Gníoṁarṫa 8 - An Bíobla Naoṁṫa 1817 (Bedell)

Caibidil VIII Sául ag brúġaḋ na heagluisi, 13 do baisdeaḋ Síomon a draói, 27 agus séomradóir Ċandace, ré Ṗilib.

¹ Agus dáontaiġ Saul ċum a ḃásaiġe. Agus déiriġ sa ló sin gérleanṁuin ṁór a naġaiḋ na heagluise a Níarusalém; agus do ḃádar uile ar na sgaraḋ feaḋ réigion ṫíre Iúdaiġe agus na Samária, aċd aṁáin na habsdail.

² Agus do ṫógḃadar dáoine cráiḃṫeaċ Steaṗán ríu, agus do ċáoineadar go mór é.

³ Aċd do ḃí Saul, ag sgrios na heagluise, ag dul a steaċ ann gaċ éintiġ, agus ag tarraing amaċ fear agus ban, do ċuireaḋ sé a bpriosún íad.

⁴ Uime sin an dream do ḃí ar na sgaraḋ dimiġeadar timċeall ag seanmóruġ na bréiṫre.

⁵ Agus ar dteaċd do Ṗilib go caṫair na Samária, do ṡeanmóir sé Críosd ḋóiḃ.

⁶ Agus tugadar an póbal déantoil aire do na neiṫiḃ do laḃair Ṗilib, ag éisdeaċd agus ag féuċain na gcóṁarṫaḋ do rinne sé.

⁷ Oír do ċúadar spíorada neaṁġlana, amaċ as mórán ann a raḃadar, ag éiṁġe do ġúṫ ṁór: agus do slánuġaḋ mórán do luċd paireilíse, agus do ḃacaċaiḃ.

⁸ Agus do ḃi gáirdeaċus mór sa gcaṫraiġsin.

⁹ Agus do ḃi roiṁe sin sa gcaṫraiġ, duinne áiriġe dar ḃainm Síomon, do ḃí na ḋraói, agus do ṁeall sé pobal na Samária, ag ráḋ, Gur ḋuine mór éigin é féin:

¹⁰ Tugadar uile aire ḋó, ón mbeag gus an mór, ag ráḋ, A sé so mórċuṁaċda Dé.

¹¹ Agus tugadar a naire ḋó, do ḃríġ gur ṁeall sé íad aimsir ḟáda lé na ḋraóiḋeaċd.

¹² Aċd a nuáir do ċreideadar do Ṗilib ag soisgéuluġaḋ na neiṫeann ḃeanus ré rioġaċd Dé, ague ré hainm Iósa Críosd, do ḃaisdeaḋ íad, eidir ḟeara agus ṁná.

¹³ Agus do ċreid Síomón féin mar an gcéudna: agus ar na ḃaisdeaḋ, do ċóṁnuiġ sé a ḃfoċair Ṗilib, Agus ar ḃfaicsin dó na gcoṁarṫaḋ agus na miorḃuileaḋ móra ḋá ndéunaṁ, do ġaḃ úaṫḃás é.

¹⁴ Agus ar gclos do na habsdalaiḃ do ḃí a Níarusalém gur ġaḃ Samaria re bríaṫar Dé, do ċuireadar ċuca Peadar agus Eóin:

¹⁵ Agus ar ndul síos dóiḃ, do ġuiḋeadar ar a son, do ċum go ngéuḃaidis ċuca an Spiorad Náoṁ:

¹⁶ (Oír níor ṫuirrling sé fós ar éinneaċ aca: aċd aṁáin do baisdeaḋ íad a nainm an Tiġearna Iósa.)

¹⁷ Ann sin do ċuireadar láṁa orrṫa, agus do ġaḃadar an Spiorad Naoṁ ċuca.

¹⁸ Agus ar na ḟaicsin do Ṡíomón go raiḃ an Spiorad Náoṁ ar na ṫaḃairt tré láṁuiḃ na nabsdal do ċur orṫa, do ṫairg sé airgead dóiḃ.

¹⁹ Ag ráḋ, Taḃraiḋ ḋaṁsa mar an gcéudna na cuṁaċdasa, go ḃfuiġe gaċ neaċ ar a gcuirfe mé láṁa, an Spiorad Náoṁ.

²⁰ Aċd a duḃairt Peadat ris, Go dtéiġe do ċuid áirgid a múġa maille riot féin, do ḃriġ go measann tú go ḃfaġṫar tíoḋlaícaḋ Dé ar airgead.

²¹ Ní ḃfuil cuíd ná cumann agad ann sa miniosdrálaċdsa: oír ní ḃfuil do ċroiḋe díreaċ a ḃfíaḋnuise Dé.

²² Uime sin déuna aiṫriġe ar son a nuilcse, agus íarr ar Ḋía, más éidir smuáineaḋ do ċroiḋe do ṁaiṫeaṁ ḋuit.

²³ Oír do ċím go ḃfuil tú a ndomlus an tsearḃuis, agus a ndaigean na héugcóra.

²⁴ Agus ar ḃfreagra do Ṡíomón, a duḃairt sé, Guiḋiġse an Tiġearna ar mo ṡon, gan ní ar biṫ do na neitiḃse a duḃraḃair do ṫeagṁail daṁ.

²⁵ Uime sin, ar ndéunaṁ fíaḋnuise ḋóiḃsion, agus ar laḃairt ḃréiṫre Dé, dfilleadar go Híarusalém, agus do ṡeanmóraiġeadar an soisgéul a mórán do ḃailtiḃ na Samáritaneaċ.

²⁶ Agus do laḃair aingeal an Tiġearna ré Ṗilib, ag ráḋ, Eírġe, agus imṫiġ don taoiḃ ó ḋeas, an tsliġe síos ó Ierusalém go Gása, noċ atá na ḟásaċ.

²⁷ Agua ar néirġe ḋósan dimṫiġ sé roiṁe: Agus, féuċ, cailltéanaċ áiriġṫe ó Etíopia, duine cúṁaċdaċ ré Candáce bainríoġan na Heitíopia, noċ do ḃí ós cionn a hionnṁusa uile, táinic sé go Hiarusalém daḋraḋ Dé,

²⁸ Agus dfill sé tar a ais, agus ag súiḋe ḋó ann a ċarbad, do léiġ sé Esaías fáiḋ.

²⁹ Agus a duḃairt an Spiorad ré Ṗilib, Druid a ḃfogus, agus cuir ṫú féin a naice an ċarbaid úd.

³⁰ Agus do riṫ Ṗilib, agus do ċúalaiḋ sé é ag léuġaḋ a nfíaḋ Esaías, agus a duḃairt sé, An dtuigeann tú na neiṫe léiġeas tú?

³¹ Agus a duḃairt seision, Cionnus is éidir leam, muna raiḃ éolaiġe éigin agam? Agus diarr sé ar Ṗilib teaċd a nsios, agus suiḋe na ḟoċair.

³² Agus a sé so an mball don sgríobtúir do léiġ sé, Mar ċáoiriḋ do rugaḋ ċum báis é; agus aṁail uáin na ṫoċd a ḃfíaḋnuise a nfir lomarṫa, is mar sin nár osgail sé a ḃéul:

³³ Ann a úṁlaċd do hárduiġeaḋ a ḃréiṫeaṁnus: Agus cía ḟoillséoċas a ġeinealaċ? óir tógṫar a ḃeaṫa don talaṁ.

³⁴ Agus ag freagra air Ṗilib, a duḃairt an cailltéanaċ, Iarruim daṫċuinge ort, Cía ré a nabair an fáiḋ so? an leis féin, nó lé neaċ eigin eile?

³⁵ Ann sin ar nosglaḋ a ḃéil do Ṗilib, agus ag tosúġaḋ ón sgriobtúrsa, do ṡeanmóir se Iósa ḋó.

³⁶ Agus ar mbeiṫ ḋóiḃ ag imṫeaċd sa tsliġe, tangadar ċum uisge áiriġe: agus a duḃairt an cailltéanaċ, Féuċ, an tuisge; créud ṫoirmisgeas mise ḃaisdeaḋ?

³⁷ Agus a duḃairt Ṗilib, Má ċreideann tú go hiomlán ó ċroiḋe, is éidir leaċd. Ar ḃfreagra ḋósan ann sin a duḃairt sé, Creidim gur ab é Iósa Críosd Mac Dé.

³⁸ Daiṫin sé an carbad ann sin do ċongṁáil na ċoṁnuiġe: agús do ċúadar aráon síos sa nuisge, Ṗilib agus an cailltéanaċ a naóineaċd; agus do ḃaisd sé é.

³⁹ Agus ar dteaċd a nsíos as a nuisge ḋóiḃ, dfúadaiġ Spiorad an Tiġearna Ṗilib leis, agus ó sin amaċ ní ḟacaiḋ an cailltéanaċ é: agus dimṫiġ sé roiṁe a ngáirdeaċus.

⁴⁰ Aċd fríṫ Ṗilib a Nasótus: agus ag dul tríd an dtír ḋó do rinne sé an soisgéul do ṡeanmóruġaḋ do na huile ċaiṫreaċaiḃ, go teaċd ḋó go Seasáréa.