Genesis 6 - An Bíobla Naoṁṫa 1817 (Bedell)

Caibidil VI. Claonaḋ na ndaoine. 13 Tairrgir iman dile. 14 Agus ordúġaḋ na hairce.

¹ Agus tárla, a nuáir do ṫosuiġeadar na dáoine ar ṁeaduġa ar ḋruim na talṁan, agus rugaḋ inġeana ḋóiḃ,

² Go ḃfacadar mic Dé inġeana na ndáoine go raḃadar sgíaṁaċ; agus tugadar mná ċuca do nuile ḋroing do ṫógradar.

³ Agus a duḃairt an TIĠEARNA, Ní ḃía mo spiorad a ccoṁnuiḋe ag crionċán ris an nduine, do ḃríġ gur féoil eision mar an ccéudna: giḋeaḋ béid a láeṫe na ccéud agus fiċṫe blíaġan.

⁴ Do ḃádar aiṫiṫe ar an ttalaṁ ann sna laeṫiḃ sin; agus mar an ccéudna na ḋiáiġ sin, a nuair ṫangadar mic Dé a steaċ ċum inġeana na ndáoine, agus rugadar clann dóiḃ, do ḟásadar sin na ndáoiniḃ árrṫaċda, noċ do ḃí san tseanaimsir na ndáoiniḃ iomráiteaċ.

⁵ Agus do ċonnairc Día gur ṁór ċionnta an duine air an ttalaṁ, agus gaċ áon ḃreaṫnuġaḋ dá smuaineaḋ a ċroiḋe gurab olc é a ccoṁnuiġe.

⁶ Agus do buḋ aiṫreaċ leis an TTIĠEARNA an duine do ḋeunaṁ ar an ttalaṁ, agus do ḃí brón air ann a ċroiḋe.

⁷ Agus a duḃairt an TIĠEARNA, Sgriosfuiḋ me an duine do ċruṫaiḋ me ó aġaiḋ na talṁan; ar áon an duine, agus an beiṫeaċ, agus an ni ṡnáṁus agus éunlaiṫ an aiéir; óir as aiṫreaċ liom a ndéunaṁ.

⁸ Aċ fuair Naói grása a ḃfiaġnuise an TIĠEARNA.

⁹ A síad so geinealuiġ Naói: do ḃí Naói na ḋuine ḟiréunta agus iomlan ann a ġinealaċaiḃ, agus do ṡiuḃail Naói lé Dia.

¹⁰ Agus do ġein Naói triur mac Sem, Ham, agus Jaṗet.

¹¹ Do ḃí an talaṁ mar an cceudna truáilliġe a ḃfiaḋnuisi Dé, agus do lionaḋ an talaṁ dfoiréigean.

¹² Agus do ḟeuċ Día ar an ttalaṁ, agus, féuċ, do ḃí sé trúailliġe; óir do ṫruáill gaċ uile ḟeóil a ṡliġe ar an ttalaṁ.

¹³ Agus a duḃairt Día re Naói, táinic críoċ a nuile ḟeola am ḟiaġnuisi; óir is lán an talaṁ durċóid tríoṫasan; agus, féuċ, sgriosfuiġ mé iad maille ris an ttalaṁ.

¹⁴ Déuna ḋuit féin áirc do aḋmud ġoper; do ḋéuna tú ionaid sa nairc, agus cuirfe tú pic úirre astiġ agus a muiċ.

¹⁵ Agus a sé so an timdéunaṁ ar a ndéuna tú í: a ḃfad na hairce béid tri ċéud ċuḃad, a leiṫead caogad cuḃad, agus a hairde tríoċad cuḃad.

¹⁶ Do ḋéuna tú fuinneóg do náirc, agus críoċnoċaiḋ tú í a ccuḃad ṡúas; agus cuirfiḋ tú dorus na hairce ar a taoḃ; maille ré hísliuġaḋ, an dara, agus an treas lota, do ḋéuna tú í.

¹⁷ Agus feuċ, misi, misi féin, do ḃéirim tuile uisgeaḋ ar an ttalaṁ, do sgrios gaċ uile ḟeóla, ann bfuil anal na beaṫa fáoi neaṁ; agus gaċ a ḃfuil sa talaṁ, do ġeaḃa sé bás.

¹⁸ Aċ riotsa daingneóċaiḋ mé mo ċunnraḋ; agus tiucfa tú a steaċ sa náirc, ṫú féin, agus do ṁic, agus do ḃean, agus mna do ṁac maille riot.

¹⁹ Agus do ġaċ uile ní beó, do ġaċ uile ḟeóil béuruiḋ tú cúpla leaċd da gaċ uile ṡórt sa náirc, dá gcuṁdaċ beó agad; béid síad fearḋa agus bannda.

²⁰ Do néunlaiṫ do reir a gcinéil, agus do náirnéis do réir a ccineil, da ġaċ uile ní ṡiuḃlas an talaṁ do réir a ċineil, cúpla do gaċ áon ṡort ṫiucfas ċugad dá ccuṁdaċ beó.

²¹ Agus glac ċugad da gaċ uile ḃiaḋ iṫear, agus cruinneoċaḋ tú ċugad é, agus bíaiḋ na ḃiaḋ ḋuitsi, agus dóiḃsion.

²² Mar so do rinne Naói: do réir a nuile ní do aiṫin Día ḋe, is aṁlaiḋ sin do rinne sé.