Galatiánaċ 6 - An Bíobla Naoṁṫa 1817 (Bedell)

Caibidil VI Tríd ṫrócaire, 6 ċeirte, 14 ḟulang, 15 agus ḃeaṫa núa, aiṫeantar clann Dé.

¹ A ḋearḃraiṫre, má ġreamuiġṫear neaċ a gcóir ar biṫ go hobann, tuguiḋse a ḋream spioradálta, a ṡaṁuil sin do ḋuine ar a ais ré sbiorad ceannsaċda; ag taḃairt aire leaċd féin a ḋuine, naċ ccuirfiḋe cáṫuġaḋ ortsa mar an gcéuḋa.

² Iomċruiḋ úaluiḋe a ċéile, agus mar sin coiṁlíonfuiḋ réaċd Ċríosd.

³ Oír dá sáoiliḋ éunduine é féin do ḃeiṫ éifeaċdaċ, ar mbeiṫ ḋó gan éifeaċd, atá sé meallta ann a inntinn féin.

⁴ Aċd déunaḋ gaċ áon a obair féin dearḃṫa, agus mar sin biáiḋ aḋḃar gáirdeaċais aige ḋá ṫáoḃ féin aṁáin, agus ní do ṫáoḃ ḋuine eile.

⁵ Oír iomċoruiḋ gaċ áon a úalaċ féin.

⁶ Tugaḋ an tí ṫeaguisgṫear sa mbréiṫir don tí ṫeaguisgeas é roinn dá uile ṁaiṫeasuiḃ.

⁷ Ná mealltar siḃ; ní ġaḃann Día sgige ċuige: oír giḋ bé ní ṡiolċuireas neaċ, a sé an ní céudna ḃeanfas sé.

⁸ Oír an tí ṡiolċuireas don ċoluinn buainfiġ sé truailliġeaċd don ċoluinn; aċd an tí ṡiolċuireas don Sbioruid buáinfiḋ se an ḃeaṫa ṁarṫanaċ don Sbioruid.

⁹ Aċd ag déunaṁ maiṫeasa ná bímid tuirseaċ: oír beanfum iona ám féin, muna ndeaċam a neimbríġ.

¹⁰ Uime sin an feaḋ atá an tám aguinn, déunam maiṫ do na huile ḋáoiniḃ, agus go mórṁór do luċd éintiġe an ċreidiṁ.

¹¹ Do ċí siḃ fairsinge na litre do sgríoḃ mé ċuguiḃ ré mo láiṁ féin.

¹² An ṁéid lér mían íad féin do ṫaisbéunaḋ go sgíaṁaċ sa ccoluinn, cuirid dfíaċuiḃ oruiḃse an timċillġearraḋ do ġaḃail ċuguiḃ; aṁáin deagla go ndéantáoi gérleanṁuin orrṫa ar son ċroíṫe Ċríosd.

¹³ Oír an dream sin féin atá timċillġearrṫa ní ċoiṁéuduid síad an reaċd; aċd as mían ríu siḃse ḃeiṫ timċillġearrṫa, ċum mórḋála do ḋéunaṁ ḋóiḃ as ḃur ḃfeóil.

¹⁴ Giḋeaḋ nár léige Día go ndéanuinnse mórḋáil, aċd as croiṫ ar Dtiġearna Iósa Críosd, tré a ḃfuil an sáoġal céusda agumsa, agus misi ag an tsáoġal.

¹⁵ Oír a Níosa Críosd ní ḃfuil éifeaċd ar biṫ a dtimċillġearraḋ, ná a neaṁṫimċillġearraḋ, aċd sa gcrúṫuġaḋ núaḋ.

¹⁶ Agus an ṁéid ṡiuḃalfus réir na riáġlaċsa, síoṫċáin, agus trócaire orrṫa, agus ar Israel Dé.

¹⁷ O so amaċ ná cuireaḋ éunduine míoṡuáiṁneas oramsa: oir iomċruim um ċorp coṁarṫaḋa an Tiġearda Iósa.

¹⁸ Grása ar Dtiġearna Iósa Críosd maille ré ḃur spioruid, a ḋearḃraiṫre. Amén.