Genesis 34 - An Bíobla Naoṁṫa 1817 (Bedell)

Caibidil XXXIV. Dó Truailliġeaḋ Dínah. 13 Caiṫfid mic Iácob le ceilg súd do ḋíoġlaḋ ar aitreoiriḋ Ṡéċem.

¹ Agus do ċuáiḋ Dinah inġean Léah, noċ rug sí do Iácob, amaċ dféaċuin inġeana na tíre.

² Agus a nuáir do ċonnairc Seċem ṁac Hámor an Hiḃiteaċ, prionnsa na críċe í, do rug sé uirre, agus do luiġ sé lé, agus do ṫruáilliġ sé í.

³ Agus do ḃí a anam ceangailte do Ḋínah inġean Iácob, agus do gráḋuiġ sé í, agus do laḃair go cinealta ris an gcailín.

⁴ Agus do laḃair Seċem ré na aṫair Hámor, ag ráḋ, Faġ ḋaṁsa an cailínsi na mnaói.

⁵ Agus do ċualuiḋ Iácob gur ṫruailliġ sé a inġean Dínah: a nois do ḃádur a ċlann san ṁaċaire ag a nairnéis: agus do ṫoċd Iácob nó go ttáinic síad.

⁶ Agus do ċúáiḋ Hámor aṫair Ṡeċem amaċ do ċoṁráḋ ré Iácob.

⁷ Agus tangadur mic Iácob ón ṁaċ amuiġ a nuáir do ċualadur sin: agus do ġlac doilġios íad, agus do ḃádur na fir ro ḟeargaċ, fa go ndéarna sé leiṁe a naġaiḋ Israel tré luiġe lé hinġin Iácob; ní nar ḋliġṫeaċ do ḋeanaṁ.

⁸ Agus do rinne Hámor coṁráḋ ríu, agus a duḃairt, Atá anam mo ṁic Seċem lán dfonn hinġine: aṫċuinġim ort a taḃairt dó na mnaói.

⁹ Agus déanuiḋsi cleaṁnuis rinne, agus tugaiḋ ḃur ninġeana ḋúinn, agus glacuiḋ ar ninġeana ċuguiḃ.

¹⁰ Agus áiteoċṫáoi nar ḃfoċair: agus biáiḋ an talaṁ ar ḃar gcuinne: coṁnuiġiḋ agus malairtiġiḋ ann, agus faġaiḋ sealḃa ḋíḃ féin ann.

¹¹ Agus a duḃairt Seċem ré na haṫair agus ré na dearḃráiṫriḃ, Faġuim grása an ḃur raḋarc, agus giḋ bé ní déarṫáoi riom do ḃéar uáim é.

¹² Ni ḃfuil dá ṁéid croḋ nó tioḋlaiceaḋ íarrfuiḋe oram, naċ ttiuḃra me uáim do réir mar a déarṫaoi riom: aċ go ttugṫaoi an cailín daṁ na mnaói.

¹³ Agus do ḟréagradur mic Iácob Seċem agus a aṫair Hámor go cealgaċ, ag raḋ, Do ċionn gur ṫrúailliġ sé a ndeirḃṡiur Dínah:

¹⁴ Agus a duḃradur ríu, Ní ḟéadmáoidne an ní si a ḋéanaṁ, ar nderḃṡíur do ṫaḃairt do neaċ naċ ḃfuil timċillġéarrṫa; óir do buḋ masla ḋúinn sin.

¹⁵ Aċ áontoċam ḋiḃ mar so: má ḃiṫísi mar a támáoidne, gaċ énḟirionaċ aguiḃ do ḃeiṫ timċillġéarrṫa;

¹⁶ Ann sin do ḃéuram ar ninġeana ḋáoiḃ, agus géuḃam ḃur ninġeana ċuguinn, agus coiṁneoċam maille riḃ, agus bíam ar néunṗobal.

¹⁷ Aċ muna éistí rinn fa ḃeiṫ timċillġeárṫa; ann sin béuram ar ninġean linn, agus imeoċam roṁuinn.

¹⁸ Agus do ṫaitin a mbríaṫra le Hámor agus le Seċem, mac Hámor.

¹⁹ Agus níor ċuir an tóganaċ maill san ní do ḋéunaṁ, do ċionn go raiḃ dúil aige a ninġin Iácob; agus do buḋ ro onóruiġe é ná tiġ aṫar uile:

²⁰ Agus táinic Hámor agus Seċem a ṁac go geata a ccaiṫreaċ, agus do laḃradar re muinntir na caiṫreaċ, ag ráḋ,

²¹ Atáid na dáoinesi síoṫċánta rinn; uimesin áitriġidís an talaṁ, agus déindís malairt ann; óir féaċuiḋ, atá an fearann fairsiong go lór ḋóiḃ; glacam a ninġeana na mnáiḃ ċuguinn, agus tugam ar ninġeana na mnaiḃ ḋóiḃsion.

²² Aċ aṁaín gurob mar so áontoċuid na daoine linn, coṁnuiġe do ḋéanaṁ ar ḃfoċair go mbemís ar néanṗobal; gaċ áon ḟirionnaċ aguinn do ḃeiṫ timċillġéarrṫa, mar a táidsion timċillġéarrṫá.

²³ Naċ buḋ linne a náirneís, a máoin, agus gaċ ainṁiḋe da mbí aca? aċd aṁáin tigiom léo, agus áitreoċuid aguinn.

²⁴ Agus do áontuiġ a ndeaċuiġ amaċ as geata a gcaiṫreaċ lé Hámor, agus lé Seċem: agus do tímċillġearraḋ gaċ éinḟear, an ṁéid do ċuáiḋ amáċ as geata a gcaiṫreaċ.

²⁵ Agus tárla an treas lá a núair do ḃádur neiṁneaċ, gur ġlacadar días ṁac Iacob, Simeon agus Léḃi dearḃráiṫre Ḋínah, gaċ áon aca a ċloiḋeaṁ, agus tangadar ar an gcaṫruiġ go dána, agus do ṁarḃadur na fir uile.

²⁶ Agus do ṁarḃadur Hámor, agus Seċem a ṁac le fáoḃar an ċloiḋiṁ, agus tugadar Dínah as tiġ Ṡeċem, agus do ċúadur a maċ.

²⁷ Tangadur clann Jácob ar a nár, agus do ċreaċadar an ċaṫair, do ċionn gur ṫruáilliġeadur a ndeirḃṡíur.

²⁸ Do ṫógḃadur a gcaóiriġ, agus a ndaiṁ, agus a nassail, agus an ṁéid do ḃí sa ccaṫruiġ, agus an ṁéid do ḃí ar an maċaire léo,

²⁹ Agus a saiḋḃrios uile agus a nóga uile, agus a mná rugadar léo a láiṁ, agus do airgeadur go léir a raiḃ annsa tiġ.

³⁰ Agus a duḃairt Iácob ré Símeon, agus ré Léḃi, Do ċuireaḃair buáiḋreaḋ orum, mo ḋéanaṁ bréun a measg aitreaḃaḋ na tíre, a measg na Ccanaaniteaċ, agus a measc na Bperisiteaċ: agus gan mé aċ beagán a nuiṁir, cruinneoċuid íad féin uile am aġuiḋ, agus muirfid mé; agus sgriosfuiġer mé féin agus mo ṫiġ.

³¹ Agus a duḃradur san, Nar ċóir ḋósan a ḋéanaṁ ré ar ndeirḃṡiairne mar do ḋéanaḋ sé ré meirdriġ?