Genesis 8 - An Bíobla Naoṁṫa 1817 (Bedell)

Caibidil VIII. Traoṫaḋ na tuile. 20 Buiḋeaċus Naói.

¹ Agus do ċuiṁniġ Día air Naói, agus gaċ áonní beó, agus a uile áirnéis do ḃí na ḟoċair sa náirc: agus do rinne Día gáoṫ do ḋul ṫar án talaṁ, agus do ṫraoṫadar na huisgiḋe.

² Do stopaḋ mar an cceadna toibreaċa a naigéin agus fuinnéoga neiṁe, agus do coisgeaḋ a nfearṫuinn o neaṁ;

³ Agus do ḟilleadar na huisgiḋe ó ḃeiṫ ar an talaṁ a ccoṁnuiġe: agus tareis na ccéad agus na ccáogad la do laġduiġeaḋ na huisgiḋe.

⁴ Agus do ċoṁnuiġ a náirc ar an seaċdṁaḋ mí, ar an seaċdṁaḋ la déug don ṁí, ar ṡléiḃtiḃ Ararat.

⁵ Agus do ṫráoṫadar na huisgiḋe a gcoṁnuiḋe gus an deaċṁaḋ mí: annsa deaċṁaḋ mí, ar an ccead la don ṁí, do ċonnarcas mulluiġe na sliaḃ.

⁶ Agus tárla, a ccionn ċeaṫraċad lá, gur osguil Naói fuinneóg na háirce do rinne sé féin:

⁷ Agus do ċuir sé amaċ fiaċ, noċ do ċuaiġ amaċ ag teaċd agus ag imṫeaċd, nó gur tiormuiġeaḋ na huisgiḋe súas ón talaṁ.

⁸ Mar an gceadna do ċuir sé colum uaḋa, amaċ; dféaċuin nar ṫráoṫadar na huisgiḋe ó aġaiḋ na talṁan.

⁹ Aċ ní ḃfuair an colum áit ċoṁnuiġe do ḃonn a coisi, agus do ḟill si ċuige asteaċ do nairc, óir da ḃádar na huisgíḋe ar uaċdar na talṁan uile; ann sin do ċuir a láṁ amaċ, agus do rug uirre, agus do ṫarraing ċuige a steaċ í do nairc.

¹⁰ Agus do ḟan sé fós seaċd lá oile; agus a rís do ċuir sé an colum amaċ as a náirc;

¹¹ Agus táinig an colum ċuige tráṫ nóna a steaċ; agus, féaċ, do ḃí ann a gob duilleog ċroinn ola noċ do ṫarruing sí; as ar aiṫin Naói gur ṫraóṫadar na huisgiḋe ó ḋruim na talṁan.

¹² Agus do ḟan sé fós seaċd lá oile; agus do ċuir an colum amaċ; noċ nar ḟill ċuige a rís ní is mó.

¹³ Agus tárla, sa náonṁaḋ agus sé ċeud bliaġan, san ċéud ṁí, san céud ló don ṁi, do tiormuiġeaḋ na huisgiḋe súas ón talaṁ: agus do aṫruiġ Naói folaċ na háirce, agus daṁairc, agus féuċ, do ḃí aġaiḋ na talṁan tirim.

¹⁴ Agus annsa dara mí, air a seaċdṁaḋ lá fiċead don ṁí, do ḃí an talaṁ tirim.

¹⁵ Agus do laḃair Día ré Naói, da raḋ,

¹⁶ Eíriġ amaċ as an aírc, ṫú féin agus do ḃean, agus do ṁic, agus mná do ṁac leaċd.

¹⁷ Beir leaċd amaċ gaċ éinní béo dá ḃfuil agad, don uile ḟeóil, idir éunlaiṫ, agus áirnéis, agus a nuile ni sníġṫeaċ noċ ṡníġios ar an ttalaṁ; ionnus go síolfuid go líonṁar ar an ttalaṁ, agus go raḃaid tórrṫaċ, agus go ndeunaid iomaduġaḋ ar an ttalaṁ.

¹⁸ Agus do ċuáiḋ Naói amaċ, agus a ṁic, agus a ḃean, agus mná a ṁac maille ris:

¹⁹ A nuile ḃeaṫaċ, a nuile ní ṡníġeas, agus a nuile éun, agus gaċ ni ṡniġeas ar an ttalaṁ, do réir a gcinéil, do ċúadar amaċ as a náirc.

²⁰ Agus do rinne Naóṫ altóir don TIĠEARNA; agus do ġlac da gaċ éinḃeaṫaċ glan, agus dá gaċ uile éun glan, agus díoḋbuir ofráil loisge ar a naltóir.

²¹ Agus do ḃolṫuiġ an TIĠEARNA deaġḃlaḋ; agus a duḃairt an TIĠEARNA ann a ċroiḋe, Ní ṁillfiġ mé aris ann talaṁ ar son an duine ó so amaċ; óir as olc smuáineaḋ croiḋe an duine ón óige: ní mó ḃuáilfeas mé a rís ni is mó, a nuile ní béo mar do rinne mé.

²² An feaḋ ṁairfeas an talaṁ, ní sguirfiḋ aimsir an tsíolċuir agus an foġṁar, agus an ḟuaċd agus an teas, agus an saṁraḋ agus an ġeiṁreaḋ, agus an lá agus a noiḋċe.