Galatiánaċ 3 - An Bíobla Naoṁṫa 1817 (Bedell)

Caibidil III Tugaḋ dliġe Ṁaosi 19 ċum peacaḋ do ḃeaguġaḋ, agus do noċdaḋ; 24 aċd is tré ċreideaṁ Ċríosd atá ar sáoraḋ úaṫa ṫríd amaċ.

¹ O A Ġalatíanaċa gan ċéill, cía rinne piseóga ḋaóiḃ, as náċ géillfeaḋ siḃ don ḟírinne, agar ṫaisbéunaḋ Iósa Críosd daóiḃ roiṁe so a ḃfiaḋnuisi ḃur súl, ar na ċéusaḋ ḃur measg?

² Bá mían ríom so aṁáin dfoġluim uáiḃ, An ó oibriġṫiḃ an reaċda fúaraḃair an Spiorud, ná ó éisdeaċ an ċreidiṁ?

³ An ḃfuiltí coiṁmíċéillid hesin? ar dtosuġaḋ ḋaóiḃ sa Spioruid, go máḋ mían riḃ a nois ḃur gcríoċnuġaḋ sa ḃfeóil?

⁴ An go dioṁaóin dfuiling siḃ a noirid sin do neiṫiḃ? aċd fós más dioṁaóin.

⁵ Uime sin an tí do ḃeir an Sbiorad go fairsing ḋaóiḃ, agus oibriġeas súḃailciġe míorḃuileaċa ionnuiḃ, an tré oibriġṫiġ an reaċda, nó tré éideaċd a ċreidiṁ do ḃeir sé íad?

⁶ Aṁuil do ċreid Abraham do Ḋía, agus do measaḋ ḋó é mar ḟiréantaċd.

⁷ Uime sin is tuigṫe ḋaóḃ an drung atá don ċreideaṁ, gur ab íad sin clana Abraham.

⁸ Oír ar na ḟaicsin roiṁe don sgriobtúir, go sáorfaḋ Día na cineaḋaċa tré ċreideaṁ, do ṡoisgéil sé roiṁe láiṁ Dábraham, ag ráḋ, Biáiḋ na huile ċineaḋaċa ar na mbeannuġaḋ ionnadsa.

⁹ Uimé sin an dream áta don ċreideaṁ atáid síad beannuiġṫe maille ré Hábraham deaġċreidṁeaċ.

¹⁰ Oir an ṁéid atá do ṫáoḃ oibriġṫeaḋ an reaċda atáid síad fáoi an mallaċd: oír atá sgríoḃṫa, As malluiġe gaċ áon naċ ccoṁnuiġeann sna huile neiṫiḃ atá sgríoḃṫa a leaḃar an reaċd ċum a ndéunta.

¹¹ Agus as ní follas naċ sáorṫar éunduine trés an reaċd a ḃfíadnuisi De, óir, As tré ċreideaṁ ṁairfeas an firéun.

¹² Giḋeaḋ ní ón ċreideaṁ atá an reaċd: aċd, An tí ḋéunas íad mairfiḋ sé ṫrioṫaḋ.

¹³ Aċd dfúasguil Críosd sinne ó ṁallaċd air ar son: óir atá sgríoḃṫa, As malluiġe gaċ áon ċroċdar a gcrann:

¹⁴ Ionnus go dtiucfaḋ beannaċdaḋ Abraham ċum na Gcineaḋaċ a Niósa Críosd; ċum sinne dfaġáil geallaṁna na Spioruide tré ċreideaṁ.

¹⁵ A ḋearḃráiṫre, is do réir nóis daónna laḃruim; Bíoḋ naċ biaḋ ann aċd connraḋ duine, ar mbeiṫ ḋó daingniġṫe, ní ċuiréann éinneaċ ar gcúl é, agus ní curṫar tuilleaḋ ar biṫ leis.

¹⁶ Máseaḋ is Dáḃraham agus dá ṡíol tugaḋ na geallaṁnaċa. Ní abair sé, Agus do na síoltuiḃ, mar do ḃíaḋ sé ag laḃairt ar ṁórán; aċd mar do laiḃeóraḋ sé ar áon ag ráḋ, Agus dod ṡiolsa, agar ab é Críosd é.

¹⁷ Agus a deirim so, náċ ccuireann an reaċd, noċ do ṫosuiġ a gcionn ċeiṫre gcéud agus deiċ mblíaḋan ḃfiṫċead na ḋiaiġ, an connraḋ do ḋaingniġeaḋ roiṁe, ré Día a dtáoḃ Ċríosd, a neimbríġ, ionnas go gcuirfeaḋ sé an ġeallaṁuin ar gcúl.

¹⁸ Oír más ón reaċd ṫiġ a nóiġreaċd, ní ṫig sí feasda ón ngeallaṁuin: aċd tug Diá í go sáor Dábraham tré ġeallaḋ.

¹⁹ Uime sin créud é an reaċd? Is uime do hórduiġeaḋ é ar son sáruiġṫe na naiṫeantaḋ, go teaċd don tsíol dá ndearnaḋ an geallaḋ; ar na órduġaḋ ris na haingliḃ tré láiṁ eidirṁeaḋontóra.

²⁰ Aċd an teidirṁeaḋantóir ní ré haon é, aċd is aon é Día.

²¹ Uime sin an ḃfuil an réaċd a naḋuiġ ġeallaṁnaċa De? a ḃfas uainn sin do ráḋ: oír da mbeiṫ reaċd ar na ṫaḃairt lér ḃféidir béaṫa do ṫaḃairt úaḋa, go deiṁin ís trés an reaċd do ṫiucfaḋ fíréuntaċd.

²² Aċd dfág an sgrioḃtuir na huile ḋáoine dúnta fáoi ṗeacaḋ, ionnus go dtiuḃarṫáoi an ġeallaṁuin ó ċreideaṁ Iósa Críosd don druing ċreideas.

²³ Aċd suil ṫáinic an creideaṁ, do congṁaḋ sinn fá smaċd an reaċda, agus do dúnaḋ oruinn ċum an ċreidiṁ do ḃí ré haḋuiġ a ḟoillsiġṫe.

²⁴ Uime sin a sé an reaċd fá sgolṁaiġistir ḋúinn go Críosd, ionnus go sáorfuiḋe sinn tré ċreideaṁ.

²⁵ Aċd ar dteaċd dón ċreideaṁ, ní ḃfuilmíd feasda fáoi sgolṁaiġisdir.

²⁶ Oír atá siḃ uile ḃur gcloinn ag Día tré ċreideaṁ a Niósa Críosd.

²⁷ Oír an ṁeid aguiḃ do baisdeaḋ a Gcríosd do ċuireaḃair Críosd iomuiḃ.

²⁸ Ní ḃfuil Iúduiġe na Gréugaċ, ní ḃfuil sáor na dáor, ní ḃfuil fear na bean: óir is áon siḃ uile a Niósa Críosd.

²⁹ Agus más lé Críosd siḃ, as siḃ síol Abraham gan aṁras, agus oiġriġe do réir na geallaṁna.