Genesis 9 - An Bíobla Naoṁṫa 1817 (Bedell)

Caibidil IX. Fuair Naói Beannuġaḋ agus sólas o Ḋía. 13 Le coṁṫar a ḃoġ uisge. 22 Cionta Ċam, agus a smaċd.

¹ Agus do ḃeannuiġ Día Naói agus a ṁic, agus a duḃairt riú; Biġi tórrṫaċ, agus iomaduiġiḋ, agus lionaiḋ an talaṁ.

² Agus biaiḋ ḃur neagla agus ḃur núaṁan ar gaċ uile ainṁiḋe ar an ttalaṁ, agus ar gaċ uile éun a naiéir, ar gaċ uile ní da gcorruiḋeann ar an ttalaṁ, agus ar iásg na fairge uile; an ḃur láiṁ tugaḋ íad.

³ Gaċ uile ní béo da ccorruiġeann bía na ḃíaḋ ḋiḃsi; aṁuil mar an luiḃ nglais tug mé ḋiḃ a nuile ni.

⁴ Aċ feóil maille ré na hanam, eaḋon a fuil, ní iósa siḃ.

⁵ Agus go deiṁin ḃur ḃfuil ḃur nanma loirgfe misi; asláiṁ a nuile ḃeaṫuiġ loirgfe mé í, agus as láiṁ an duine; as láiṁ ḋearḃraṫar gaċ duine íarfas mé anam an duine.

⁶ Giḋ bé ḋóirtfeas fuil duine, is lé duine ḋóirtfíġear a ḟuilsion: óir is a ndeilḃ Dé do rinne sé an duine.

⁷ Agus siḃsi, bíġi tórrṫaċ, agus iomaduiġiḋ; geiniḋ go hiomarcaċ ar an ttalaṁ, agus iomaduiġiḋ ann.

⁸ Agus do laḃair Día ré Naói, agus ré na ṁacaiḃ maille ris, ag raḋ:

⁹ Agus misi, feuċ, misi ḋaingníġeas mo ċunnraḋ riḃsi, agus ré ḃur síol ḃur ndíaiġ;

¹⁰ Agus ré gaċ uile ċréutuir béo dá ḃfuil maille riḃ, do néunlaiṫ, do náirnéis, do nuile ḃeaṫaċ ar talaṁ atá aguiḃ; ón uile da ndeaċuiḋ amaċ as an áirc, do nuile ḃeaṫaċ ar talaṁ.

¹¹ Agus daingneoċaiḋ mé mo ċunnraḋ riḃ; agus ní sgriosfuiġear amaċ gaċ uile ḟeóil ní is mó lé huisgiḋiḃ na dileann; agus ní mó ḃias díle ann ni is mó do sgrios na talṁan.

¹² Agus a duḃairt Día, Ag so coṁarṫa an ċunnarṫa do ním eadram féin agus siḃsi agus gaċ uile ċréatuir beó dá ḃfuil maille riḃ, a ngeinealaċuiḃ síorruiḋe:

¹³ Suiġim mo ḃoġa annsa néull, agus biaiḋ sé mar ċoṁarṫa cunnarṫa eadrum féin agus an talaṁ.

¹⁴ Agus as aṁluiḋ ḃías, a nuáir do ḃéara mé néull ós cionn na talṁan go ḃfaicfiġear an boġa ann sa néull.

¹⁵ Agus cuiṁneoċaiḋ mé mo ċunnraḋ, ata éadrum féin agus siḃsi agus gaċ uile ċréatúir béo do nuile ḟeoil; agus ní ṫiocfaiḋ uisgiḋe na dílionn do sgrios gaċ uile ḟéola ni as mo.

¹⁶ Agus bíaiḋ an boġa annsa néull; agus féuċfa misi air, ionnus go cuiṁneoċa mé an cunnraḋ bioṫḃúan eidir Día agus gaċ uile ċréatúir béo do nuile ḟeóil dá ḃfuil ar an ttalaṁ.

¹⁷ Agus a duḃairt Día lé Naói, Ag so coṁarṫa an ċunnarṫa, ḋaingniġim eadrum féin agus gaċ uile ḟeóil da bfuil ar an ttalaṁ.

¹⁸ Agus mic Naói, do ċuáiḋ amaċ as a náirc, dob íad Sem, Ham, agus Iáṗet: agus sé Ham aṫair Ċanáain.

¹⁹ A síad so tríur mac Naói: agus as úaṫa do lionaḋ an doṁan uile.

²⁰ Agus do ṫósuiġ Naói ar ḃeiṫ na ċríaḋaire, agus do ṗlannduiġ garḋa fíneaṁna.

²¹ Agus do iḃ sé do nḟion, agus do ḃí sé ar meisge; agus do ḃí sé lomnoċda a stiġ sa ṗailliun.

²² Agus do ċonnairc Ham, aṫair Ċanaáin, a aṫair lomnoċd, agus do innis dá ḋis dearḃraṫar amuiġ.

²³ Agus do ġlaċ Sem agus Jaṗet brat, agus do ċuireadar ar a nguáilliḃ aráon é, agus do ċuadar a ndiaiġ accúil, agus do ḟoluiġeadar lomnoċdaḋ a naṫar; agus do ḃádar anaiġṫe ar anais agus ní ḟacadar lomnoċd a naṫar.

²⁴ Agus do ṁúsguil Naói ó na ḟíon, agus do ṫuig cioḋ do rinne a ṁac dob óige ris.

²⁵ Agus a duḃairt, go maḋ mallaiġe ḃías Cánáan; na ṡeirḃíseaċ seirḃísiġ ḃías sé agá ḋearḃráiṫriḃ.

²⁶ Agus a duḃairt; go maḋ beannuiġe TIĠEARNA Día Ṡem; agus biaiḋ Cánáan na ṡeirḃíseaċ aige.

²⁷ Do ḋénna Día Iaṗet go faireang, agus áiteoċaiḋ sé a bpuibliḃ Ṡem; agus biaiḋ Canáan na ṡeirḃíseaċ aige.

²⁸ Agus do ṁair Naói déis na díleanna trí ċéud blíaġan agus cáogad.

²⁹ Agús dob íad laéṫe Naói uile, náoi ccéud agus cáogad blíaġan: agus fuair sé bás.