Gníoṁarṫa 18 - An Bíobla Naoṁṫa 1817 (Bedell)

Caibidil XVIII Ċúaiḋ Pól ar ċúairt dḟiosriuġaḋ na neagluise. 24 Agus ṫeagaisc Acuila le na ṁnaoi an soiseul Dapollos ni is soillier.

¹ Tar éisi so ar ḃfagḃáil ċaṫair na Haiṫne do Ṗól, táinic sé go Córintus;

² Agus fuáir sé Iúdaiḋe áiriġe ann sin dar ḃainm Acuilas, noċ rugaḋ a Bpontus, táinic go déiġeanaċ ó Neadáille, é féin agus a ḃean Priscilla; (ar a naḋḃur gur aiṫin Claudius do na Iúduiḋiḃ uile imṫeaċd as a Róiṁ:) agus do ċuáiḋ sé ḋá nionnsuiġe.

³ Agus do ḃríġ go raiḃ sé dáoinċeird ríu, dfan sé na ḃfoċair, agus do ḃí sé ag obair: óir a seaḋ bá ceird ḋóiḃ pailliúin do ḋéanaṁ.

⁴ Agus do níoḋ sé diosbóireaċd sa tsinagóig gaċ éun lá sábbóide, ionnus gur ṫarruing sé na Iúduiḋe agus na Gréuguiḋ.

⁵ Agus mar ṫáinic Silas agus Timotéus ó Ṁacedónia, do las Pól an a spioruid, ag déunaṁ finné do na Iuduiḋiḃ gur ḃé Iósa an Críosd.

⁶ Agus an tráṫ do ċuireadarsan na aġuiḋ, agus do laḃradar blasṗéime, ar gcroṫaḋ a éudaiġ ḋósan, a duḃairt sé ríu, Bíoḋ ḃur ḃfuil ar ḃur gceann féin; atáimsi glan: ó so súas raċuiḋ mé ċum na Gcineaḋaċ.

⁷ Agus ar a nimṫeaċd dó as sin, do ċuáiḋ sé go tiġ ḋuine áiriġe, dár ḃainm Iustus, duine air a raiḃ eagla Dé, agus agá raiḃ a ṫiġ láiṁ ris a tsionagóig.

⁸ Agus do ċreid Crispus, úaċdarán ná sinagóige, maille ré luċd a ṫiġe uile, ann sa Tiġearna; agus mórán do na Corintianaċuiḃ ag éisdeaċd rís do ċreideadar, agus do baisdeaḋ íad.

⁹ Agus a duḃairt an Ṫiġearna sa noiḋċe a dtaiḋḃsi ré Pol, Na bíoḋ eagla ort, aċd laḃuir, agus na bí ad ṫoċd:

¹⁰ Oír atáimsi maille ríot, agus ní ṫiocfa duine ar biṫ ort do ḋéunaṁ uile ḋuit: óir atá pobal mór agamsa an sa ċaṫraiġ so.

¹¹ Agus dfan seisean blíaḋuin agus sé ṁí, ag teagusg ḃréiṫre Dé na measg.

¹² Agus an traṫ do ḃí Gallio na úaċdarán a Naċaía do éirġeadar na Iuduiḋe déuntoil a naġuiḋ Ṗóil, agus rugadar go caṫaóir ar ḃreiṫeaṁnuis é.

¹³ Ag ráḋ, Táirrgiḋ an fear so lé na ḃríaṫraiḃ na daoine ċum Dé onóruġaḋ, a naġaiḋ an dliġe.

¹⁴ Agus an tan do ṡantuiġ Póla ḃéul dosglaḋ, a duḃairt Gallio ris na Iuduiḋiḃ, Dá maḋ éagcoir ar biṫ nó droċ ġnioṁ é, a Iudaiġe, buḋ cóir go niomċóruinn liḃ.

¹⁵ Giḋeaḋ más a dtimċeall ḃríaṫar agus anmann, agus ḃur ndliġe atá ḃur gceisd, féuċuiḋ féin dó; óir ní háill leamsa ḃeiṫ am breiṫeaṁ ar a leiṫeid sin do neiṫiḃ.

¹⁶ Agus do ċuir sé ón ċaṫaóir ḃreiṫeaṁnuis íad.

¹⁷ Ann sin ar mbreiṫ do na Gréugaċuiḃ uile ar Ṡostenes, úaċdarán na sinagóige, do ġaḃadar air a ḃfíaḋnuisi ċaṫáoireaċ an ḃreiṫeaṁnuis. Aċd níor ċuir Gallio suim a ní ar biṫ do na neiṫiḃsin.

¹⁸ Aċd tair éis Pól ḟuireaċ fós mórán do láeṫiḃ, do ġlac sé a ċead ag na bráiṫriḃ, agus do ċuáiḋ sé a luíng go Síria, agus do ċuáiḋ Priscilla agus Acuilas leis; tar éis a ċinn do ḃearraḋ ḋó a Gcenċreas: óir do ḃí móidġeallaḋ air.

¹⁹ Agus táinic sé go Héṗesus, agus dfág sé ann sin íad; giḋeaḋ do ċuáiḋ sé féin a steaċ don tsinagóig, agus do ṫaguir sé ris na Iúduiḋiḃ.

²⁰ Agus an tan díarradar air fuireaċ na ḃfoċair ní as faide, níor áontaiġ seisean.

²¹ Aċd dfag beannaċd aca, ag ráḋ, Is éigin dáṁsa go deiṁin an tsollomuin so ċugainn do ḋéunaṁ a Niarusalém: aċd más toil lé Día é, fillfiḋ mé ċuguiḃsi a rís. Agus do ṡéol sé ó Eṗesus.

²² Agus ar ndul dó síos go Seasaréa do ċuáiḋ sé súas, agus ar mbeannuġaḋ do neagluis dó, do ċuáiḋ sé síos go Hantíoċia.

²³ Agus ar fanṁuin dó ar feaḋ tamuill do imṫiġ sé roiṁe, agus do ṡioḃuil sé a nórduġaḋ ar feaḋ ċríċe na Galátia agus Ṗrígia, ag neartuġaḋ na ndeísciobal uile.

²⁴ Agus táinig Iúdaiġe áiriġe go Heṗesus, dár ḃainm Apollos, rugaḋ a Nalecsándria, fear deaġlaḃarṫa, do ḃi cúṁaċdaċ ann sna sgríobtúiriḃ.

²⁵ Do ḃí an fear so ar na ṫeagusg a sliġe an Tiġearna; agus ar mbeiṫ ḋó ar fiuċaḋ sa spioruid, do laḃuir agus do ṫeaguisg sé go diṫċeallaċ neiṫe a dtimċeall an Tiġearna, agus gan déolus aige aċd baisdeaḋ Eoin aṁáin.

²⁶ Agus do ṫionnsgain sé laḃuirt go dána ann sa tsinagóig: agus an tráṫ do ċúaluiḋ Acuila agus Priscilla é, rugadar léo ċuca féin é, agus dfoillsiġeadar sliġe Dé ḋó ní as diongṁála.

²⁷ Agus an tan do báil leis dul go Haċáia, do sgrioḃadar na bráiṫre, ċúm na ndeisciobal dá mbrosduġaḋ air eision do ġaḃáil ċuca: agus, ar dteaċd ḋó ann sin, tug sé furtaċd mór don líon do ċreid tré ġrásuiḃ:

²⁸ Oír do rinne sé diosbóireaċd ṁór ṡáoiṫreaċ a ḃfíaḋnuisi an ṗobuil ris na Iúduiġiḃ, dá ḟoillsiuġaḋ as na sgríobtúiriḃ gur ḃé Iósa an Críosd.