Gníoṁarṫa 16 - An Bíobla Naoṁṫa 1817 (Bedell)

Caibidil XVI Sioḃal agus sáoṫair Ṗóil. 14 Croiḋe Lidia ar na osglaḋ 34 agus coiṁéuduiġ an ṗríosuin ag creideaṁ a Ndía.

¹ Ann sinn táinic sé go Derbe agus go Listra: agus, féuċ, do ḃí deisciobal áiriġe ann sin, dar ḃainm Timotéus, mac ṁná áiriġe, ḋeaġċreidṁiġe don ċineaḋ, Iúduiḋe; agus bá Gréugaċ a aṫair:

² Ar a dtugadar na bráiṫre do ḃí a Listra agus a Níconium teisd ṁaiṫ.

³ Do ġaḃ fonn Pól an fearso do ḃreiṫ leis na ċuideaċda; agus ar na ḃreiṫ leis dó do ṫinċeallġearr sé é ar son na Níudaiḋeaḋ do ḃí ann sna háitiḃ sin: óir do ḃí a ḟios acá uile gur Ġréugaċ a aṫair.

⁴ Agus mar do ṡioḃladar ar na caiṫreaċaiḃ, tugadar ḋóiḃ ré a gcoiṁéud nahórdaiġṫe, do órduiġeadar na habsduil agus na sinnsir do ḃí a Niarusalém.

⁵ Uime sin do ḃádar na heagluiseaḋa ar na ndaingnuiġaḋ ann sa ċreideaṁ, agus do ḃí a nuiṁir ag méuduġaḋ gaċ éun lá.

⁶ Agus ar ngaḃáil tré Ṗrígia agus tré ċríċ na Galátia ḋóiḃ, do ṫoirmisg an Spiorad Náoṁ íad an ḃríaṫar do laḃairt sá Násia,

⁷ Agus ar dteaċd go Mísia ḋóiḃ, do ċúireadar rómpa dul go Bitínia: aċd níor ḟulaing Spiorad Iósa ḋóiḃ.

⁸ Ar a naḋḃarsin ar ngaḃáil tré Ṁísia ḋóiḃ do ċúadar síos go Tróas.

⁹ Agus do ċonncas do Ṗóla dtaiḋḃsi sa noiḋċe; Duine áiríġe ó Ṁacedónia na ṡeasaṁ, dá ġuiḋe, agus ag ráḋ, Tárr go Macedónia, agus taḃuir caḃuir ḋúinne.

¹⁰ Agus mar do ċonnuircsé an taiḋḃsi, do ṡantuiġeamar ar an mball dull go Macedónia, óir do ṫuigeamar gur ḃé an Tiġearna do ġoir sinn ċum an tsoisgéil do ṡeanmóir ḋóiḃ.

¹¹ Uime sin ag seólaḋ ḋúinn ó Ṫróas, tangamar go díreaċ go Samotrácia, agus lá ar na ṁáraċ go Neápolis;

¹² Agus ann sinn go Ṗilippi, príoṁċaṫuir na coda sin don Ṁacedónia, agus colaṁuin: agus dfanamar ann sa ċaṫruiġ sin suim áiriġe do laeṫiḃ.

¹³ Agus do ċúamar a maċ as an gcaṫruiġ lá na sábboide ċois a tsroṫá, mar a ngnáṫuiġṫí urnaiġe do ḋéunaṁ; agus ar suiḋe ḋúinn ann sin, do laḃramar re mnaiḃ do ḃí ar cruinniuġaḋ ann.

¹⁴ Agus bean áiriġe dár ḃainm Lídia, reacadóir purpuir, a gcaṫruiġ na Dtiatiraċ, noċ do onóruiġeaḋ Día, déisd sí rinn: ag ar osgail an Tiġearna a cróiḋe, ċum aire do ṫaḃuirt do na neiṫiḃ a duḃairt Pól.

¹⁵ Agus ar ngaḃáil ḃaisdiḋ, ḋi féin agus do luċd a tiġe, do ġuiḋ sí sinn, ag ráḋ, Má ṁeasdáoi go ḃfuilim díleas don Tiġearna, tigiḋ, do ḋéunaṁ coṁnuiḋe dom ṫiġ. Agus do ċoiṁéigni sí sinn.

¹⁶ Agus tárla, ag dul ḋúinn do ḋéunaṁ urnaiġe, go dtárla cailín áiriġe oruinn agá raiḃ spiorad faisdine, fuair fáḃaltus mór dá tiġearnuiḃ féin lé fáisdine do ḋéunaṁ:

¹⁷ Do lean sí so Pól agus sinne, agus do éiġ sí, ag ráḋ, Is seirḃísiġ don Día ro árd na dáoinesi, moċ ṡoisgéulas dáoiḃ sliġe na sláinte.

¹⁸ Agus do rinne sí so mórán do laéṫiḃ. Aċd do ġoill sin, ar Ṗól, agus dfill sé air ais agus a duḃairt sé ris a spiorud, Aiṫniġim ḋíot a nainm Iósa Críosd teaċd amaċ aisde. Agus ar a núair sin do imṫiġ an spiorad aisde.

¹⁹ Agus an tan do ċunncadar a tiġearnuiḋesi gur imṫiġ muiniġin a bfáḃaltuis féin, do ċuireadar láṁ a Bpól agus a Sílas, agus rugadar léó don ṁargaḋ íad ċum na núaċdarán,

²⁰ Agus ar na dtairgsin do na húaċdaránuiḃ, a duḃradar, Búaiḋrid na dáoinesi ar gcaṫuirne, óir is dón ċineaḋ Iúdaiḋe íad,

²¹ Agus múinid síad órduiġe, naċ dleisdeanaċ ḋúinne do ġaḃáil, na do leanṁuin, dó ḃríġ gur Roṁánuiġ sinn.

²² Agus do éiriḋ an pobal a náoinḟeaċd na naġuiḋ: agus ar réubaḋ a néuduiġeaḋ do na hoifigiḃ, do áiṫneadar gaḃáil do ṡlatuiḃ orrṫa.

²³ Agus ar ngaḃáil orrṫa go roṁór ḋóiḃ, do ċuireadar a bpríosún íad, dá áiṫne dfear coiṁéuda an ṗríosúin a gcoiṁéud go ró ḋaingean:

²⁴ Agus ar ḃfaġáil na háiṫne sin dósan, do ṫeilg sé íad ann sá ṗríosún dob ḟaide a steaċ, agus do ḋaingníġ sé a gcosa a gceap.

²⁵ Agus a dtimċeall ṁeaḋóin oiḋċe ar ndeunaṁ urnaiġe do Ṗól agus do Ṡílas, do ċanadar salm daḋṁolaḋ Dé: agus do ċúaladar na príosúnuiġ íad.

²⁶ Agus go hobann do éiriġ criṫ mór talṁun ann, a gcrúṫ go raiḃ fúindiment an ṗríosuin ar bogaḋ: agus ar an mball do ḃádar na doirrsi uile osguilti, agus a ngeiṁleaċa uile sgáoilte.

²⁷ Agus ar músglaḋ do ċoiṁéuduiḋe an ṗríosuin, agus ar ḃfaicsin doirrseaḋ an ṗríosúin osguilte ḋó, ar dtarruing a ċloiḋiṁ amaċ, do smúain sé é féin do ṁarḃaḋ, óir do ṡáoil sé gur éulóiġeadar na braiġde.

²⁸ Aċd do éiġ Pol do ġúṫ ṁór, ag ráḋ, Na déuna olc ar biṫ ḋuit féin: óir atámaóidne uile ann so.

²⁹ Agus ar ngairm ar ṡolus dósan, do ṡáiṫ sé a steaċ, agus ar mbeiṫ ḋó ar coiṁċriċ, do ṫuit sé síos a ḃfiaḋnuise Ṗóil and Ṡílais,

³⁰ Agus ar na mbreiṫ leis amaċ ḋó, a duḃairt sé, A ṁaiġisdríġe, créd ċaiṫfeas misi ḋeunaṁ do ċum go slainéoċṫáoi mé?

³¹ Agus a duḃradarsan, Creid ann sa Tiġearna Iósa Críosd, agus sláineoċṫar ṫú féin, agus do ṫiġ.

³² Agus do rinneadar bríaṫar an Tiġearna do ṡeanmóir ḋó féin, agus dá ráiḃ ann a ṫiġ uile.

³³ Agus a nuáir sin féin do noiḋċe go ġlac se íad, agus do niġ sé a ccréaċda; agus ar an mball do ġlac sé féin, agus a ṫiġ uile baisdeaḋ.

³⁴ Agus ar na mbreiṫ leis dó ḋá ṫiġ féin, do ċuir sé ḃiaḋ na ḃfíaḋnuisi, agus do rinne sé gairdeaċus, é féin agus a ṫiġ uile ag creideaṁ a Ndía.

³⁵ Aċd ar néiriġe don lá, do ċuireadar na húaċdaráin máoir úaṫa, da ráḋ, Léig na daóine sin amaċ.

³⁶ Agus dinnis coiṁéuduiḋe an ṗriosúin na briaṫraso do Ṗól, Ċuireadar na húaċdaráin fios úaṫa ḃur léigean amaċ: uime sin sioḃluiḋ roṁuiḃ a nois, agus ímṫiġiḋ a síoṫċain.

³⁷ Aċd do ḟreaguir Pól doiḃsean, Tar éis gaḃáil oruinn go puiblliḋe agus sinn neíṁċiontaċ, agus ar Róṁanaċuiḃ, do ṫeilgeadar a bpríosún sinn; agus an né buḋ áil léo a nois ar gcur amaċ ós íseal? ní heaḋ go firinneaċ; aċd teigid féin agus beirid amaċ sinn.

³⁸ Agus dinniseadar na maóir na bríaṫraso do na húaċdaránuiḃ: agus do ġaḃ eagla íadsan, an tan do ċúaladar gur Róṁanuiġ íad.

³⁹ Agus ar dteaċd dóiḃ do ċuireadar impiḋe orrṫa, agus ar na dtaḃuirt amaċ, do guiḋeadar íad fá imṫeaċd amaċ as an gcaṫruiḋ.

⁴⁰ Agus ar nimṫeaċd as an bpriosún dóiḃsion, do ċúadar a steaċ go Lídia: agus ar ḃfaicsin na mbríaṫar, tugadar coṁḟurtaċd dóiḃ, agus do imṫiġeadar rompa.