Genesis 22 - An Bíobla Naoṁṫa 1817 (Bedell)

Caibidil XXII. Orduġaḋ a dtimċeall Isaac a Ioḋbraḋ. 3 Uṁlaċd Abraham. 13 Saoraḋ Isaac.

¹ Agus tárla a ndíaiġ na neiṫeannso gur ṫeasduiġ Día Abraham, agus go nduḃairt ris, A Abrahaim: agus a duḃairt seision, Féuċ, mé annso.

² Agus a duḃairt seision, Glac annois do ṁac háonṁac aṁáin, Isaac, ar a ḃfuil gráḋ agad, agus eiriġ go criċ Ṁóriah; agus Ioḋbuir ann sin é mar offráil loisge air áon do na sléiḃtiḃ inneósus misi ḋuit.

³ Agus do éiriġ Abraham go moċ ar maidin, agus do uġmuiḋ a asal, agus rug días dá óganaċuiḃ leís, agus a ṁac Isaac, agus do scoilt an connaḋ don offráil loisge, agus do éiriġ súas, agus do ċuáiḋ gus a náit a duḃairt Día ris.

⁴ An sin ar an treas lá do ṫóg Abraham a ṡuile súas, agus do ċonnairc a náit a ḃfad uaḋ.

⁵ Agus a duḃairt Abraham ré na óganaċuiḃ, Fanuiḋsi annso a ḃfoċair a násail; agus raċaiḋ misí agus an leanaṁ ann sud agus do ḋéanam aḋraḋ, agus tiucfam ċuguiḃ a rís.

⁶ Agus do ġlac Abraham connaḋ na hoffrála loisge, agus do ċuir é ar muin a ṁic Isaac; agus do ġlac an teine na láiṁ, agus sgian; agus do ċúadur aráon le ċéile.

⁷ Agus do laḃair Isaac re na aṫair Abraham, agus a duḃairt, A aṫair: agus a duḃairt seision, Ag so mé, a ṁic. Agus a duḃairt seision, Féuċ ag so an teine agus an connaḋ: aċ cáit a ḃfuil an túan ċum na hofrála loisge?

⁸ Agus a duḃairt Abraham, A ṁic, do ġeaḃa Día úan dó féin ċum offrála loisge: do ċúadur mar sin aráon lé ċéile.

⁹ Agus tangadar gus a náit do innis Día ḋósan; agus do rinne Abraham altóir ann sin, agus do ċuir an connaḋ go deas, agus do ċeangail a ṁac Isaac, agus do leag ar a naltóir é ar úaċdar an ċonnuiġ.

¹⁰ Agus do ṡín Abraham a láṁ amaċ, agus do ġlac an sgían do ṁarḃaḋ a ṁic.

¹¹ Agus do ġoir aingeal an TIĠEARNA air ó neaṁ, agus a duḃairt, A Abrahaim, A Abrahaim: agus a duḃairt seision, Ag so mé.

¹² Agus a duḃairt sé, Ná beanaḋ do láṁ ris an leanaṁ, agus ná déun éinní ris: óir aiṫniġim a nóis go ḃfuil eagla Dé órt, ó nár ċonnuiṁ tú do ṁac, háonṁac aṁáin uáim.

¹³ Agus do ṫóg Abraham a ṡúile súas, agus daṁairc sé, agus féuċ, do ḃí táoḃ ṡíar ḋe reiṫe ceanguilte lé na aḋarcuiḃ ann a ttor: agus do ċuáiḋ Abraham agus do ġlac an reiṫe, agus do íoḋbuir é mar offrail loisge a náit a ṁic.

¹⁴ Agus do ġoir Abraham dainm do náitsin Iehoḃah-Iireh: mar a dearṫar gus a niuġ, a sliaḃ an TIĠEARNA do ċífiḋear é.

¹⁵ Agus do ġoir aingeal an TIĠEARNA ar Abraham an dara huair ó neaṁ,

¹⁶ Agus a duḃairt, Do ṁionnuiġ mé oram féin, arsa an TIĠEARNA, do ċionn go ndearna tú an ní si, agus nar ċoigil tú do ṁac, háonṁac aṁáin:

¹⁷ A mbeannuġaḋ go mbeannoċad ṫú, agus a méoduġaḋ go méideoċuiḋ mé do ṡíol aṁuil reulta niṁe, agus mar an ngaineaṁ ar ṫráiġ na fairge; agus sealḃoċuid do ṡíol geataiḋe a náṁad.

¹⁸ Agus ann do ṡiolsa ḃeid a nuile ċineaḋ ar talaṁ beannuiġe; do ċionn gur uṁluiġ tú dom ġlór.

¹⁹ Mar sin do ḟill Abraham a ccionn a ógánaċ, agus do éirġeadur suas agus do ċúadar an néinḟeaċd go Beerséba; agus do ċoṁnuiḋ Abraham am Beerséba.

²⁰ Agus tárla tar éis na neiṫeannso, gur hinniseaḋ Dabraham, ag ráḋ, Feuċ Milcah mur rug sí mar an gcéudna clann dod ḋearḃraṫair Nahor;

²¹ Hus a ċeidġin, agus Bus a ḋearḃraṫair, agus Cemuel aṫair Aram,

²² Agus Ċesed, agus Haso, agus Pildas, agus Iidlaṗ, agus Betuel.

²³ Agus do ġein Betuel Rebecah, an toċdar so rug Milcah do Nahor dearḃraṫair Abraham.

²⁴ Agus a leannán, dá ngoirṫi Reumah, rug si mar an ccéudna Tébah, agus Gaham, agus Tahas, agus Maccah.