Gníoṁarṫa 12 - An Bíobla Naoṁṫa 1817 (Bedell)

Caibidil XII Foiréigniuġaḋ, 21 úaḃar, 23 agus bás ġraineaṁla Iorúaiṫ, dar cóṁainm Agrippa.

¹ Agus fá namsin do ṡín Ioruáiḋ an ríġ láṁa do ḋéanaṁ uilc do ḋruing áiriġe don neagluis.

² Agus do ṁarḃ sé Séumus, dearḃráṫair Eóin, lé cloiḋeaṁ.

³ Agus ar ḃfaicsin dó gur ṫaitin sin ris na Iúdaiġiḃ, do ċuir sé roiṁe Peadar do ġaḃáil mar an gcéudna. Aċd do ḃádar láeṫe a naráin gan laiḃín ann.

⁴ Agus ar na ġaḃáil dó, do ċuir sé a bpriosún é, ar na ṫaḃairt dá ċoiṁéud do ċeiṫre ċoíriġṫiḃ do ṡaiġdiúiriḃ; ar mbeiṫ fonn ṁar ḋó ar a ṫaḃairt amaċ ċum an ṗóbail a ndiáiġ ná Cásg.

⁵ Uime sin do coiṁéudaḋ Peadar a bpriosún: agus do rinne a neagluis úrnaiġe go dúṫraċdaċ ċum Dé ar a ṡon.

⁶ Agus ar mbeiṫ Dioruáiḋ ar tí a ṫaḃairt amaċ, sa noiḋċe sin féin do ċodail Peadar eidir ḋís saiġdíuir, ar na ċeangal ré ḋá ṡláḃraḋ: agus do ḃádar an luċd coiṁéuda ag coiṁéud an ṗriosúin ag an dorus.

⁷ Agus féuċ, do ṡeas aingeal an Tiġearna a laṫair, agus do ḋealruiḋ solus sa tíġ: agus ar mbúalaḋ Ṗeadar ann a ṫáoḃ, do ṫog sé súas é, ag ráḋ, Eiríḋ go lúaṫ. Agus do ṫuiteadar na slaḃraiḋe ḋá láṁaiḃ.

⁸ Agus a duḃairt an taingeal ris, Cuir do ċrios ṫort, agus ceangail ort do ḃróga. Agus do rinne sé mar sin. Agus a duḃairt sé ris, Cuir do ḃrat iomad, agus lean misi.

⁹ Agus ar nimṫeaċd amaċ do Ṗeadar, do lean sé é, agus ní raiḃ a ḟios aige gur ḃfíor a ní do rinneaḋ trés a naingeal; aċd do ṡaóil sé gur taiḋḃse do ċunnairc sé.

¹⁰ Agus a nimṫeaċd dóiḃ tré san gcéud ḟaire agus tré san dara faire, tangadar ċum an ġéata íarainn, ṫréoraiġais ċum na caiṫreaċ; noċ do osgail ḋóiḃ úaḋ féin: agus ar ndul amaċ ḋóiḃ, do ṡiuḃladar ṫríd áon sráid aṁáin; agus ar an mball do imṫiġ an taingeal úaḋ.

¹¹ Agus ar dteaċd do Ṗeadar ċuige féin, a duḃairt sé, A nois atá a ḟios agum go dearḃṫa, gur ċuir an Tiġearna a aingeal úaḋ, agus gur ṡáor sé mé ó laiṁ Iorúaiḋ, agus ó uile ċoiṁéud an ṗobail Iúdaiġe.

¹² Agus ar mbreaṫnuġaḋ an neiṫese ḋó, ṫáinic sé go tiġ Ṁuire maṫair Eóin, dar coṁainm Marcus; áit a raḃadar mórán cruinn a ḃfoċair a ċéile, agus ag déunaṁ úrnaiġe.

¹³ Agus ar mbúalaḋ ḋorais an ṗóirse do Ṗeadar, ṫáinic cailín ċuige dár ḃainm Rhóda, déisdeaċd ris.

¹⁴ Agus ar naiṫne ġoṫa Ṗeadair ḋi, tré ġáirdeaċus níor osgail sí an dorus, aċd ag rioṫ ḋi a steaċ, dinnis sí go raiḃ Peadar na ṡeasaṁ sa ṗóirse.

¹⁵ Aċd a duḃradarsan ría, Atá tú ar míċéill. Giḋeaḋ do ḃí sisi ag dearḃuġaḋ go raiḃ sé aṁluiḋ. Aċd a duḃradarsan, A sé a aingeal atá ann.

¹⁶ Agus do lean Peadar dá ḃeiṫ ag búalaḋ an doraís: agus ar nosglaḋ ḋóiḃsion, do ċunncadar é, agus do ġaḃ úaṫḃás íad.

¹⁷ Agus ar sméideaḋ a láiṁe ḋósan orṫa, ċum ḃeiṫ na dtoċd, dfoillsiġ sé ḋóiḃ cionnus tug an Tiġearna amaċ é as an bpríosun. Agus a duḃairt sé, Innisiġ na neiṫeise do Ṡéumus, agus do na dearḃráiṫreaċaiḃ. Agus ar nimṫeaċd as sin dó, do ċuáiḋ sé go háit eile.

¹⁸ Agus ar néiriġe don lá, déiriḋ buáiḋirt nar ḃeag a measg na saiġdíuir, a dtimċeall créd ṫárla do Ṗeadar.

¹⁹ Agus ar ná íarraiḋ Dioruáiḋ, agus náċ ḃfuáir, ar cceasduġaḋ an luċd coiṁéuda ḋó, dáiṫin sé a mbreiṫ amaċ ċum pionúis. Agus ar ndul siós dó ó ṫír Iúdaiġe go Séasáréa, do ċoṁnaiġ sé ann sinn.

²⁰ Do ḃí Ioruáiḋ an tan sin ro ḋíomġaċ do luċd Ṫíruis agus Ṡídoin: aċd tangadarsan dáontoil ċuige, agus, ar dtaḃairt Ḃlastuis eaḋon séomradóir an rí ar a dtoil, díarradar síoċáin; do ḃríġ go raiḃ a ttír ḋá coṫuġaḋ tré ṫír an rí.

²¹ Agus an lá orduiġe airiġe ar mbeiṫ Dioruáiḋ, ar na éuduġaḋ a néudaċ ríoġa, agus na ṡuíḋe sa gcaṫaóir ḃreiṫeaṁnais, do rinne sé óraid ḋóiḃ.

²² Agus do ġáireadar an pobal, Gúṫ Dé so, agus ní gúṫ duine.

²³ Agus a nuáirsin féin do ḃuáil aingeal an Tiġearna é, do ḃríġ naċ ttug sé glóir do Ḋía: agus ar na iṫe do ṗíasdaiḃ, do ċuáiḋ a spiorad as.

²⁴ Agus do ḟás bríaṫar Dé agus do méudaiġeaḋ í.

²⁵ Agus do ḟill Barnabas agus Saul ó Ierusalem, ar gcoiṁlíonaḋ a miniosdralaċda, ar mbeiṫ fós Eóin ríu, dar coṁainm Marcus.