Exodus 4 - An Bíobla Naoṁṫa 1817 (Bedell)

Caibidil IV. Ġaḃ Maoisi an teaċduireaċd do láiṁ fá ḋeire. 27 As scáṫan Maoisi agus Aaron ar ċairdeas uaċdarain ṫuaṫa, agus ċill, ré ċeile.

¹ Agus do ḟreagair Maóisi agus a duḃairt, Aċ féuċ, ní ċreidfid síad mé, agus ní éisdfid rem ġuṫ; óir a déaruid síad, níor ṫaisbéin an TIĠEARNA é féin duit.

² Agus a duḃairt an TIĠEARNA ris, Créad é an ní sin ad láiṁ? Agus a duḃairt sesion, Atá slat.

³ Agus a duḃairt sé, Teilg ar talaṁ í. Agus do ṫeilg seision ar talaṁ í, agus do rinneaḋ naṫair niṁe ḋi; agus do ṫeiṫ Maoisi roimpe.

⁴ Agus a duḃairt an TIĠEARNA ré Maoisi, Cuir o láṁ amaċ agus glac í ar earball. Agus do ċúir amaċ a láṁ, agus do ġlac í, agus do rinneaḋ slat di iona láiṁ:

⁵ Ar ċoir go gcreidfidis gur ḟoillsiġ an TIĠEARNA Día a naṫar, Día Abraham, Día Isaac, agus Día Iácob é fein duit.

⁶ Agus a duḃairt an TIĠEARNA ris ós a ċionn sin, Cuir a nois dó láṁ ad ḃrollaċ. Agus do ċuir sé a láṁ iona ḃrollaċ: agus a nuair tug sé amaċ í, féuċ, do ḃí a láṁ luḃraċ mar ṡneaċda.

⁷ Agus a duḃairt sé, Cuír do láṁ ad ḃrollaċ a rís. Agus do ċuir a láṁ na ḃrollaċ a rís. Agus tug amaċ as a ḃrollaċ í, agus, féuċ, do hiompoiġeaḋ í a rís mar an gcuid eile ḋá ḟéoil.

⁸ Agus tiucfa a gcríċ, muna ccreidid síad ṫú, agus naċ tiuḃruid éisdeaċd do ġuṫ an ċéadċoṁarṫa, go gcreidfid síad guṫ an ċoṁarṫa ḋeiġionuiġ.

⁹ Agus tiucfá a gcriċ, muna ccreidid siad céaċtar don dá ċoṁarṫasa, agus naċ éisdfid red ġuṫsa, go nglacfa tú duisge na haḃann, agus go ndóirtfe tú é ar an ttalaṁ tirim: agus an túisge ḃéuras tú as a naḃuinn go mbía na ḟuil ar an dtalaṁ tirim.

¹⁰ Agus a duḃairt Maoisi ris anTTIĠEARNA O mo ṪIĠEARNA ní ḃfuilimsi deaġlaḃarṫa, ná roiṁe só, ná ó laḃair tusa réd ṡerḃiseaċ: Aċd atáim mall a ccoṁráḋ, agus mall a dteanguiḋ.

¹¹ Agus a duḃairt an TIĠEARNA ris, Cía rinne béul an duine, nó cía ní an balḃ, nó an boḋar, nó an té do ċí, nó an dall? Naċ misi an TIĠEARNA?

¹² A nois ar a naḋḃarsin imṫiġ, agus biáiḋ misi maille red ḃéul, agus múinfe mé ḋuit cread a déura tú.

¹³ Agus a duḃairt sesion, O mo Ṫiġearna, guiḋim ṫú, cuir uáit ris an té noċ ċuirfeas tú uait.

¹⁴ Agus do las fearg an TIĠEARNA re Máoisi, agus a duḃairt, Naċ é Aáron an Léḃíteaċ do ḋearḃraṫair? atá a ḟios agam go laḃrann sé go maiṫ. Agus mar an gcéadna, féuċ, atá sé ag teaċd amaċ do ṫeagṁáil riot: agus a nuair do ċífe sé ṫú, biáiḋ lúṫġáireaċ iona ċróiḋe.

¹⁵ Agus laiḃéora tusa ris, agus cuirfe tú bríaṫra íona ḃéul: agus biaiḋ misi maille red ḃéulsa, agus le na ḃéulsan, agus múinfe mé ḋáoiḃ cread do ḋéantáoi:

¹⁶ Agus biáiḋ sesion na ḟior edirṁíniġe agad ris an bpobal: agus biáiḋ sesion, éaḋon biáiḋ sesion féin a náit béil duitsi, agus biáiḋ tusa a náit Dé ḋósan.

¹⁷ Agus glacfa tú an tslatso ad láiṁ, le ndéana tú coṁarṫuiġe.

¹⁸ Agus do imṫiġ Máoisi, agus do ḟill ar létro a ċlíaṁuin, agus a duḃairt ris, Guiḋim ṫú léig ḋamsa ímṫeaċd, agus filleaḋ ar mo ḋearḃráiṫriḃ atá sa Négipt, dá ḟéaċuin an ḃfuilid béo fós. Agus a duḃairt Iétro ré Máoisi, Eiriġ a sioṫċáin.

¹⁹ Agus a duḃairt an TIĠEARNA ré Máoise a Mídian, Eiriġ, fill do Negipt: óir do éugadur uile an ṁéid do ḃí ag iarruiḋ do ḃáis.

²⁰ Agus rug Maóisi a ḃean agus a ṁic leis, agus do ċuir ar assal íad, agus do ḟill go críċ na Hegipte: agus do ġlac Maóise slat Dé na láiṁ.

²¹ Agus a duḃairt an TIĠEARNA re Maóisi, A nuair iméoċus tú ċum filleaḋ don Egipt, féuċ go ndéana tú na míorḃuilesi uile as coinne Ṗárao, noċ do ċuir misi ad láiṁ: aċ cruáḋéoċa misi a ċroiḋe, ionnus naċ léigfiḋ don ṗobal imṫeaċd.

²² Agus deura tusa re Ṗárao, Marso a deir an TIĠEARNA: sé Israel mo ṁac, mo ċéidġin fós:

²³ Agus a deirim riotsa, léig mo ṁac ar siuḃal, ionnus go ndéana sé serḃís daṁsa: agus má ḋiúltann tú léigean dó imṫeaċd, féuċ, muirfiḋ misi do ṁacsa, do ċéidġin fós.

²⁴ Agus tárla ar an tsliġe san tiġ ósta, gur ċas an TIĠEARNA air, agus gur íarr a ṁárḃaḋ.

²⁵ Ann sin do ġlac Sipporah cloċ ġéur, agus do ġearr réuṁċroiceann a mic, agus do ṫeilg fa ná ċosuiḃ é, agus a duḃairt: Go deiṁin is fear fuilteaċ ḋaṁsa ṫú.

²⁶ Do leig sé uaḋa mar sin é: ann sin a duḃairt sisi, As fear fuilteaċ ṫú, do ḃríġ an timċillġéarrṫa.

²⁷ Agus a duḃairt an TIĠEARNA re Aáron: Imṫiġ fán ḃfasaċ do ṫeagṁáil re Maóise. Agus do imṫiġ sé, agus tárla leis é a slíaḃ Dé, agus do ṗóg é.

²⁸ Agus do innis Maóisi do Aáron bríaṫra an TIĠEARNA uile, noċ do ċuir uaḋ é, agus a nuile ċoṁarṫa dar aiṫin de.

²⁹ Agus do imṫiġ Maóisi, agus Aáron, agus dó ċruinniġeadur a ḃfoċair a ċéile sinnseara ċloinne Israel uile:

³⁰ Agus do laḃair Aáron a nuile ḟocal dár laḃair an TIĠEARNA re Maóisi, agus do rinne na coṁarṫaḋa a laṫair an ṗobail.

³¹ Agus do ċreideadur an pobal: agus a nuáir do ċualadar go ttáinic an TIĠEARNA dfiosruġaḋ ċloinne Israel, agus gur ḟéuċ sé ar ċloinn Israel, agus go ḃfacaiḋ sé a mbuaireaḋ, ann sin do ċromadar a ccinn agus do rinneadur uṁla.