Gníoṁarṫa 7 - An Bíobla Naoṁṫa 1817 (Bedell)

Caibidil VII Freagra ḋíaġa Steṗain, ag foillsiuġaḋ bríġ an dlíġe; 59 agus aris a ḃás féin áindliġeaċ.

¹ Ann sin a duḃairt an tárdsagárt, An ḃfuilid na neiṫese mar so?

² Agus a duḃairt seision, A ḃraiṫreaċa, agus a aiṫreaċa, éisdiġ; Dfoillsiġ Día na glóire é féin dar naṫair Abraham, an tan do ḃí sé sa Mésopotámia, suil do ċóṁnuiḋ sé a Gcárran,

³ Agus a duḃairt sé ris, Fág do ṫír féin, agus do ċineaḋ, agus tárr don tír ḟoillseaċus misi ḋuit.

⁴ Dimṫiġ sé ann sin as talaṁ na Gcaldéanaċ, agus do ċoṁnuiġ sé a Gcárran: Agus as sin, tar éis ḃáis a aṫar, dárrṫuiġ sé é don talaṁsa, ann a ḃfuiltíse a nois ḃur gcóṁnuiḋe.

⁵ Agus ní ṫug sé oíġreaċd ḋó ann, go fíu leiṫead troiġṫe: bíoḋ gur ġeall sé a ṫaḃairt mar ṡeilḃ ḋó féin, agus dá ṡíol na ḋíaiġ, gé báċ raiḃ clann fós aige.

⁶ Aċd do laḃair Día mar so, Bíaiḋ do ṡíolsa na náitreaḃaiḋ a dtír ċoiṁiġṫe; mar a ccoineóċar íad fá ḋáoirse, agus fá leaṫtrom ceiṫre ċéud blíaḋan.

⁷ Aċd do ḋéuna misi breiṫeaṁnus ar an gcineaḋ aga mbíaiḋ síad fá ḋáoirse, do ráiḋ Día: agus ná ḋíaiġ sin raċaid síad amaċ, agus do ḋéunuid seirḃís ḋaṁsa sa nionadsa.

⁸ Tug sé ḋó mar an gcéadna connraḋ an timċillġearraḋ: agus is mar sin do ġin Abraham Isaac, agus do ṫimċillġearr sé é an toċdṁáḋ lá; agus do ġein Isaac Iácob; agus Iácob an dá ṗátriárc ḋéug.

⁹ Agus ar ngaḃáil ṫnúiḋ, do na patriarcuiḃ, do reacadar Ióseṗ don Eigipt: agus do ḃí Día maille ris,

¹⁰ Agus do réiḋiġ sé é ó nuile ṫrioblóid, agus tug sé grása agus eagna ḋó a ḃfíaḋnuise Ṗárao rí na Héigipte; noċ do rinne úaċdarán de ar a Néigipt agus ar a ṫiġ féin uile.

¹¹ Agus táinig gorta go tír na Héigipte agus Ċánaan uile, agus aṁgur ṁór: ionnus náċ ḃfúaradar ar naiṫreaċa beaṫa.

¹² Agus ar na ċlós do Iácob go raiḃ arḃar sa Néigipt, do ċuir sé ar naiṫreaċa ar tús innte.

¹³ Agus an dara húair daiṫneadar a ḋearḃraiṫreaċa Ióseṗ; agus do foillsiġeaḋ do Ṗárao cineaḋ Ióseṗ.

¹⁴ Agus do ċuir Ióseṗ, fios air Iácob a aṫair, agus ar a luċd gáoil uile, cúiganmanna déug agus trí fiċid.

¹⁵ Agus do ċuáiḋ Iácob síos don Eigipt, agus fuair sé féin, agus ar naiṫreaċa bás,

¹⁶ Agus do haṫruiġeaḋ íad go Síċem, agus do ċuireaḋ íad ann sa túama do ċeannaiḋ Abraham ar a lúaċ airgid ó ċloinn Emmor Aṫair Síċeim.

¹⁷ Agus ar ndrud aimsire na geallaṁna tug Día Ḋábraham maille ré mionnaiḃ, dfás an póbal go híomaduil sa Néigipt,

¹⁸ Nó gur éiriġe rí eile súas, ag naċ raiḃ aiṫne air Ióseṗ.

¹⁹ Do ṁeall an fearso ar ccineaḋne, agus tug sé droċḋíol air ar naiṫreaċuiḃ, a ccrúṫ go dtug sé orrṫa a gclann óg do ṫeilgean amaċ, ionnus náċ ḃfasaidís.

²⁰ Fá a namsin rugaḋ Máoise, agus do ḃí sé taitneaṁaċ ag Día, agus do hoileaḋ é feaḋ ṫrí míos a dtiġ a aṫar:

²¹ Agus ar mbeiṫ ḋó ar na ṫeilgean amaċ, do ṫóg inġean Ṗáraó ría é, agus do oil si é mar ṁac ḋi féin.

²² Agus do ḃí Máoise foġlomṫa a nuile éagna na Négipteaċ, agus do ḃí sé cúṁaċdaċ a mbríaṫruiḃ agus a ngníoṁarṫuiḃ.

²³ Agus ar gcoiṁlíonaḋ aimsire a ḋá ḟiċead blíaḋan dó, táinic ann a ċróiḋe dul dféuċain a ḋearḃráiṫreaċ féin ċloinne Israél.

²⁴ Agus ar ḃfaicsin duine áiriġe ag fulang éugcóra, do ċosain sé é, agus ar mbúalaḋ a Néigiptaiġ ḋó, do rinne sé dioġaltas air son an tí ar a ndearnaḋ a néugcóir:

²⁵ Oír do ṁéas sé go dtuigfidís a ḋearḃráiṫreaċa go dtiuḃraḋ Día fúasglaḋ tré na láiṁsion dóiḃ: giḋeaḋ níor ṫuid siadsan sin.

²⁶ Agus an lá na ḋíaiġ sin ar mbeiṫ ḋóiḃ ag coṁrac do ṫaisbéin sé é féin dóiḃ, agus do ḃí sé déanaṁ síoṫċana eatorra, ag ráḋ, A ḋáoine, as dearḃraiṫreaċa da ċéile siḃ; créud fá ndéuntáoi éugcóir ar a ċéile?

²⁷ Aċd do ċuir an té do rinne a néugcóir ar a ċóṁarsuin úaḋ é, ag ráḋ, cía rinne úaċdarán agus breíṫeaṁ ḋíotsa ós ar gcoinne?

²⁸ An mían riot misi do ṁarḃaḋ, mar do ṁarḃ tú an Tégiptaċ a né?

²⁹ Do ṫeiṫ Máoisi ann sin ris an ḃfocal sin, agus do ḃí sé na ḋeóraiḋ a dtalaṁ Ṁádian, sa nionad ann a rugaḋ días mac ḋó.

³⁰ Agus ar gcríoċnuġaḋ ḋá ḟiċead ḃlíaḋan, do taiḃreaḋ ḋó a ḃfásaċ ṡléiḃe Sína aingeal an Tiġearna a lasair ṫeineaḋ a ndos.

³¹ Agus ar ná ḟaicsin do Ṁáoise, do ġaḃ iongnaḋ fan táiḃse é: agus ar dteaċd dó ḋá ḃréaṫnuġaḋ, táinic gúṫ an Tiġearna ċúige,

³² As misi Día haiṫreaċ, Día Abraham, agus Día Isaac, agus Día Iácob. Agus ar mbeiṫ do Ṁáoise ar criṫ, níor laṁ sé aire do ṫaḃairt dó.

³³ Aċd a duḃairt an Tiġearna ris. Sgáoil do ḃróga dod ċósaiḃ: oír is talaṁ náoṁṫa an tionad ann a ḃfuill tú ad ṡeasaṁ.

³⁴ Tug mé dom aire, go frioċnaṁaċ, áṁgar mó ṗóbail nóċ atá sa Néigipt, agus do ċúalaiḋ mé a nósnaḋaċ, agus do ṫuirrling mé dá ḃfúasgailt. Agus a nois tárrsa a leiṫ, cuirfe me don Eigipt ṫú.

³⁵ An Máoise só do ḋíultadar, ag ráḋ, Cía rinne úaċdarán agus bréiṫeaṁ ḋíotsa? do ċuir Día é mar úaċdarán agus mar ḟear sáorṫa a láiṁ a naingil, do taiḃreaḋ ḋó sa dos.

³⁶ Tug sé so amaċ íad, ar ndéunaṁ miorḃuileaḋ agus coṁarṫaḋ a dtalaṁ na Héigipte, agus ann sa muir Rúaiḋ, agus ann sa ḃfásaċ ḋá ḟiċead blíaḋain.

³⁷ A sé so an Máoise úd, noċ a duḃairt ré cloinn Israél, Tóigéuḃaiḋ Día ḃur Dtiġearna fáiḋ súas dáoiḃ da ḃur ndearḃraiṫriḃ, mar misi; éisdfiṡ siḃ ris.

³⁸ Sé so an té do ḃí sa gcóiṁṫionól ar an ḃfásaċ a ḃfoċair a naingil do laḃair ris ar ṡlíaḃ Sína, agus ré ar naiṫriḃne: noċ do ġlac mar an gcéudna briaṫra na beaṫa ċum a dtaḃarṫa ḋúinne:

³⁹ Dá nár ḃáill ré ar naiṫríḃne úṁlaċd do ṫaḃairt, aċd do ḋíultadar é, agus dfilleadar ann a gcróiḋṫiḃ tar a nais don Eigipt,

⁴⁰ Ag ráḋ ré Háaron, Déuna ḋúinn dée do raċa roṁuinn: oír ní ḃfuil a ḟios aguinn, créud do éiriġ don Ṁáoisese, noċ do ṫreóraiḋ sinn as talaṁ na Héigipte.

⁴¹ Agus da rinneadar láoġ ann sna laéṫiḃsin, agus do ḟoráileadar íoḋbairt don íoḋail, agus do rinneadar gáirdeaċus as oibriġṫiḃ a láṁ féin.

⁴² Agus dfill Día, agus tug sé íad do ḋéanaṁ seirḃíse do ṡlúaġ neiṁe, do reir mar atá sgríoḃṫa a leaḃar na ḃfáiġeaḋ, A ṫiġ Israél, nar ḟoraileaḃair ḋaṁsa beaṫaiḋ ṁarḃa agus ioḋbarṫa ar féaḋ ḋá ḟiċead blíaḋan ar an ḃfásaċ?

⁴³ Aċd, do ġlacaḃair tábernacel Ṁóloċ, agus réult ḃur Ndía féin Remṗan, fíoġraċa noċ do rinneaḃair ċum a naḋra: ar a naḋḃarsin áṫróċa mé siḃ don táoḃ a nunn don Ḃábilóin.

⁴⁴ Do ḃí tábernacel na fíaḋnuise ag ar naiṫriḃne ar an ḃfásaċ, do réir mar daiṫin, an té laḃair ré Máoisi, a ḋéunaṁ do réir na heisiomplara do ċunnairc sé.

⁴⁵ Noċ do ġlacadar ar naiṫrene agus tugadar leó maille ré Híosa go seilḃ na Gcíneaḋaċ, noċ do ṫeilg Día amaċ as aṁarc ar naiṫreaċ, go laéṫiḃ Ḋáiḃi:

⁴⁶ Noċ fuair grása a ḃfíaḋnuise Dé, agus do ṡir tabernacel dfaġáil do Ḋía Iácob.

⁴⁷ Giḋeaḋ a sé Solaṁ do ṫóg tiġ ḋó.

⁴⁸ Aċd fós ní a dteampluiḃ laiṁḋéanta atá an tí as Airde na ċoṁnuide; do réir mar a deir an fáiḋ,

⁴⁹ Sé neaṁ mo ċaṫaóir, agus an talaṁ sdól mo ċos: créd é an tiġ ṫóigéuḃus siḃ ḋaṁ? a deir an Tiġearna: nó créud é mionad cóṁnuiġe?

⁵⁰ A né naċ í mó láṁ do rinne na neiṫesi uile?

⁵¹ A ḋáoine cruáiḋṁuineulaċa agus neaṁṫimċeallġearrṫa a gcróiḋe agus a gclúasáiḃ, atáṫáoi ag seasaṁ ríaṁ a naġaiḋ an Spiorad Náoiṁ: aṁuil do rinneadar ḃur naiṫreaċa, as mar sin do niṫíse.

⁵² Cía do na fáiḋiḃ nar ḋíḃreadar ḃur náiṫreaċa? agus do ṁarḃadar an dream do réuṁḟoillsiġ teaċd an Táon Firéin úd; agá raḃaḃairse a nois ḃur luċd braṫa agus dúnṁarḃṫa:

⁵³ As do ġlacaḃair an reaċd tré ṁiniosdrálaċd na naingeal, agus níor ċoiṁéudaḃair é.

⁵⁴ Agus ar na gclós só ḋóiḃsion, do goinaḋ ann a gcróiḋṫiḃ íad, agus do ḃádar ag cognaṁ a ḃfiacal na aġaiḋ.

⁵⁵ Aċd ar mbéiṫ do Steaṗán lán don Spíorad Náoṁ, agus ar ḃféaċain dó go gér ar neaṁ, do ċunnairc sé glóir Dé, agus Iósa na ṡeasaṁ ar láiṁ ḋeis Dé,

⁵⁶ Agus a duḃairt sé, Féuċ, do ċím neaṁ osguilte, agus Mac an duine na ṡeasaṁ ar láiṁ ḋeis Dé.

⁵⁷ Do ġáireadarsan annsin do ġúṫ ṁór, agus do stopádar a gclúasa, agus do ṡaiṫeadar déuntoil airsion,

⁵⁸ Agus ar na ṫeilgean amaċ as an gcaṫraiġ ḋóiḃ, do ġaḃadar do ċloċaiḃ air: agus do ċuireadar na fiaḋnuisiġe a néuduiġe síos ag cosaiḃ ógánaiḋ áiriġe, dar ḃainm Saul.

⁵⁹ Agus do ġaḃadar do ċloċuiḃ air Steaṗán, as é ag guiḋe, agus ag ráḋ, A Ṫiġearna Iósa, gáḃ mo spiorad ċugad.

⁶⁰ Agus ar na léigean féin ar a ġlúiniḃ ḋó, do éiġ sé do ġúṫ ṁór, A Ṫiġearna, na cuir an peacaḋsa na leiṫ. Agus ar na ráḋ so ḋó do ċodail sé.