Genesis 17 - An Bíobla Naoṁṫa 1817 (Bedell)

Caibidil XVII. Ar claoċloḋ ainme Abram agus Ṡarai. 9 Orduiġṫear an Tímċillġearraḋ, agus 16 geallfar mac dAbraham tríd Ṡarah.

¹ Agus a nuáir do ḃí Abram nóċad agus náoi mbliaḋna dáois, do ṫaisbéin an TIĠEARNA é féin do Abram, agus a duḃairt ris, Is misi an Día uile ċuṁaċdaċ; siuḃuil am ḟiadnuise agus bí diongṁalta.

² Agus do ḋéuna mé mo ċunnraḋ eadrum agus tú, agus méideoċuiḋ mé ṫú go hanṁór.

³ Agus do ṫuit Abram ar aġúiḋ: agus do ċoṁráiḋ Día ris, dá ráḋ,

⁴ Ar mo ṡonsa, féuċ, atá mo ċunnraḋ riot, agus biáiḋ tú a taṫair ṁóráin ciniḋeaċ.

⁵ Agus ní Hábram ḃus ainm ort ó so amaċ, aċ buḋ é hainm Abraham; óir ad taṫair ṁoráin do ċiniḋeaċuiḃ do rinne mé ṫú.

⁶ Agus do ḋéuna mé ro ṫórṫaċ ṫú, agus do ḋéuna mé ciniḋeaċa ḋíot, agus tiocfaid ríġṫe asad amaċ.

⁷ Agus daingneoċuiḋ mé mo ċunnraḋ eadrum féin agus tú agus eadrum féin agus do ṡíol ad ḋiaiġ ann a ngeinealaċuiḃsin mar ċunnrad siorruiḋe, do ḃeiṫ am Ḋía ḋuitse, agus dot ṡíol ad ḋiáiġ.

⁸ Agus do ḃéura mé ḋuitsi, agus dot ṡíol ad ḋiáiġ an fearann ann a ḃfuil tu ar cuairt, tir Ċanaáin, uile, mar ṡeilḃ ṡíorruiḋe; agus biaiḋ mé mar Ḋía aca.

⁹ A duḃairt Día ré Hábraham, Coiṁéudfuiḋ tú mo ċunnraḋ ar a naḋḃarsin, ṫú féin, agus do ṡíol ad ḋiáiġ ann a ngeinealaċuiḃ.

¹⁰ A sé so mo ċunnraḋ, noċ ċoṁallfuiḋiġ eadrumsa agus siḃse, agus do ṡíol ad ḋiaiġ; Gaċ uile ġein ṁic ḃur measg biaiḋ sé timċillġéarrṫa.

¹¹ Agus timċillgearrfaid feóil ḃur réuṁċroicinn; agus biaiḋ sin mar ċoṁarṫa an ċunnarṫa eadrumsa agus siḃse.

¹² Agus an mac ḃías oċd la dáois eadruiḃ timċiollġearrfar é, gaċ uile ġein ṁic ann ḃur ngeinealaċuiḃ, an té ḃéarṫar annsa tiġ, no ċeannoċar ar airgead ó ċoiṁiṫiġeaċ ar biṫ, naċ bfuil dot ṡíolsa.

¹³ An té rugaḋ ann do ṫiġ, agus an té ceannċaḋ ar hairgead, is éigin a mbeiṫ timċillġearrṫa: agus biáiḋ mo ċunnraḋ ann ḃur ḃfeóil mar ċunraḋ síorruiḋe.

¹⁴ Agus an lenaṁ mic gan timċillġearraḋ gá mbía feóil a réuṁċroicinn gan timċillġearraḋ, gearrfuiḋear an tanam sin amaċ ón a ṗobal: do ḃris sé mo ċunnraḋ.

¹⁵ Agus a duḃairt Día ré Hábraham, Ar son Ṡárai do ṁná ní ġoirfe tú Sárai ḋí, aċ Sárah ḃías dainm uirre.

¹⁶ Agus beanneoċuiḋ misi í, agus do ḃéura mé mac ḋuitsi uaiṫe: fós beanneoċuiḋ mé í, agus biáiḋ sí na maṫair ċineaḋaċ; tiucfuiḋ riġṫe cineaḋaċ uaiṫe.

¹⁷ An sin do ṫuit Abraham ar aġuiḋ; agus do rinne gáire, agus a duḃairt ann a ċroiḋe, An mbéurṫar mac don ti atá a ccionn a ċéud blíaḋan dáois agus Sárah atá nóċad blíaġan dáois, an mḃéura sí?

¹⁸ Agus a duḃairt Abraham ré Día, Do bfearr líom go maireaḋ Ismael ad ḟiaḋnuisi!

¹⁹ Agus a duḃairt Dia, Béuruiḋ do ḃean Sárah mac dá ríriḃ ḋuit; agus ġoirfe tú Isaac dainm ḋe, agus daingneoċaiḋ misi mo ċunnraḋ ris na ċunnraḋ ṡíorruiḋe, agus ré na ṡíol na ḋiáiġ.

²⁰ Agus ar son Ismael, do ċúala mé ṫú: Féuċ, do ḃeannuiġ mé é, agus do ḋéuna mé síolṁar é, agus oirlíonfad go hiomarcaċ é; ḋá ṗrionnsa ḋéug ġeinfeas sé, agus do ḋéuna mé cineaḋ mór ḋe.

²¹ Aċ mo ċunnraḋ daingneoċuiḋ mé ré Hísaac noċ ḃéuras Sárah ḋuitsi annsa nuáir ċinntesi, annsa ḃliaḋuinsi ċúguinn.

²² Agus do scuir do ḃeiṫ ag caint ris, agus do ċuáiḋ Día súas ó Abraham.

²³ Agus do ġlac Abraham a ṁac Ismael, agus gaċ a rugaḋ ann a ṫiġ, agus gaċ ar ceannċaḋ ar a ċuid airgid, gaċ uile ḟirionnaċ a measg ḋáoine ṫiġe Abraham; agus do ṫimċillġearr feóil a réuṁċroicinn annsa ló sin féin, mar a duḃairt Día ris.

²⁴ Agus do ḃí Abraham nóċad agus náoi mbliaḋna dáois a nuáir do timċillġearraḋ é a ḃfeóil a réuṁċroicinn.

²⁵ Agus do ḃí Ismael a ṁac tri bliaḋna déug dáois, a nuair do timċillġearraḋ é a ḃfeóil a réuṁċroicinn.

²⁶ Ann sa ló ċéudna do timċillġearraḋ Abraham agus a ṁac Ismael.

²⁷ Agus a nuile ḟear ann a ṫiġ, rugaḋ sa tiġ, agus do ċeannċaḋ ar airgead ón ċoiṁiġṫeaċ, do timċillġearraḋ iad maille ris.