Genesis 15 - An Bíobla Naoṁṫa 1817 (Bedell)

Caibidil XV. Rinn Día cunnraḋ re Habram, ag daingniuġaḋ a ġallaṁna ḋó, adtimċiol a Ṡlioċd do ḃeiṫ lionṁur.

¹ Andiaiġ na neiṫeannso táinig briaṫar an TIĠEARNA ċum Abram a dtaisbeanaḋ, ag ráḋ, Ná himeagluiḋ a Abram: is misi do scíaṫ, agus do luáiḋeaċd roṁór.

² Agus a duḃairt Abram, A TIĠEARNA Día, cread do ḃéura tú ḋaṁ, ó táim ag imṫeaċd gan ċloinn, agus gurob é ann Telieser so ó Ḋamascus feamanaċ mo ṫiġe?

³ Agus a duḃairt Abram, Féuċ, ní ṫug tú síol ar biṫ ḋaṁ; agus féuċ, áon rugaḋ ann mo ṫiġ, asé is oiġre oram.

⁴ Agus, féuċ, táinig bríaṫar an TIĠEARNA ċúige, dá ráḋ, Ní hé so ḃus oiġre ort; aċd an té ṫiocfus amaċ as tinniḃ féin ḃus oíġre ort.

⁵ Agus tug leis amaċ é, agus a duḃairt, Féuċ annois air neaṁ, áiriṁ na réulta, más éidir leaċd a náireaṁ: agus a duḃairt sé ris; as marso ḃías do ṡíol.

⁶ Agus do ċreid seision ann sa TIĠEARNA; agus do ṁeas sé sin dó na ḟiréuntaċd.

⁷ Agus a duḃairt sé ris, As misi an TIĠEARNA tug amaċ ṫú as Urna gealdéanaċ, do ṫaḃairt na tírese ḋuit, ċum a beiṫ na hoiġreaċd agad.

⁸ Agus a duḃairt sesion, A Ṫiġearna Dia, cionnus ḃías a ḟios agam go maḋ oiġreaċd ḋaṁ í?

⁹ Agus a duḃairt ris, Glac ḋaṁsa colpaċ ṫrí mblíaḋan daóis, agus gaḃar baineann ṫri mblíaḋan dáois, agus reiṫe ṫrí mbliaḋan dáois, agus turtair agus colum óg.

¹⁰ Agus do ġlac sé iadso uile ċuige, agus do rann se ann a lár iád, agus do ċuir gaċ áon ṗíosa as coinne a ċéile: aċ nior roinn sé na héin.

¹¹ Agus a nuáir tangadar a nénlaiṫe a nṡúas ar na conablaċoiḃ, do ḋíbir Abram íad.

¹² Agus a nuáir do ḃí an ġrian ag dul faoi, do ṫuit codlaḋ trom ar Abram, agus, féuċ, do ṫuit úaṫḃás dorċaduis ṁóir air.

¹³ Agus a duḃairt ré Abram, Bíoḋ a ḟios agad go dearḃṫa go mbiáiḋ do ṡiol na coiṁiġṫeaċa a ndúṫaiġ naċ léo féin, agus do ḋéanuid seirḃis dóiḃ; agus go mbéid a ndáoirse aca ceiṫre ċead blíaġan;

¹⁴ Agus mar an gceadna an cineaḋsin, dá ndéanuid serḃís, béuradsa breaṫ orra: agus na ḋiáiġ sin tiocfaid amaċ maille re máoin ṁóir.

¹⁵ Agus raċuiḋ tusa ċum haiṫreaċ a síoṫċain; agus aḋlocṫar ṫú a naóis ḟoirfe ṁaiṫ.

¹⁶ Aċ san ċeaṫraṁaḋ geinealaċ tiocfaid siad annso a rís; óir ní ḃfuil éigceart na Namoriteaċ iomlán fós.

¹⁷ Agus tárla, a nuáir do ċuáiḋ an ġrían fáoi, agus go raiḃ dorċa, féuċ fuirnis ḋeatċa, agus tóirsile ṫeiniḋ, noċ do imṫiġ ṫríd na codċuiḃ sin.

¹⁸ Annsa ló ċeudna sin do rinne an TIĠEARNA cuimraḋ ré Abram, ḋá ráḋ; Dot ṡíolsa ṫug mé an tírsi, ó aḃuinn na Héigipte go nuige an sruṫ mór, sruṫ Euṗrátes:

¹⁹ Na Cinetiġ, agus na Cineisitiġ, agus na Cadmonitíġ.

²⁰ Agus na Hititiġ, agus na Perisitiġ, agus na Reṗamitiġ.

²¹ Agus na Hamoritiġ, agus na Canaanitiġ, agus na Girgasitiġ, agus na Iebusitiġ.