Gníoṁarṫa 23 - An Bíobla Naoṁṫa 1817 (Bedell)

Caibidil XXIII Iarfa an tardṡagart Pól do ḃúalaḋ. 11 Aċd ṫug Día meisneaċ, 14 agus rinne iúl-do, ar ḋol, as óċoiṁċealg na Niudúiġeaḋ.

¹ Agus ar ngérḟéaċuin do Ṗól, ar an gcoṁairle, a duḃairt sé, A ḋáoine agus a ḃráiṫreaċa, do rinne misi seirḃís do Ḋía an gaċ uile ċoinsías ṁaiṫ gus an lá a niuġ.

² Aċd do aiṫin Ananías an tárdsagart do na dáoiniḃ do ṡeas láiṁ ris a ḃúalaḋ ar a ḃéul.

³ Ann sin a duḃairt Pól risean, Buáilfiḋ Día ṫusa, a ḃalla fionáolta: an suiḋeann tú do ḋéunaṁ breiṫeaṁnuis orumsa do réir an dliġe, agus an dtaḃuir tú áiṫne mo ḃúalaḋ a uaġuiḋ an dliġe?

⁴ Aċd a duḃradar an ṁuinntir do ṡeas láiṁ ris, An ḃfuil tú ag imḋeargaḋ árdsagart Dé?

⁵ Agus a duḃairt Pól, Ni raiḃ a ḟios agam, a ḃráiṫreaċa, gur ḃé an tárdsagart é: óir atá sgríoḃṫa, Ní abeóra tú olc ré úaċdarán do ṗobuil.

⁶ Agus ar na ṫuigsin do Ṗól go raiḃ cuid aca na Saduċíneaċuiḃ, agus an ċuid eile na Ḃṗairisíneaċuiḃ, do éiġ sé a laṫair na coṁairle, A ḋáoine agus a ḃráiṫreaċa, as Ṗairisineaċ misi, ṁac Ṗairisiniġ: fá ṡúil do ḃeiṫ agam ré heiseirġe na marḃ atáim dom éiliuġaḋ.

⁷ Agus an tan a duḃairt sé so, do éiriġ imreasan eidir na Ṗairisiniġ agus na Saduċíniġ: agus do roinneaḋ an coiṁṫionól.

⁸ Oír a deirid na Saduiċíniġ naċ ḃfuil eiséiriġe ann, na aingeal, ná spiorad: aċd adṁuiġid na Ṗairisíniġ íad so uile.

⁹ Ar a naḋḃarsin do tógḃaḋ gáir ṁór: agus ar néirġe do na sgríobuiḋiḃ do ṫáoḃ na Ḃṗairisíneaċ, do ċaṫaiġeadar na naġaiḋsean, agus a duḃradar, Ní ḟaġmáoidne olc ar biṫ sa nóglaċsa: aċd má laḃair spiorad nó aingeal ris, na caṫuiġeamne a naġaiḋ Dé.

¹⁰ Agus an tan do éiriġ ceannairce ṁór eatarra, deagla go dtairreóngaidís Pól as a ċéile, daiṫin an túaċdarán do na saiġdiúiriḃ dul síos, agus a ḟúadaċ as a lár, agus a ḃreiṫ don ċaisléun.

¹¹ Agus a noiḋċe na ḋiáiġ sin do ṡeas an Tiġearna láiṁ ris, agus a duḃairt sé, Bíoḋ meisneaċ ṁaiṫ agad, a Ṗóil: óir do réir mar do rinne tú fíaḋnuisi am ṫimċeallsa a Niarusalém, as mar sin as éigean duit fíaḋnuisi ḋéunaṁ sa Róiṁ.

¹² Agus ar néirġe don lá, do ċruinniġeadar dream áiriġe do na Iúdaiġiḃ a gceann a ċéile, agus tugadar mionna, náċ iósadís agus naċ ioḃadís nó go marḃaidís Pól.

¹³ Agus do ḃádar os cionn da ḟiċead fear do rinne an coiṁċeangalso re ċéile.

¹⁴ Agus ar ndul ċum na nárdsagurt agus na sinnsear dóiḃ, a duḃradar, Tugamairne móid agus mionna, náċ blaisfemís ní ar biṫ no go marḃamaoís Pól.

¹⁵ Ar a naḋḃarsin íarruiḋsi ar a núaċdarán do ṫoil na cóṁairle a ṫaḃairt dá ḃur láṫuir a máraċ, mar do ḃíaḋ siḃ ar ti fios a ġníoṁarṫaḋ dfaġáil ní as iomláine: agus arámáoidne, ullaṁ ċum a ṁarḃṫa, ní as táosga ná ṫiocfas sé ċuguiḃsi.

¹⁶ Aċd an tan do ċúaluiḋ mac deirḃṡeaṫar Ṗóil na cealga so, ṫáinic sé agus do ċúaiḋ sé a steaċ don ċaisléun, agus dinnis sé so do Ṗól.

¹⁷ Ann sin ar ngairm áoin do na caiptíniḃ ċuige do Ṗól, a duḃairt sé, Beir an tógánaċsa leaċd ċum an úaċdaráin: óir atá ní aige ré a innisin dó.

¹⁸ Agus rug an caiptín an tógánaċ leis, ċum a núaċdaráin, agus a duḃairt sé, Do ġoir an príosúnaċ Pól ċuige mé, agus díarr sé orum an tógánaċ so agá ḃfuil ní do inneósaḋ sé ḋuit, do ṫaḃairt ċugad.

¹⁹ Agus ar mbreiṫ ar láiṁ a nógánaiġ don núaċdarán, rug sé leis a leaṫtáoiḃ é, agus dfíafruiġ sé ḋe, Créud atá agad ré a innisin daṁsa?

²⁰ Agus a duḃairt an tógánaċ, Do rinneadar na Iúduiġe do ċoiṁairle a íarraiḋ ortsa Pól do ṫaḃuirt amċ a máraċ ċum an ċoiṁṫionóil, mar do ḃeidís ar tí a ċéasduġa níos géire.

²¹ Uime sin na taḃuirsi áonta ḋóiḃ: oír atá ós cionn dá ḟiċead fear ḋíoḃ a luiġeaċán air noċ ṫug a mionna, naċ íosaidís agus naċ ióḃaidís nó go marḃaídís é: agus atáid síad ullaṁ a nois, ag feiṫeaṁ réd ġeallaḋsa.

²² Agus do léig an túaċdarán an tógánaċ úaḋ, ar na áiṫne ḋe, Gan a ḟios do ṫaḃairt do ḋuine ar biṫ gur ḟóillaiġ sé na neiṫesi ḋó féin.

²³ Agus do goir sé ḋá ċaiptín airiġe ċuige, agus a duḃairt sé, Ullṁuiġiḋ ḋá ċéud saiġdiúir raċas go Séasarea, agus deíċneaḃar agus trí fiċid marcaċ, agus da ċéud do luċd gaéṫe, ón trés úair do noiḋċe amaċ;

²⁴ Agus mar an gcéudna ullṁuiġiḋ eaċruiḋ iomċórus Pól slán, ċum an árdúaċdaráin Félics:

²⁵ Agus do sgríoḃ sé litir an sa ḃfoirmse:

²⁶ Beaṫa agus sláinte ó Ċlaudius Lísias ċum a nárdúaċdaráin ro oiḋeirc Félics.

²⁷ An tan do ḃí an fearso tar éis a ġaḃála ag na Iúduiġiḃ, agus íad iar tí a ṁarḃṫa: ṫáinig misi orrṫa le slúaġ, agus an tan fúair mé sgéula gur Róṁánaċ é, do ḃeanus díoḃ é.

²⁸ Agus mar ḃí a ḟonn orum fios sgéul dfaġáil créd é an taḋḃar far éiliġeadar é, tug mé amaċ ċum a gcoṁairlesean é:

²⁹ Do ṫuig mé gur fá ċeasduiḃ a dtimċeall a ndliġiḋ féin do héiliuġaḋ é, agus náċ raiḃ coir ḃáis na ḃraiġdeanuis ar biṫ air.

³⁰ Agus an tráṫ do hinniseaḋ ḋaṁsa gur ṁián ris na Iúduiġiḃ luiġeaċán do ċur air, do ċuir mé ar an mball ċugadsa é, agus a duḃairt mé fós ré luċd a éiliġṫe gaċ áḋḃar dá mbeiṫ aca air a ċur na leiṫ ad ḟíaḋnuisisi. Slan riot.

³¹ Uime sin do réir mar do háiṫniġeaḋ do na saiġdiúiriḃ; rugadar Pól leó, ann sa noiḋċe go Hantipatris.

³² Agus lá ar na ṁáraċ do léigeadar do ṁarcṡlúaġ dul leisean, agus dfilleadar féin don ċaisléun:

³³ Agus, a núair rangadar go Séasáréa, agus tugadar an litir do núaċdarán, do ċuireadar Pól na ṡeasaṁ na ḟiaḋnuisi.

³⁴ Agus tar éis a léiġṫe do nuaċdarán, agus a ḟiáfruiġe ḋesan gá tír ḋó. Agus ar naiṫniuġaḋ gur ab ó Ċilíċia é;

³⁵ A duḃairt sé, Eisdfiḋ mé riot, an tan ṫiocfuid luċd ṫéiliġṫe mar an gcéudna. Agus do áiṫin sé eisean do ċoiṁéud a gcúirt Ióruáiġ.