Genesis 11 - An Bíobla Naoṁṫa 1817 (Bedell)

Caibidil XI. Tor Ḃabel. 5 Aṁluaḋ na Tteangṫa. 10 Geinealuiġ Ṡem.

¹ Agus do ḃí an doṁan uile ar éinteanguiḋ aṁáin, agus ar éanċoṁraḋ.

² Agus tarla, ar naistríuġaḋ ḋoiḃ ó naird ṡoir, go ḃfúaradar coṁard a ttír Ṡínáir; agus gur ċoṁnuiġeadar ann sin.

³ Agus a duḃradar gaċ áon ré ċéile, Gluáisiḋ, déunam bríciḋ, agus loisciom go hiomlan iad. Agus is bríce do ḃí aca mar ċloiċ, agus pic ṫalṁuiġe mar ṁoirtéar.

⁴ Agus a duḃradar, Gluáisiḋ, déunam caṫair ḋuinn féin, agus tor a roiṫeaċuiḋ a ḃárr go neaṁ; agus déunam ainm ḋuinn féin, deagla go spréiġfiġ sinn ar feaḋ na talṁan go huiliḋe.

⁵ Agus táinic an TIĠEARNA a nṡúas dfeaċuin na caiṫreaċ, agus an tuir do rinneadar clann na ndáoine.

⁶ Agus a duḃairt an TIĠEARNA, Féuċ, is áon an pobal uile, agus is éinteanga atá aca uile; agus do ṫosuiġeadar so do ḋéunaṁ: agus a nóis ni coinneóċar éinni úaṫa, dar ṡáoileadar a ḋéunaṁ.

⁷ Ag súd ċuguinn, déunnimne síos, agus buaiḋrim a teangaḋ, ionnus naċ dtúigfid siad glór a ċéile.

⁸ Mar sin do sgáoil an TIĠEARNA ó ċéile íad as sin ar feaḋ na talṁan uile; agus do sguireadar an caṫair do ṫógḃáil.

⁹ Is uime sin goirṫear Bábel dainm ḋi; do ċionn gur ḃuaiḋir an TIĠEARNA annsin teanga an doṁuín uile: agus do spréiġ an TIĠEARNA as sin íad ar feaḋ na talṁan uile.

¹⁰ Ag so geinealaċ Ṡém: do ḃi Sem céud bliaḋain dáois, agus do ġein Arṗaxad ḋá ḃliaġain a ndiaiġ na dileann:

¹¹ Agus do ṁair Sem tar éis Arṗaxad go ġeineaṁuin cúig céud bliaġan, agus do ġein mic agus inġeana.

¹² Agus do ṁair Arṗaxad cúig ḃliaġna déug ar ḟiċid, agus do ġein Salah:

¹³ Agus do ṁair Arṗaxad tar éis Salah do ġeineaṁuin ceiṫre ċéad agus trí bliaġna, agus do ġein mic agus inġeana.

¹⁴ Agus do ṁair Salah tríoċad ḃíaġan, agus do ġein Eber:

¹⁵ Agus do ṁair Salah tar éis Eber do ġeineaṁuin ceiṫre ċéad agus trí bliaġna, agus do ġein mic agus inġeana.

¹⁶ Agus do ṁair Eber ceiṫre bliaġna agus trioċad, agus do ġein Péleg:

¹⁷ Agus ṁair Eber tar éis Péleg do ġeineaṁuin ceiṫre ċéud bliaġan agus tríoċad, agus do ġein mic agus inġeana.

¹⁸ Agus do ṁair Péleg tríoċad blíaġan, agus do ġein Réu:

¹⁹ Agus do ṁair Péleg tar éis Réu do ġeineaṁuin ḋa ċéad agus náoí mbliaġna, agus do ġein mic agus inġeana.

²⁰ Agus do ṁair Réu tríoċad agus dá ḃliaġain, agus do ġein Serug:

²¹ Agus do ṁair Réu tar éis Sárug do ġeineaṁuin ḋa ċéud agus seaċd mbliaġna, agus do ġein mic agus inġeana.

²² Agus do ṁair Serug tríoċad bliaġan, agus do ġein Nahor:

²³ Agus do ṁair Serug tar éis Nahor do ġeineaṁuin ḋa ċéud blíaġan agus do ġein mic agus inġeana.

²⁴ Agus do ṁair Nahor naoí mbliaġna fiċiod, agus do ġein Térah:

²⁵ Agus do ṁair Nahor tar éis Térah do ġeineaṁuin ceud agus naoí mblíaġna déug, agus do ġein mic agus inġeana.

²⁶ Agus do ṁair Térah seaċdṁoḋad blíaġan, agus do ġein Abram, Nahor, agus Háran.

²⁷ Anois a síad so geinealuiġ Ṫérah: do ġein Térah Abram, Nahor, agus Háran; agus do ġein Háran Lot.

²⁸ Agus do éug Háran roiṁe a aṫair, Terah ann a ṫír ḋúṫaiġ féin ann Ur na Gcaldéanaċ.

²⁹ Agus tug Abram agus Nahor mná ċucṫa: ainm ṁná Abram Sárai; agus ainm ṁná Nahor Milcah, inġin Háran aṫair Ṁilcah, agus aṫair Iscah.

³⁰ Aċ do ḃí Sarai aimrid; ni raiḃ clann ar biṫ aice.

³¹ Agus do ġlac Térah Abram a ṁac, agus Lot mac Hárain mac a ṁic, agus a ḃainċlíaṁuin Sárai, bean a ṁic Abram; agus do ċúadar amaċ leó ó Ur na Gcaldeanaċ, do ḋul go tír Ċanaáin; agus tangadar go Háran, agus daiṫreaḃuiġeadar ann sin.

³² Agus do biad laeṫe Térah ḋá ċéud agus cúig ḃliaġna, agus do éng Térah ann Háran.