Genesis 50 - An Bíobla Naoṁṫa 1817 (Bedell)

Caibidil L. Aḋlacaḋ Iacob. 15 Tug Ioseṗ solás da ḃráiṫriḃ uirisliġṫe. 25 A iartas ma ċnáṁaíḃ. 26 Agus a ḃás.

¹ Agus do luiġ Ióseṗ ar aġuiḋ a aṫar, agus do ġuil air, agus do ṗóg é.

² Agus do aíṫṫin Ioseṗ dá ṡearḃfoġantuiḃ na leaġa, a aṫar do ḃalmnuġaḋ: agus do ḃalmnuiġeadur na leaġa Israel.

³ Agus do coiṁlíonaḋ ceaṫraċad lá ḋó: (óir is mar sin coiṁlíontar laéṫe na druinge do níṫear a ḃalmnuġaḋ) agus do rinneadur na Hégiptiġ doilġios ar a ṡoin, trí fiċid agus deiċ lá.

⁴ ¶ Agus a nuáir do ċúadar laéṫe a ndóbróin ṫárrsa, do laḃair Ióseṗ ré tíġ Ṗárao, ag ráḋ, A nois ma fuáir mé grása ann ḃur raḋarc, guiḋim siḃ, laḃruiḋ a gclúasuiḃ Ṗárao ag ráḋ,

⁵ Do ḃean máṫair mionna ḋíom ag ráḋ, Féuċ, atáim ag faġáil ḃáis: ann muaiġe do ṫoċuil mé ḋaṁ fein a ttír Ċánaain, ann sin aḋlócus tú mé. Annois íarruim daṫċuinge ort, léig ḋaṁ dul súas, agus máṫair daḋlacaḋ, agus tiocfa mé a rís.

⁶ Agus a duḃairt Ṗárao, Imṫiġ súas, agus aḋluic haṫair, mar do ṫug mionna ort.

⁷ ¶ Agus do ċuaiḋ Ióseṗ súas daḋlacaḋ a aṫar: agus do ċuadar serḃísiġ Ṗarao uile suas leis, seanóiriġ a ṫiġe, agus seanóiriġ ċríċe na Hegipte uile,

⁸ Agus tiġ Ióseṗ uile, agus a ḋearḃraiṫre, agus tiġ a aṫar: aċd aṁáin a miondaóine, agus a ttréada, agus a nealḃaḋa do ḟágḃadur a ḃfearann Gosen.

⁹ Agus do ċuáiḋ suas leis, carbuid fós agus marcṡluáġ: agus bá roṁór an ċuideaċda íad.

¹⁰ Agus tangadur gó hurlúr ḃuáilte Atad, noċ ata táoḃ ṫall do Iórdan agus ann sin do rinneadur cuṁa maille ré caóineaḋ aḋḃalṁor: agus do rínne dóḃrón ann sin ar a aṫar seaċd lá.

¹¹ Agus a nuáir do ċoncadur áitreaḃuiġ na háite, na Canaanítíġ, an ċuṁa a nurlár Atad, a duḃradur, Is doilġiosaċ an ċuṁaso ar na Hégiptiḃ; uime sin do ġoireaḋ Abel Misraim dainm ḋe, noċ atá táoḃ ṫall do Iordan.

¹² Agus do rinneadur a ċlann ṁac ris mar do aiṫin sé ḋíoḃ.

¹³ Oír do rugadur a ċlann leó é go tIr Ċánaain, agus do Ṁaċpeláh, noċ do ċeannuiġ Abraham, maille ris an maċaire mar ṡeilḃ ċum áite aḋluicṫe, ó Eṗron an Hititeaċ as coinne Ṁamre.

¹⁴ ¶ Agus do ḟill Ioseṗ do Négipt, é féin agus a ḋearḃraiṫre, agus a ndeaċuiḋ leis súas uile daḋlacaḋ a aṫar.

¹⁵ ¶ Agus a nuáir do ċoncadur dearḃraíṫre Ioseṗ go ḃfuáir a naṫair bas, a dúḃradur, Do bféidir go mbiaḋ fúaṫ ag Ioseṗ ḋúinne, agus go gcúiteoṁaḋ rinn gó deiṁin a ndearnamar dolc air.

¹⁶ Agus do ċuireadur teaċda a gcionn Ioseṗ, ḋa raḋ, Do aiṫin haṫair roiṁ a ḃás, dá ráḋ,

¹⁷ Marso a déarṫaói ré Ioseṗ, Guiḋim ṫú annois, maiṫ cionta do ḋearḃráiṫreaċ agus a bpeacaḋ: óir do rinneadur olc ort: agus a nois íarmuid daṫċuingé ort, maiṫ cionta ṡérbiseaċ Dé haṫar: Agus do ġuil Ioseṗ a nuáir do laḃradur ris.

¹⁸ Agus do ċuadur a ḋearḃraiṫre mar an gceadna, agus do luiġeadur síos a ḃfiagnuisi a aġaiḋe, agus a duḃradur, Feuċ, is sinne do ṡerḃísiġ.

¹⁹ Agus a duḃairt Ioseṗ ríu, Ná bíoḋ eagla oruiḃ: óir an ḃfuilimsí an áit Dé?

²⁰ Aċd ar ḃur sonsa do smuaineaḃair olc am aġaiḋsi; aċ do aígneiṫe Día ċum maiṫeasa é, dá ṫaḃairt a ccríċ mar atá a niuġ, do ċongṁáil móráin daóine beó.

²¹ Annois uime sin ná bioḋ eagla oruiḃ: oilfiḋ misi siḃ, agus ḃur náos óg; agus do ċoṁḟurtaiġ íad, agus do laḃair go cinealta ríu.

²² ¶ Agus do áitreiḃ Ióseṗ sa Négipt, é féin agus tiġ a aṫar: agus do ṁair Ióseṗ céad agus deiċ mbliaḋna.

²³ Agus do ċonnairc Ióseṗ clann Eṗraim don treas geínealaċ; clann Maċir mar an ccéadna mac Ṁanasseh. Do tógḃaḋ súas iad ar ġlúiniḃ Ióseṗ.

²⁴ ¶ Agus do ráiḋ Ióseṗ ré na ḋearḃráiṫriḃ, Atáimsi ag eug: agus fóirfe Día oruiḃsi go déiṁin, agus béura sé as an ttírsi siḃ, gus an ttír do ṁionnuiġ sé do Abraham, do Isaac, agus do Iacob.

²⁵ Agus tug Ióseṗ mionna ar ċloinn Israel, ag ráḋ, Féaċfuiḋ Día oriḃ go deiṁin, agus beurṫaói mo ċnáṁasa súas as so.

²⁶ ¶ Mar sin do éug Ióseṗ, ar mbeiṫ ḋó céad agus deiċ mbliaḋna daóis: agus do ḃalmuiġeadúr é, agus do cuireaḋ a ccoṁra sa Négipt é.