir an réiṁċinniḋ ṡíorruiḋe noċ do rinne sé a Níosa Críosd ar Dtíġearna:

¹² As a ḃfuil dánaċd aguinn agus sliġe ré ḋul a steaċ maille ré dóṫċas tré ċreideaṁ annsan.

¹³ Uime sin iarruim daṫċuinġe gan siḃ do ḋul a nanḃfainne tré mo ḃuáiḋearṫuiḃse ar ḃur sonsa, noċ as glóir ḋáoiḃse.

¹⁴ Ar a naḋḃarsa filleam mo ġlúine Daṫair ar Dtíġearna Iósa Críosd,

¹⁵ As a nainmniġṫear a nuile aṫarḋaċd air neam agus air talaṁ.

¹⁶ Ionnus go dtíuḃraḋ sé ḋiḃ, do réir ṡaiḋḃris a ġlóire, ḃeiṫ láidir neartṁar tré na Sbioruid sa duine don táoḃ a stiġ;

¹⁷ Ionnus go ndéanaḋ Críosd coṁnuiḋe tré ċreideaṁ ann ḃur gcroiḋṫiḃ:

¹⁸ Ionnas ar mbeiṫ díḃ, ar ḃur ḃfréuṁuġaḋ agus ar ḃur bfonndameantuġaḋ a ngráḋ, go maḋ féidir liḃ a ċoimsiúġaḋ maille ris na huile náoṁuiḃ créd é an leiṫead, agus an fad, agus an doiṁne, agus an aired;

¹⁹ Agus eólus ro oirḋeirc ġráḋa Ċríosd do ḃeiṫ aguiḃ, ċum go lionfuiḋe siḃ ré huile iomláine Dé.

²⁰ Uime sin don tí lér féidir na huile neiṫe do ḋéunaṁ go hiomarcaċ tar mar iarrmuid nó mar smuáinemíd, do réir an ċúṁaċd oibriġeas ionnain,

²¹ Don tí sin glóir sa neagluis tré Iósa Críosd ó ḋíne go dine, go sáoġal na sáoġal. Amén.