Exodus 40 - An Bíobla Naoṁṫa 1817 (Bedell)

Caibidil XL. Ata an Tabernacuil fein ar na ċur suas. 13 Do naoṁuiġeaḋ Aaron agus a Ċlann mac ċum oifig nan sagart. 14 Do líon gloir Dé an Tabernacuil.

¹ Agus do laḃair an TIĠEARNA ré Maóise gá ráḋ.

² Ar an gcéád lá don ċéid ṁí ċuirfeas tu súas tabernacuil loistín an ċoṁċruinniġ.

³ Agus cuirfe tú annsin á steaċ aírc na fiaḋnuisi, agus foileoċa tú a nairc leis an gcuṁdaċ.

⁴ Agus do ḃeura tú a steaċ an bórd, agus suiḋeoċa tú a nordúġaḋ na neiṫe atá ré ṡuiḋiuġaḋ a nórd air; agus do ḃéura tú an coinnleóir a steaċ, agus las fa tú a lampuiḋe.

⁵ Agus suiḋeoċa tú a naltóir dór ċum na túise as coinne aírc na fiaḋnuise, agus cuirfe tú brat an doruis leis an tabernacuil.

⁶ Agus suiḋeoċa tú áltóir na hofrala loiscṫe as coinne ḋoruis ṫabernacuil loistin an ċoṁċruinniġ.

⁷ Agus suiḋeoċa tú an laḃéir idir lóistin an ċoṁċruinniġ, agus an altóir, agus cuirfe tú uísce ann.

⁸ Agus cuirfiḋ tú súas an cúirt timċioll fa gcúairt, agus croċfa tú súas na bruit ag geata na cúirte.

⁹ Agus glacfa tú an ola ungṫa, agus ungfa tú an tabernacuil, agus a ḃfuil astiġ ann, agus naoṁṫa tú é, agus a ṡoiṫiġe uile: agus bíaiḋ sé naoṁṫa.

¹⁰ Agus ungfa tú altoír na hofrala loiscṫe, agus a ṡoiṫiġ euile, agus naoṁṫa tú a naltoir: agus bíaiḋ na altoír ro naoṁṫa.

¹¹ Agus ungfa tú an láḃéir agus a ċós, agus náoṁṫoċa tú é.

¹² Agus do ḃéara tú Aáron agus a ṁic go dorus ṫabernacuil an ċoṁċruinniġ, agus niġfe tú íad le huisce.

¹³ Agus cuirfe tú ar Aáron na héaduiġe naoṁṫa, agus unfga tú é, agus naoṁṫoċa tú é; ċor go miniosdrálfuiḋ sé ḋaṁ sa a noifig an tsagaírt.

¹⁴ Agus do ḃéara tú a ṁic ċugad, agus éideoċa tú íad le cótuiḋiḃ:

¹⁵ Agus ungfa tú íad, mar do ung tú a naṫair, ċor go ḃféadfaid miniostralaċd do ḋéanaṁ ḋamsa a noifig an tsagairt: óir biaiḋ a nungaḋ go deṁin na ṡagartaċd ṡíorruiḋe ar feaḋ a ngeinealáċ.

¹⁶ Is murso do rinne Maóise: do réir an uile ní do aiṫin an TIĠEARNA ḋe, is mar sin dó rinne sé.

¹⁷ Agus tárla annsa ċéad ṁí don dara bliaḋain, ar an gcéad ló don ṁí, gur tógḃaḋ súas an tabernacuil.

¹⁸ Agus do ṫóg Maóise an tabernacuil súas, agus do ḋaingniḋ a ṡoiceid, agus do ċuir súas a ḃuird, agus do ċuir a ḃarruiḋe a steaċ, agus do ṫos súas a ṗiléir,

¹⁹ Agus do leaṫnuiġ amaċ an lóistín ós cionn an tabernacuil, agus do ċuir folaċ an lóistin timċioll air, mar do aiṫin an TIĠEARNA do Ṁaóise.

²⁰ Agus do glac sé agus do ċuir an ḟiaḋnuise ann san áirc, agus do ṡuiḋiġ na maidiḋe ar an áirc, agus do ċuir an suiḋe trócaire súas ar an áirc:

²¹ Agus ṫug se an áirc ċum an tabernacuíl, agus do ċuir súas cuṁdaċ an ḟoluiġ, agus do ḟoluíġ áirc na fiaḋnuisi, mar do aiṫin an TIĠEARNA do Ṁaóise.

²² Agus do ċuir sé an bórd a lóistin an ċoṁċruinniġ, ar ṫaoiḃ an tabernacuil leaṫ ṫuaiġ, taoḃ amuiċ don ċuṁdaċ.

²³ Agus do ċuir sé an tarán a norduġaḋ air a ḃfiaḋnuise an TIĠEARNA, mar do aiṫin an TIĠEARNA do Ṁaóíse.

²⁴ Agus do ċuir sé an coinnleóir a loistín an ċoṁċruinniġ, ṫall as coinne an ḃuird, ar ṫaoḃ an tabernacuil leaṫ ṫeas.

²⁵ Agus do las na lampuiḋe a ḃfiaḋnuise an TIĠEARNA; mar do aiṫin an TIĠEARNA do Ṁaóise.

²⁶ Agus do ċuir sé an altóir órḋa a lóistín an ċoṁcruinniġ a ḃfiaḋnuise an ċuṁduiġ:

²⁷ Agus do loisc sé túis deaġḃoluiġ uirre; mar do aiṫin an TIĠEARNA do Ṁaóise.

²⁸ Agus do ċuir sé súas an brat ag dorus an tabernacuil:

²⁹ Agus do ċuir altoir na hofrála loiscṫe ag dorus ṫabernacuil lóistín an ċoṁċruinniġ, agus do ofráil se uirre, ofráil loiscṫe agus offráil bíḋ; mar do aiṫin an TIĠEARNA do Ṁáoise.

³⁰ Agus do ċuir an láḃéir idir lóistín an ċoṁċruinniġ agus a naltóir, agus do ċuir uisce ann ċum ionnlaiḋ.

³¹ Agus Maoise, agus Aáron agus a ṁic do niġeadur a láṁa agus a ccosa aige:

³² A nuair do ṫéiġdis go lóistín an ċoṁċruinniġ, agus a nuair ṫigdís a ḃfogus do naltóir, do ionnlaidis; mar do aiṫin an TIĠEARNA do Ṁaóisi.

³³ Agus do ṫóg sé súas an ċúirt timċioll fá gcuáirt an tabernacuil agus na haltóra, agus do ċuir súas brat ġeata na cúirte. Mar sin do ċrioċnuiġ Maóise a nobaír.

³⁴ Annsin do ḟoluiġ néull lóistin an ċomċruinniġ, agus do líon glóir an TIĠEARNA an tabernacuil.

³⁵ Agus nior ḃféidir do Ṁaóise dul a stéaċ a lóistín an ċomċruinniġ, do ċionn gur ċoṁnuiġ an néull air, agus gur líon glóir an TIĠEARNA an tabernacuil.

³⁶ Agus a nuair rugaḋ an néull súas ó ṁullaċ an tabernacuil, do ċuáiḋ clann Israel ar a naġáiḋ ann a nuile ṫurusaiḃ.

³⁷ Aċd muna mbeurṫáoi an néull súas, ní aistreoċaidis go nuige an lá iona mbéurṫáoi súas é.

³⁸ Oír do ḃí néull an TIĠEARNA ar an tabernacuil ann sa ló, agus do ḃí teine air sa noiḋċe, a raḋarc ṫiġe Israel uile, ar feaḋ a naistir uile.