Gníoṁarṫa 10 - An Bíobla Naoṁṫa 1817 (Bedell)

Caibidil X Corneliuis caiptín díaġa do na Cineuḋaċaiḃ, ar na ḃaisdeaḋ le Peadar.

¹ Agus do ḃí duine áiriġe a Séasárea, dar ḃainm Cornélius, caiptín an ḃanna ḋá ngóirṫear an banna Eadáilleaċ,

² Duine ríaġalta, ar a raiḃ eagla Dé, maille ré na ṫiġ uile, noċ do ḃeireaḋ iomad déirce donṗobal, agus do ḃíoḋ ag guiḋe Dé do ġnáṫ.

³ Do ċonnairc sé go soilléir a dtáiḃse a dtimċeall a náoṁaḋ húair don ló aingeal Dé ag teaċd a steaċ ċuige, agus ag ráḋ ris, A Ċornéliuis.

⁴ Agus ag féuċain dósan air go gér, agus ag gaḃáil eagla, a duḃairt sé, Créd é sin, a Ṫiġearna? Agus a duḃairt seision ris, Do ċuáiḋ húrnaiġṫe agus do ḋéirce súas a gcoiṁne a ḃfiaḋnuise Dé.

⁵ Agus a nois cuir dáoine go Ioppá, agus cuir fios ar Ṡíomón, dar ab coṁainm Peadar:

⁶ Atá sé ar áoiḋeaċd a ḃfoċair Ṡíomón áiriġe fear leasaiġe leaṫair, agá ḃfuil a ṫiġ láiṁ ris an ḃfairge: foillséoċaiḋ sé ḋuit créud is cóir ḋuit a ḋéunaṁ.

⁷ Agus ar nimṫeaċd don aingeal do leaḃair le Cornéliuis, do ġoir sé ċuige dís dá ṁuinntir, agus saiġdiúír díaġa don druing do ḃí na ḟoċair;

⁸ Agus ar ḃfoillsinġáḋ a niomláin dóiḃ, do ċuir sé íad go Híoppá.

⁹ Agus ar ná ṁaraċ, ag síuḃal dóiḃsean, agus ag drud ris an gcaṫraiġ, do ċuáiḋ Peadar súas ar an dtiġ do ḋéanaṁ úrnaiġe dtimċeall an seaséaḋ húair.

¹⁰ Agus tárla gur ġaḃ ocarus roṁór é, agus ba mían ris bíaḋ ċaiṫeaṁ: agus an feaḋ do ḃádarsan ag ullṁúġaḋ neiṫe, do ċúaiḋ seision a néull,

¹¹ Agus do ċonnairc sé neaṁ osgailte, agus soiġteaċ áiriġe ag teaċd a nsúas ċuige, aṁail ḃraiṫlín ṁór agus a ċeiṫre beanna ceangailte, noċ do léigeaḋ síos ar an dtalaṁ:

¹² Ann a raiḃ gaċ uile ġné ḃeaṫaiḋ ċeaṫairċosaiḋ na talṁan, agus ḃeaṫaiḋ allta, agus ṗíasd ṡnáṁus an talaṁ, agus éunlaiṫ a naicéir.

¹³ Agus ṫáinic gúṫ ċuige, Eiriġ, a Ṗéadair; marḃ, agus iṫ.

¹⁴ Aċd a duḃairt Peadar, Ní heaḋ, a Ṫiġearna; óir níor iṫ mé ríaṁ éinni coitċeann nó neaṁġlan.

¹⁵ Agus a duḃairt an gúṫ ris a rís an dara huáir, Ná neíṫe ġlan Día, ná habairse neaṁġlan íad.

¹⁶ Agus do rinneaḋ so fó ṫrí: agus a rís do tógḃaḋ an soiṫeaċ súas air neaṁ.

¹⁷ Agus ar mbeiṫ do Ṗeadar ag déunaṁ áṁaruis ann féin créud í an táiḃsise do ċunnairc sé, Féuċ, na teaċdairiġe do cuireaḋ ó Ċornélius ag íarraiḋ ṫiġe Ṡiómóin, agus do ṡeasadar ag an dorus,

¹⁸ Agus do ġoíreadar, agus dfíafruiġeadar an raiḃ Síomón dar ċóṁainm Peadar ann sin.

¹⁹ Agus ar mbeiṫ do Ṗeadar ag smuáineaḋ ar an dtáiḃse, a duḃairt an Spiorad ris, Féuċ, atá tríur fear dod íarraiḋ.

²⁰ Uime sin éiriḋ, téiġ síos, agus imṫiġ ríu, gan aṁarus ar biṫ do ḃeiṫ ort: óir is misi do ċuir uáim íad.

²¹ Ar ndul síos do Ṗeadar an tan sin ċum na ḃfear do cuireaḋ ċuige ó Ċornélius; a duḃairt sé, Féuċaiḋ, is misi an té atá siḃse íarraiḋ: créud é an taḋḃar fá dtangaḃair?

²² Agus a duḃradarsan, Cornélius an caiptín, duine coṁṫrom, air a ḃfuil eagla Dé, agus fear deaġṫeasda ag an gcineaḋ Iúdaiġe uile, fuáir sé fógra ó Ḋía tré aingeal náoṁṫa fios do ċur ortsa dá ṫiġ féin, agus éisdeaċd ré briaṫra úaitse.

²³ An sin do ġoir sé a steaċ íad, agus tug sé áoiḋeaċd dóiḃ. Agus ar na ṁáraċ do imṫiġ Peadar ríu, agus dimṫiġ dream áiriġe do na dearḃraiṫreaċaiḃ do ḃí a Níoppá ma ráon ris.

²⁴ Agus an lá na ḋiáiġ sin do ċuádar a steaċ go Séasaréa. Agus do ḃí Cornélius ag fuireaċ ríu, ar ngairm a ġáoil agus a ċarad ndiongṁala a gceann a ċéile ḋó.

²⁵ Agus tárla ré dteaċd Ṗeadair a sdeaċ, go dtáinic Cornélius do ṫeagṁáil dó, agus do onóraiġ sé é, ḋá léigean féin síos agá ċosaiḃ.

²⁶ Aċd do ṫóg Peadar súas é, ag ráḋ, Eiriḋ; oír as duine misi féin.

²⁷ Agus ar mbeiṫ ḋó ag coṁráḋ ris, do ċuáiḋ sé a steaċ, agus fuair sé mórán ar gcruinniuġaḋ a gceann a ċéile.

²⁸ Agus a duḃairt sé ríu, Atá a ḟios agaiḃse náċ dliġṫeaċ do Iúdaiġe é féin do ċeangal deaċdrannaċ, nó teaċd dá ġoire; giḋeaḋ do ḟoillsiġ Día ḋaṁsa gan duine coitċeann nó neaṁġlan do ġairm do neaċ ar biṫ.

²⁹ Ar a naḋḃarsin ṫáinig mé gan díultaḋ, a núair do cuireaḋ fios oram: uime sin fíafruiġim créud é an táḋḃar fár ċuireaḃair fios oram?

³⁰ A duḃairt Cornélius an tan sin, Ré ceiṫre lá gus a nuáirse do ḃí mé ag déunaṁ troisge; agus sa náoṁaḋ huáir do ḃí mé ag déunaṁ urnaiġe ann mo ṫiġ féin, agus, féuċ, do ṡeas neaċ am ḟíaḋnuise a néudaċ ḋeallruiġṫeaċ,

³¹ Agus a duḃairt sé, A Ċornélius, do héisdeaḋ húrnaiġe, agus do coiṁniġeaḋ do ḋéirc a ḃfíaḋnuise Dé.

³² Uime sin cuir fios go Híoppá, agus goir ċugad Síomón, dar coṁainm Peadar; atá se ar aóiḋeaċd a dtiġ Ṡíomóin ḟir leasaiġṫe leaṫair láiṁ ris an ḃfáirrge: agus an tan ṫiucfas sé, laiḃeóruiġ sé riotsa.

³³ Ar a naḋḃarsa a nuáir sin féin do ċuir me fios ortsa; agus as maiṫ do rinne tú ṫeaċd. Uime sin a nois atámuid uile a ḃfiaḋnuise Dé, ċum eisdeaċda gaċa uile neiṫe do haiṫniġeaḋ ḋiotsa ó Ḋía.

³⁴ Agus ar nosglaḋ a ḃéil do Ṗeadar a duḃairt sé, Do ġeiḃim go fírinneaċ naċ ḃféuċann Día do ṗearsannaiḃ seaċ a ċéile:

³⁵ Aċd am gaċ uile ċineaḋ gaḃuiḋ sé ris an tí, air ambí a eagla agus do ní ceart.

³⁶ An ḃríaṫar noċ do ḟoillsiġ sé do ċloinn Israél, ag soisgéuluġaḋ síoṫċána tré Iósa Críosd: noċ atá na Ṫiġearna ós cionn na nuile:

³⁷ Atá a ḟios agaiḃse, créud do rinneaḋ feaḋ ṫíre Iúdaiḋe uile, ag tosuġaḋ ón Ngalilé, tar éis an ḃaisdiġ noċ do ṡeanmóraiḋ Eóin;

³⁸ Cionnus do ung Día Iósa Nasárrġa ris an Spiorad Náoṁ agus lé cuṁaċdaiḃ: noċ do ċuáiḋ timċeall ag déunaṁ maiṫeasa, agus ag sláunuġaḋ gaċ a raiḃ fá leaṫtrom tré ċuṁaċdaiḃ an diaḃail; óir do ḃí Día maille ris.

³⁹ Agus atámaóidbe dfíaḋnuise ar na huile neiṫe do rinne sé a ttír Iúdaiġe, agus a Niarusalém; noċ do ṁarḃadar ḋá ċroċaḋ a gcroiċ:

⁴⁰ Do ṫog Día é so súas an treas lá, agus dfoillsiġ sé é;

⁴¹ Ni don ṗobál uile aċd do na fíaḋnuisiḃ do ṫoġ Día roiṁ láiṁ, eaḋon dúinne, noċ do iṫ agus do iḃ na ḟoċair tar éis a éiseirġe ó ṁarḃaiḃ.

⁴² Agus tug áiṫne ḋúinne seanmóir a ḋéunaṁ don ṗobal, agus fíaḋnuise do déunaṁ gur ab eision do hórduiġeaḋ ó Ḋía na ḃreiṫeaṁ ar ḃéoḋaiḃ agus ar ṁarḃaiḃ.

⁴³ Do níd na fáiḋe uile fíaḋnuise ḋó so, go ḃfaġann gaċ áon ċreideas ann maiṫeaṁnus na bpeacaḋ tré na ainm.

⁴⁴ Ar mbeiṫ fós do Ṗeadar ag laḃairt na mbríaṫarsa, do ṫuirrling an Spiorad Náoṁ ar gaċ áon da ccúalaiḋ an ḃríaṫar.

⁴⁵ Agus na creidṁiġe don timċeallġearraḋ ṫáinic ré Peadar, do ġaḃ uaṫḃás íad, do ḃríġ gur dóirteaḋ fós ar na Cineaḋaċaiḃ tioḋlacaḋ an Spioraid Naóiṁ.

⁴⁶ Oír do ċúaladar íadsan ag laḃairt lé teangṫaiḃ, agus ag aḋṁolaḋ Dé. Do ḟreagair Peadar an tan sin,

⁴⁷ An féidir do neaċ ar biṫ uisge do ṫoirmeasg, do ċum naċ baisfi íad só, noċ do ġaḃ an Spiorad Náoṁ ċoṁmaiṫ rinne?

⁴⁸ Agus do aiṫin sé ḋíoḃ baisdeaḋ ġaḃail ċuca a nainm an Tiġearna. Do íarradar airsion an tan sin fanṁuin na ḃfoċair láeṫe áiriġe.