Genesis 38 - An Bíobla Naoṁṫa 1817 (Bedell)

Caibidil XXXVIII. Clann Iúdah. 7 Agus an droċḃéusa. 13 Inntleaċd Támar. 27 Agus a geineoil.

¹ Agus tárla sa namsin, go ndeaċuiḋ Iúdah síos ó na ḋearḃráiṫiḃ, agus gur ḟill a steaċ go Hadullamiteaċ, áiriġe dar ḃainm Híra.

² Agus do ċonnairc Iúdah annsin inġean Ċanaanitiġ áiriġe, dar ḃainm Suah, agus do gaḃ sé ċuige í, agus do ċioṁríaċduin sé ría.

³ Agus do torrċeaḋ í, agus rug sí mac; agus tug sé Er dainm air.

⁴ Agus do tiorrċeaḋ a rís í, agus rug si mac; agus tug Onan dainm air.

⁵ Agus do tiorrċeaḋ fós a rís í, agus rug sí mac; agus tug Sélah dainm air: agus do ḃí sé ann Ċesib a nuáir rug sí é.

⁶ Agus tug Iúdah bean do Er a ċédġin, dar bainm Támar.

⁷ Agus do ḃi Er, cédġin Iúdah, go holc a ḃfiaġnuisi an TIĠEARNA; agus do ṁarḃ an TIĠEARNA é.

⁸ Agus a duḃairt Iúdah ré Hónan, Bí ag mnáoi do ḋearḃráṫar, agus pós í, agus déuna slioċd dot ḋearḃráṫair.

⁹ Agus do ḃí a ḟios ag Onan naċ buḋ leis féin an slíoċd: agus tárla, a nuáir do ċuáiḋ sé do ċoṁriaċduin ré mnáoi a ḋearḃraṫar, gur ḋóirt sé ar án ttalaṁ, ionnus naċ dtiuḃraḋ sé slioċd dá ḋearḃráṫair.

¹⁰ Agus do ċuir an ní do rinne sé fearg ar an TIĠEARNA: uime sin do ṁarḃ sé Onan mar an ccéadna.

¹¹ Ann sin a duḃairt Iúdah ré Támar a ḃainċlíaṁuin, Fan ad ḃain treaḃuiġ a ttiġ haṫar no go ḟásuiġ mo ṁac Sélah; (óir a duḃairt sé, Deagla go ttigeaṁaḋ go ḃfuiġeaḋ seision bás fós mar fuáir a ḋearḃráiṫre) agus do imṫiġ Támar agus do rinne coṁnuiġe a ttíġ a haṫar.

¹² Agus a ccionn aimsire do eug inġean Suah bean Iúdah; agus do ġlac Iúda meisneaċ ċuige, agus do ċuáiḋ súas go Timnah mar a raiḃ luċd béarrṫa a ċáoraċ, é féin agus a ċara Hírah an Tadullamíteaċ.

¹³ Agus do hinnseaḋ do Ṫámar, dá ráḋ, Féuċ, téid haṫai rcleaṁna súas go Timnah do ḃearraḋ a ċáoraċ.

¹⁴ Agus do ċuir sisi a culuiḋ báintreaḃuiġ ḋi, agus do ḟoluiġ sí í fein le folaċ, agus do ḟill í féin, agus do ṡuíġ a náit ṡoḟaicsiana, laiṁ ris a tsliġe ag dul go Timnah; óir do ċonnairc gur ḟás Sélah, agus nar tugaḋ í féin na mnáoi ḋó.

¹⁵ A nuáir de ċonnairc Iúdah í, do ṡáoil gur méirdreaċ do ḃí ann, do ċionn gur ḟoluiġ sí a haġaiḋ.

¹⁶ Agus do ḟill sé uirre ar a tsliġe, agus a duḃairt, Guiḋim ṫú luáiṫiġ ort, leig ḋaṁ a ḃeiṫ agad; (óir ní raiḃ a ḟios aige gur ḃí bean a ṁic í.) Agus a duḃairt sisi, Créud do ḃéura tú ḋaṁ do ċionn a ḃeiṫ agam?

¹⁷ Agus a duḃairt seision, Cuirfe mé meannán ċugad ó na gaḃruiḃ: Agus a duḃairt sisi, An ḃfuigfe tú geall agum nó go ccuiriġ tú ċugam é?

¹⁸ Agus a duḃairt seision, Créud an ġeall do ḃéura mé ḋuit? agus a duḃairt sisi, Do ṡéula, do ḃráisléid, agus do ḃata, noċ atá ad láiṁ: agus tug sé íad sin di, agus do ḃí aice, agus do toirrċeaḋ leis í.

¹⁹ Agus do éiriġ sisi, agus do imṫiġ roimpe, agus do ċuir a folaċ ḋi, agus do ċuir a héudaċ baintreaḃuiġ uimpe.

²⁰ Agus do ċuir Iudah an meannán ċuice lé láiṁ a ċarad an Tadullamiteaċ, dfaġáil a ġill as láiṁ na mná: aċ ní ḃfuáir sé í.

²¹ Ann sin do ḟiafruiġ sé do ṁuinntir na háite sin, Cáit a ḃfuil an ṁeirdreaċ, do ḃí go hoscuilte ré táoḃ na sliġeaḋ? Agus a duḃradarsan, Ní raiḃ éinṁéirdreaċ sa náitsi.

²² Agus do ḟill seision go Iúdah, agus a duḃairt, Ní ḟaġuim í: agus mar an gcéadna a duḃradar muinntir na háite, ní raiḃ éinṁéirdreaċ sa náitsi.

²³ Agus a duḃairt Iudah, Bíoḋ aice deagla go ḃfuiġmís náire: féuċ do ċuir mé an meannánso uáim, agus ní ḃfuáir tú í.

²⁴ Agus táinic a steaċ na ccion ṫrí míosa na ḋiáiġ sin, gur hinniseaḋ do Iudah ag raḋ, Do rinne hinġean Támar meirdreaċus: agus feúċ fós atá sí torraċ o stríopaċus: agus a duḃairt Iudah, Tugṫar amaċ í, agus a loiscṫear í.

²⁵ A nuáir tugaḋ amaċ í, do ċuir sí fios ċum a haṫar cleaṁna dá ráḋ, On té léar leis íad so atáimsi torraċ: agus a duḃairt sisi, Guiḋim ṫú, méas cía lear leis íad so, an séula, agus na bráisléide agus an bata.

²⁶ Agus do aḋmuiġ Iúdah íad, agus a duḃairt, Dob ḟíréunta isi ná misi; do ċionn naċ dtug mé dom ṁac Sélah í, Agus níor ḃean ría a rís, ní is mó.

²⁷ Agus tárla a naimsir a tuismiḋ, féuċ go raḃadar días iona broinn.

²⁸ Agus tárla a naimsir a tuismiḋ, gur ċuir áon aca a láṁ amaċ, agus gur ġlac an ḃean ċuidiġe an láṁ, agus gur ċeanguil snáiṫe sgárláoide fan láiṁ, dá ráḋ, Sé so ṫáinic amaċ ar ttús.

²⁹ Agus tárla nuáir rug sé a láṁ ar a hais: féuċ ṫáinig a ḋearḃraṫair amaċ: agus a duḃairt sisi, Cionnus do ḃris tusa amaċ? bíoḋ an briseaḋ so ort féin: uime sin tugaḋ Ṗáres dainm air.

³⁰ Agus na ḋiáiġ sin ṫáinic amaċ a ḋearḃraṫair ar a raiḃ an snáiṫe scárláoide ar a láiṁ, agus tugaḋ Zárah dainm air.