Genesis 7 - An Bíobla Naoṁṫa 1817 (Bedell)

Caibidil VII. Ṫárr Naói agús cúid do gaċ sórt creatuireaḋ, an Airc. 11 Táinic an tuil.

¹ Agus a duḃairt an TIĠEARNA ré Naói, Tárr féin agus do ṫeaġ uile ann sa náirc; óir do ċonnairc mé firéunta ṫú am ḟiaġnuisi annsa ngeinealaċ so.

² Da gaċ uile ḃeaṫaċ ġlan béuruiḋ tú leaċd na seaċduiḃ, fearḋa agus bannda: agus do na beaṫaiḋiḃ naċ ḃfuil glan na ccúpluiḃ, fearḋa agus bannda.

³ Déunlaiṫ mar an cceudna an aiéir na seaċduiḃ, fearḋa agus bannda; do ċongṁáil síl beó ar aġaiḋ na talṁan uile.

⁴ Oír seaċd lá fos, agus do ḃéura misi fá deara air, fearṫuinn do ḋéunaḋ ar an ttalaṁ ceaṫraċad lá agus ceaṫraċad oiḋċe; agus gaċ uile ṡubstaint beó da ndearna mé, sgriosfuiḋ mé daġaiḋ na talṁan iad.

⁵ Agus do rinne Naói do réir mar do aiṫin an TIĠEARNA ḋe uile.

⁶ Agus do ḃi Naói sé ċéud bliaġan dáois a nuáir do ḃí an díle uisgeaḋ ar an ttalaṁ.

⁷ Agus do ċuáiḋ Naói a steaċ, a ṁic, a ḃean, agus mná a ṁac, maille ris don náirc do ḃríġ uisgeaḋ na dílionna.

⁸ Do na beaṫuiġiḃ glana, agus do na beaṫuiġiḃ neaṁġlana, agus don éunlaiṫ, agus da gaċ áonni dá siuḃlann ar an ttalaṁ,

⁹ Do ċuaiḋ a steaċ a dó agus a dó ċum Naói ann sa náirc, fearḋa agus bannda, mar do aiṫin Día do Naói.

¹⁰ Agus tárrlá a ndiáiġ ṡeaċd lá, go raḃadar uisgeaḋa na dílionna ar an ttalaṁ.

¹¹ Annsa seisuġaḋ ceud blíaġan dáois Naói, annsa dara mí, an seaċdṁaḋ lá déug don ṁí, an lá sin fein do brisioḋ a níos toibreaċa a naigein ṁoir uile, agus do hosglaḋ coṁluiġe uisge niṁe.

¹² Agus do ḃí an ḟearṫuinn ar an ttalaṁ ceaṫraċad lá agus ceaṫraċad oiḋċe.

¹³ Annsa ló sin fein do ċuáiḋ Naói a steaċ, agus Sem, Ham, agus Jaṗet, mic Naói, agus bean Naói, agus tríur ban a ṁac leó don náirc;

¹⁴ Iad fein, agus gaċ uile ainṁiḋe do réir a ċinéil, agus a nuile áirnéis do réir a ccineíl, agus gaċ ní snaṁeaċ do ṡnáṁus ar an ttalaṁ do réir a ccinéil, agus gaċ uile eunlaiṫ da gaċ éun tsórt.

¹⁵ Agus do ċuadar a steaċ ċum Naói annsa náirc, cúpla agus cúpla da ġaċ uile ḟeóil, ann aḃfuil ánal na beaṫa.

¹⁶ Agus a ndeaċaiḋ a steaċ, do ċuadar a steaċ fearḋa agus bannda dá ġaċ uile ḟeóil, mar do aiṫin Día ḋe; agus do ḋruid an TIĠEARNA air a stiġ.

¹⁷ Agus do ḃí an díle ar an ttalaṁ ceaṫraċad lá; agus do ṁeaduiġeadar na huisgiḋe, agus do iomċradar snas a náirc, agus do tógḃaḋ súas í os cionn na talṁan.

¹⁸ Agus do rugadar na huisgiḋe buáiḋ, agus do ṁeaduiġeadar go hanṁór ar an ttalaṁ; agus do imṫiġ a náirc ar uaċdar na nuisgeaḋ.

¹⁹ Agus do rugadar na huisgiḋe buaiḋ go hiomarcaċ ar an ttalaṁ; agus do ḃádar na cnuic árda uile, do ḃí fo neaṁ, ar na ḃfolaċ.

²⁰ Cúig cuḃaid déug do éiriġ an tuisge súas; agus do folċaḋ na sléiḃte.

²¹ Agus do éug gaċ uile ḟeóil dár ċorruiġ ar an ttalaṁ, idir éunuiḃ agus áirnéis agus ainṁiṫiḋ agus gaċ áonni snaṁeaċ a ṡnáṁus ar an ttaluṁ, agus gaċ uile ḋuine:

²² Gaċ ní ann a raiḃ anál na beaṫa a bpolláraiḃ a sronaḋ, don uile ní da raiḃ ar talaṁ tirim, fuaradar bas.

²³ Agus do sgriosaḋ gaċ uile ṡubstaint beó noċ do ḃí ar druim na talṁan, idir ḋuine agus ḃeaṫaċ, agus an ni ṡnáṁus, agus éunlaiṫ neiṁe; agus do sgriosaḋ on talaṁ iad: agus do ḟan Naói aṁáin na ḃéaṫaiḋ, agus an luċd do ḃí na ḟoċair sa náirc.

²⁴ Agus do ḃúaḋuiġ an tuisge ós cionn na talṁan céud agus caogad lá.