Genesis 21 - An Bíobla Naoṁṫa 1817 (Bedell)

Caibidil XXI. Geineaḋ Isaac ó Ṡarah. 4 A ṫimċillġearraḋ. 9 Teiṫeaṁ Hagar agús Ismael.

¹ Agus táinig an TIĠEARNA dféuċuin Ṡárah mar a duḃairt sé, agus do rinne an TIĠEARNA do Ṡárah mar da laḃair sé.

² Oír do ṫoirrċeaḋ Sárah, agus rug mac do Abraham na áois ḟoirfe, ann sa nam ċinnte dar laḃair Día ris.

³ Agus tug Abraham Isaac dainim air an mac rugaḋ ḋó, noċ rug Sárah ḋó.

⁴ Agus do ṫimċillġearr Abraham a ṁac Isaac ar mbeiṫ oċd lá dáois, fá mar daiṫin Día ḋe.

⁵ Agus do ḃí Abraham céud blíaġan dáois, a nuáir do rugaḋ a ṁac Isaac ḋó.

⁶ Agus a duḃairt Sárah, Ṫug Día orum gáire ḋéunaṁ, ionnus gaċ a ccluinn, go ndéunuid gaíre liom.

⁷ Agus a duḃairt si, Cía déuraḋ ré Habraham, go ttiuḃraḋ Sárah cíoċ do ċloinn? óir rug mé mac ḋó na áois ḟoirfe.

⁸ Agus do ḟás an leanaṁ, agus do hoileaḋ é: agus do rinne Abraham féusda mór an la céudna ar coisgeaḋ Isaac ó ċíċ.

⁹ Agus do ċonairc Sárah mac Hágar an Tégipteaċ, noċ do rug sí Dabraham, ag magaḋ.

¹⁰ Uime sin a duḃairt sí ré Hábraham, Teilg amaċ an ḃean ḋaorsa agus a mac: óir ní ḃiaiġ mac na mná dáoire sí na oiġre maille ré mo ṁacsa, eaḋon re Isaac.

¹¹ Agus do ḃí an ní roḋoiliġ a súiliḃ Abraham ar son a ṁic.

¹² Agus a duḃairt Día ré Hábraham, Ná bíoḋ sé na ḋoilġeas agad ar son a nogánuiġ, agus ar son do ṁná dáoire; sa nuile ní dá nduḃairt Sárah riot éisd ré na glór; óir is an Isaac goirfíḋear do ṡlioċd.

¹³ Agus mar an gceudna do ṁac na mná dáoire do ḋéuna misi cineaḋ, do ḃríġ gurab é do ṡíolsa é.

¹⁴ Agus do éiriġ Abraham súas go moċ ar maidin, agus do ġlac arán, agus buidél uisge, agus tug sin do Hágar, agus do ċuir ar a gualuinn é, agus an leanaṁ, agus do ċuir ar siuḃal í: agus do imṫiġ sí, agus do ḃi ar fud ḟásuiġ Ḃeerséba.

¹⁵ Agus do caiṫeaḋ an tuisge do ḃí san mbuidél, agus do ṫeilg si an leanaṁ fá áon do na toruiḃ.

¹⁶ Agus do imṫiġ, agus do ṡuiġ sios as a ċoinne, tamal maiṫ uaḋ, fa ṫuairim urċuir ṡoiġde: óir a duḃairt sí, Ná faicim bás an leiniṁ. Agus do ṡuiġ sí as a ċoinne anunn, agus ar ttógḃail a goṫa go hárd, do ġuil sí.

¹⁷ Agus do ċúaluiḋ Día guṫ an leiniṁ, agus do ġoir aingeal Dé ar Hágar ó neaṁ, agus a duḃairt ría, Créd ġoilleas ort a Hágar? ná bíoḋ eagla ort; óir do ċúaluiḋ Día guṫ an leiniṁ mar a ḃfuil sé.

¹⁸ Eiriġ, tóg suas an leanaṁ, agus connaiṁ ann do láiṁ é; oir do ḋéuna misi cineaḋ mór ḋe.

¹⁹ Agus do oscuil Día a súile, agus do ċonnairc sí tobar uisge; agus do imṫiġ, agus do líon an buidél do nuisge, agus tug deoċ don leanaṁ.

²⁰ Agus do ḃí Día leis an leanaṁ; agus do ḟás sé, agus do ċoṁnuiġ san ḃfásaċ, agus do ḃí na boġadóir.

²¹ Agus do ċoṁnuiġ a ḃfásaċ Ṗaráin: agus tug a ṁaṫair bean ċuige ó ċríċ na Héigipte.

²² Agus tárla fa namsin, gur laḃradar Abimeleċ agus Ṗiċol príoṁċaiptín a ṡlúaġ ré Hábraham, ag raḋ, Ata Día leaċtsa sa nuile ní dá ndéun tú.

²³ Annois ar a naḋḃarsin taḃair ḋamsa Día do ṁionnuiḃ naċ déuna tú bréag riom, ná ré mo ṁac, no ré mac mo ṁic: aċ do réir an ċinéil do rinne misi ort, go ndéuna tusa ḋaṁsa, agus don duṫaiḋ ann ar ḟan tú.

²⁴ Agus a duḃairt Abraham, Do ḃéura mé mo ṁionna.

²⁵ Agus tug Abraham aċṁusan Dabimileċ fá ṫobar uisge, do ḃean muinntir Abimileċ amaċ ar éigin.

²⁶ Agus a duḃairt Abimeleċ, Ní ḟeidir misi cía rinne an ní si: níor innis tusa ḋaṁ, agus ní mó do ċúala mé é, aċd a niuġ.

²⁷ Agus do ġlac Abraham cáoiriġ, agus daiṁ, agus tug Dabimeleċ íad; agus do rinneadar aráon ceangal.

²⁸ Agus do ċuir Abraham seaċd nuain ḃoinonna don tréd ar leiṫ leó féin.

²⁹ Agus a duḃairt Abimeleċ ré Habraham, Créud as cíall do na seaċd nuanuiḃ bainonnaso do ċuir tú ar leiṫ?

³⁰ Agus a duḃairt seision, Oir na seaċd nuain ḃainonnso géoḃuiḋ tusa as mo láiṁse, ionnus go mbeid na ḃfiaḋnuisi agum, gur ṫoċuil mé an tobarso.

³¹ Uime sin do ġoir sé do nait sin Beerseba; do ċionn gurab ann tugadar aráon mionna.

³² Mar so do rinneadar cunnraḋ a Mbeerséba; ann sin do éiriġ Abimeleċ suas, agus Ṗiċol príoṁċaiptin a ṡlúaġ, agus do ḟilleadar go críċ na Ḃṗílistineaċ.

³³ Agus do ċuir Abraham fás ċrann a Mbeerséba, agus do ġoir ann sin ar anim an TIĠEARNA, an Día bioṫḃúan.

³⁴ Agus do ḟan Abraham a ccríċ na Ḃṗilistineaċ morán do laéṫiḃ.