Exodus 38 - An Bíobla Naoṁṫa 1817 (Bedell)

Caibidil XXXVIII. Moḋ air a ttugaḋ obair an tabernacuil go críċ.

¹ Agus do rinne sé altóir na nofrálaḋ loisge do ċrann Sitim: cúig cuḃad a faide, agus cúig cuḃaid a leiṫead; do ḃi sí ceaṫaírbeanaċ: agus trí cuḃad a hairde.

² Agus do rinne sé a beanna ar a ceiṫre coirnéuluiḃ; do ḃádar a beanna don cceadna: agus do ḟoluiġ sé lé prás í.

³ Agus do rinne soiṫiġe na haltóra uile, na potuiġe, agus na sluáiste, agus na báisíniġ, agus na haḋail; agus na hoiġne teineaḋ: a soiṫiġe uile do rinne sé do ṗrás íad.

⁴ Agus do rinne sé do naltóir gráta práis dobair lín fáoi na compás ṡíos nuige a lár.

⁵ Agus do ṫeilg ceiṫre ḟáinne dá ċeiṫre ċorruiḃ an ġráta ṗráis, dá mbeiṫ ná náitiḃ do na maidiḋiḃ.

⁶ Agus do rinné na maidiḋe do ċrann Sitim, agus do ḟoluiḋ le prás íad.

⁷ Agus do ċuir sé na maidiḋe ann sna fainniḋiḃ ar ṫáoḃuiḃ na haltóra, dá hiomċar; do rinne sé a naltóir toll lé cláruiḃ.

⁸ Agus do rinne an láḃéir do ṗrás, agus a ċos do ṗrás, do scaṫánuiḃ na mban noireaċduis, noċ do ċruinnioġaḋ ag dorus ṫabernacuil an ċoṁċruinniġ.

⁹ Agus do rinne sé an ċúírt: ar an ttáoiḃ ó ḋeas leaṫ ó ḋeas bruit na cuirte do líon ḟínealta ċasda, do ċéad cuḃad:

¹⁰ Bá fiṫċe a bpiléir, agus bá fiṫċe a soicéid práis; crúcuiḋe ná bpiléur agus a ḃfiléid dairgead.

¹¹ Agus ċum an táoiḃ ṫuáiġ bruit do ċéad cuḃad, bá fitċe a bpiléir, agus fitċe a soicéid ṗráis, crúcuiḋe na bpiléur agus a ḃfiléid dairgead.

¹² Agus ċum an táoiḃ ṡíar: bruit do ċáogad cuḃad, a bpiléir a deiċ, agus a soicéid a deiċ; crúcuiḋe na bpiléur agus a ḃfiléid dairgead.

¹³ Agus don táoiḃ ṡoir, leaṫ ṡoir, cáogad cuḃad.

¹⁴ Bruit éantáoiḃe an ġeata bá cúig cuḃaid déug; a bpiléir a trí, agus a soicéid a trí.

¹⁵ Agus don taoḃ eile do ġeata na cuírte, ar an laiṁse agus ar an láiṁ úd do ḃádar bruit do ċúig cuḃaid deug; a bpiléir a trí, agus a soicéid a trí.

¹⁶ Bruit na cúirte uile timċioll fa gcúairt, do buḋ linéadaċ ḟinealta casda íad.

¹⁷ Agus na soiceíd do na piléuruiḃ do ṗráis; crúcuiḋe na bpiléur agus a ḃfiléid dairgead; agus folaċ a gcaipitreaċ dairgead; agus piléir na cúirte uile ar na ḃfilléideaḋ lé hairgead.

¹⁸ Agus an croċaḋ ċum geata na cúirte dobair ṡnáiṫide, do ġorm, agus do ṗurpuir, agus do scárláoid, agus do líneadaċ ḟínealta ċasda: agus ba fiṫċe cuḃad a ḟad, agus cúig cuḃaid áirde a leiṫne, coiṁfreagarṫaċ do ḃratuiḃ na cúirte.

¹⁹ Agus ba ceaṫair á bpiléir, agus a soiceid ṗráis a ceaṫair; a ccrúcuiḋe dairgead, agus folaċ a gcaipitreaċ agus a ḃfiléid dairgead.

²⁰ Aċ tairngiḋe an tabernacuil uile, agus na cuirte fa gcúairt, do buḋ práis íad.

²¹ Is é so suim an tabernacuil, ṫabernacuil na fiaḋnuise, mar do háireaṁaḋ é, do réir aíṫne Maóise, ċum ṡerḃíse na Leḃíteaċ, le láiṁ Iṫamar ṁac Aáron an sagart.

²² Agus besaleel mac Uri, ṁíc Hur, do ṫreiḃ Iudah, do rinne a nuile ní do aiṫin an TIĠEARNA do Ṁaóise.

²³ Agus do ḃí maille ris Aholíab mac Ahisamaċ do ṫreiḃ Dan: graḃaluiġ, agus oibriġ céardaṁuil, agus bróidinéir a ngorm, agus a bpurpuir, agus a scárláoid, agus a líneadaċ ḟínealta.

²⁴ An ṁéid óir do caiṫeaḋ uile leis a nobair le uile obair na háite naoṁṫa, eaḋon ór na hofrála, ba fiṫċe agus naói ttalanna, agus seaċt ccéad agus tríoċad secel, do reir ṡecel na sanctóra.

²⁵ Agus méid airgead na ndaoine do háirṁeaḋ don ċoṁċruinniuġaḋ bu céad tallann, míle agus seaċt ccéad agus trí fiṫċid agus cúig secel déug, do reír ṡecel na sanctóra.

²⁶ Beca ar son gaċ éanduine, is é sin leaṫ secel, do réir ṡecel na sanctóra, ar son gaċ aónduine da ndeaċuiḋ ḋá áireaṁ, ó ḟiṫċid bliaḋan daóis agus ós a ċionn, a sé céad míle agus tri ṁile agus cúig ċéud agus caogad fear.

²⁷ Agus don ċéud tallann airgid do teilgeaḋ soicéid na sanctora agus soiceíd an ḟoluiġ; céad soicéad don ċéud tallann, talann ar son an tsoicéid.

²⁸ Agus don ṁíle seaċd ccead seaċdṁoġad agus a ccúig secel do rinne se crúcuiḋe dona piléuruíḃ, agus do ḟoluiġ a ccaipitre, agus do ḟiléidiḋ íad.

²⁹ Agus do ḃí prás na hofrala na ṡeaċdṁoġad tallann, agus na ḋá ṁíle agus an ceiṫre ċéud secel.

³⁰ Agus is leis sin do rinneaḋ soicéid do ḋorus ṫabernacuil an ċoṁċruinniġ, agus a naltóir ṗráis, agus an gráta práis di, agus a nuile ṡoiṫeaċ no haltóra,

³¹ Agus soicéid na cúirte timċioll fa gcúairt, agus soicéid ġeata na cúirte, agus tairngiḋe an tabernacuil uile, agus tairngiḋe na cúirte uile timċioll fá gcuairt.