Gníoṁarṫa 25 - An Bíobla Naoṁṫa 1817 (Bedell)

Caibidil XXV Pol ag seasṁaḋ na fírinne go croḋa, cúarata, a ḃfíaġnais Ḟestuis.

¹ Agus an tan ṫáinic Festus don ṗroḃinnsi, do ċúaiḋ sé a gcionn ṫrí lá na ḋíaiġ sin ó Ṡéasareá súas go Hiarusalém.

² Agus do ċúaiḋ an tárdsagart agus maiṫe na Niúdaiġeaḋ ḋá láṫair a naġuiḋ Ṗóil, agus do ċuireadar impiḋe air,

³ Ag íarruiḋ foġuir a naġuiḋ Ṗóil, as go gcuirfeaḋ sé fios air go Híarusalém, ar gcur luiġeaċáin ar a tsliġe fá ċoṁair a ṁarḃṫa.

⁴ Aċd do ḟreaguir Festus, go raiḃ Pól air cúṁdaċ a Séasárea, agus go raċaḋ sé féin go háiṫġearr ann sin.

⁵ Uime sin, ar seisean, giḋ bé aguiḃsi ḟéudfus é, teaġuid síad a náoinḟeaċd rinne síos, agus má tá olc ar biṫ ann sa ḃfearso, éiliġid siad é.

⁶ Agus ar nfanṁuin dó na measg tuáirim ḋeiċ lá, do ċuáiḋ sé síos go Sésárea; agus lá ar na ṁáraċ do ṡuiḋ sé ann sa ċaṫaoir ḃreiṫeaṁnuis agus do áiṫin se Pól do ṫaḃuirt a láṫuir.

⁷ Agus an tan ṫáinic sé, do ṡeasadar na Iúdaiġe ṫáinic a núas ó Iarusalém na ṫimċeall, agus tugadar mórán déiliġṫiḃ tróma nár ḟeadadar a ċruṫúġaḋ, a naġaiḋ Ṗóil.

⁸ Ar ḃfreagra do Ṗól dá ġlanaḋ féin, Náċ dearna sé ní ar biṫ a naġaiḋ ḋliġe na Niúdaiġeaḋ, na an teampuill, na Ṡéasair.

⁹ Giḋeaḋ air mbeiṫ fonnṁar, air ḟoġar do ḋéanaṁ do na Iúdaḋuiḃ, do ḟreaguir Festus, do Ṗól, agus a duḃairt sé, A náill leaċd dul súas go Hiarusalém, agus breiṫeaṁnus dfulang ann sin a dtimċeall na neiṫeaḋso am ḟíaḋnuisisi?

¹⁰ Aċd a duḃairt Pól, Atáim am ṡeasaṁ ag caṫáoir ḃreiṫeaṁnuis Ṡéasair, ann ar ċóir breaṫ do ḃreiṫ orum: ní ḋearna me eugcóir ar biṫ ar na Iúdaiḋiḃ, mar as maiṫ atá a ḟíos agadsa féin.

¹¹ Oír má rinne mé éugcóir ar boṫ ná éainní do ṫuill bás, ní ḃfuilim ag díultaḋ bás dfaġáil: giḋeaḋ muna ndearna mé áoinné do na neiṫiḃsi éiliġid síad oram, ní ḟéudann áonduine mo ṫíoḋlacaḋ ḋóiḃ. Tíaġuim ar ċomairce Ṡéasair.

¹² Ann sin do laḃuir Festus, ris an gcoṁairle, agus do ḟreaguirsé, A ndeaċaiḋ tú ar comairce Ṡéasair? is dionnsuiġe Ṡéasair raċus tú.

¹³ Agus ar gcaiṫreaṁ laéṫe áiriġe táinic an rí Agrippa agus Bernice go Séasárea do ċur failte roiṁe Ḟestus.

¹⁴ Agus ar nfanṁuin dóiḃ ann sin mórán do laeṫiḃ, do ḟoillsiġ Festus cuis Ṗóil don rí, ag ráḋ, Dfag Felics duine áiriġe na ṗríosúnaċ:

¹⁵ Agus an tan do ḃí misi a Níarusalém, tangadar úaċdaráin na sagart agus sinnsir na Niúdaiġeaḋ ċugam na ṫimċeall, agus do íarradar breiṫ ḋamanta na aġuiḋ.

¹⁶ Ar a dtugasa an ḟreagra so, Nár ḃéus do na Róṁanċuiḃ duine ar biṫ do ṫaḃairt dá ṁilleaḋ, nó go dtigdís an luċd éilíġṫe a láṫuir an tí éiliġṫear, agus go ḃfaġaḋ sé ionad air é féin do ġlanaḋ ón gcoir do ċuirfiḋ air.

¹⁷ Ar a naḋḃarsin, ar dteaċd ann so ḋóiḃ a gceann a ċéile, ar ná ṁáraċ gan ċáirde ar biṫ do ṡuiḋ mé ann sa ċaṫáoir ḃreiṫeaṁnuis, agus do aiṫin mé an fearsin do ṫaḃuirt dom láṫuir.

¹⁸ Agus do ṡeasadar luċd a éiliġṫe na ḟoċair, agus níor ċuireadar cóir ar biṫ air do na neiṫiḃ do ṡáoil misi;

¹⁹ Aċd do ḃádar ceasda áiriġe a dtimċeall a ngeasrigaḋ féin aca na aġuiḋ, agus a dtimċeall Iósa éigin, fuáir bás, noċ a duḃairt Pól ḃeiṫ béo.

²⁰ Agus do ḃríġ go raiḃ misi aṁarusaċ a leiṫid sin do ċeisd, a duḃairt mé, Nar ḃáill leis dull go Hiárusalem, agus breiṫeaṁnus ṫaḃairt air ann fá na neiṫiḃsi.

²¹ Agus an tan díarr Pól é féin do ċoiṁéud nó go ḃfuiġeaḋ Augustus fios air, do aiṫin misi a ċúṁdaċ nó go gcuirfinn ċum Séasair é.

²² Agus a duḃairt Agrippa ré Festus, Bá mian riumsa fós mé féin éisdeaċd ris an ḃfear sin. Agus a duḃairt seisean, cluinfiḋ tú a máraċ é.

²³ Uime sin ar na ṁáraċ, táinic Agrippa, agus Bernice re poimp ro ṁóir, agus do ċúadar a steaċ maille rís na húaċdaránuiḃ, agus ré maiṫiḃ na caiṫreaċa, go teaġ na cúirte, agus ar na áiṫne Dfestus tugaḋ Pól a láṫuir.

²⁴ Ann sin a duḃairt Festus, A rí Agrippa, agus a ḃfuiltí do ḋáoiniḃ a láṫair ann so, do ċiṫí an fearso agá dtangadar pobal na Niudaiġeaḋ go huiliḋe a Niárusalém, agus ann so, ċugamsa na ṫimċeall, ag éiġṁe nár ċóir a ḃeiṫ beó ni as faide.

²⁵ Aċd a núair do ṫuig misi náċ dearna sé ní ar biṫ do ṫuill bás, agus go ndeaċuiḋ sé féin ar comairce Augustus, do ċuir mé roṁam a ċur ċuige.

²⁶ Agus ní feas daṁ éainní áiriġe do sgrioḃṫuinn ċum mo ṫiġearna na ṫímċeall. Ar a naḋḃarsin tug mé ḃur láṫuirsi é, agus go mótṁór dod láṫuirsi, a rí Agrippa, ionnus, ar na ċeasduġaḋ, go mbeiṫ agam ní do sgríoḃṫuinn:

²⁷ Oír do ċíṫear ḋaṁsa gur neiṁréasúnta príosúnaċ do ċur uáim, agus gan na cúiseanna atá na aġaiḋ dfoillsiuġaḋ.