Exodus 30 - An Bíobla Naoṁṫa 1817 (Bedell)

Caibidil XXX. Cuma altóra na tuise. 2 Earaic no airgiod fúasglaiḋ cloinne Israel. 34 An boltnuġaḋ ro naoṁṫa.

¹ Agus do ḋéana tú altóir do loscaḋ túise uirre; do ċrann Sitim do ḋéana tú i.

² Cuḃad buḋ é a fad, agus cuḃad a leiṫead; ceaṫairḃeannaċ ḃías sí; agus biáiḋ a háirdé ḋá ċuḃad: biáiḋ a beanna don ccéadna.

³ Agus fóileoċa tú dór ḟíorġlan í, a húaċtar, agus a táoḃ timċioll fa gcuáirt, agus a beanna; agus do ḋéana tú ḋi coroin óir timċioll fa gcuáirt.

⁴ Agus do déana tú ḋá ḟáinne óir ḋi faoi an ċoróin, agá ḋá coirnéul, agá ḋá ṫaoḃ do ḋéana tú íad; agus béid siád mar áitiḃ do ḃatuiḋiḃ dá hiomċar leó.

⁵ Agus do ḋéana tú na maidiḋe do ċrann Sitim, agus foileoċuiḋ tú le hór íad.

⁶ Agus cuirfe tú as coinne an ḟoluiġ í, atá láiṁ re háirc na fiáḋnuisi, as coinne ann tsuiḋe ṫrócaire atá ós cionn an ḟiaḋnuisi, mar a tteagaṁa misi riot.

⁷ Agus loisgfe Aáron túis ḋeaġḃoluiḋ gaċ aon ṁaidin uirre: a nuáir ḋeiseoċa sé na lampuiḋe, loisgfe sé túis uirre.

⁸ Agus a nuáir lasfas Aáron na lampuiḋe um noín, loisgfe sé túis uirre, túis ḃioḃúan a ḃfiagnuise an TIĠEARNA, ar feaḋ ḃur ngeinealaċ.

⁹ Ní loisgfíḋe túis ċoiṁiḋeaċ ar bioṫ uirre, nó íoḋbuirt loisge, no ofráil bíḋ; ní mo ḋoírtfíḋe ofrála ḋiġe uirre.

¹⁰ Agus do ḋéana Aáron síṫ ar a beannuiḃ uáir san mbliaḋuin le fuil ofrála ṗeacaiḋ na síṫe; uáir san mbliaḋuin do déana sé síḋ uirre ar feaḋ ḃur ngeinealaċ: atá sí ro náoṁṫa don TIĠEARNA.

¹¹ Agus do laḃair an TIĠEARNA re Maóise, ga ráḋ,

¹² A núair ġlacfas tú suim ċloinne Israel do reír a nuiḃre, ann sin do ḃéuruiḋ gaċ éanduine fuásclaḋ ar son anma don TIĠEARNA, a núair aireoṁus tú íad; go naċ mbiáiḋ plaíġ na measc, a núair aíreoṁas tú iad.

¹³ Is é so do ḃéuruid, gaċ éan da raċaiḋ ṫort na measc atá áirṁiṫe, leiṫṡecel do reír na sanctóra: (secel is é sin fiṫċe gérah:) agus leiṫṡecel ofráil an TIĠEARNA.

¹⁴ Gaċ éan dá tteíd ṫort na measg atá airṁiṫe, ó ḟiṫċid bliaḋan dáois agus ós a ċionn, do ḃéura sé ofráil don TIĠEARNA.

¹⁵ Ní ṫíuḃra an sáiḋḃir nios mó, agus an boċd ní ṫiuḃra níos luġa nó leiṫ ṡecel, a nuáir do ḃéaruid ofráil don TIĠEARNA, do ḋéanaṁ siṫe dá ḃur nanmannuiḃ.

¹⁶ Agus glacfa tusa an tairgead síṫe ó ċloinn Israel, agus cinnfe tú é do ṡerḃís ṫabernacuil an ċoṁċruinniġ: Ionnus go mbía na ċuiṁne do ċloinn Israel a laṫair an TIĠEARNA, do ḋéanaṁ síṫe dá ḃur nanmanuiḃ.

¹⁷ Agus do laḃair an TIĠEARNA re Maóise ḋa ráḋ,

¹⁸ Do ḋéana tú mar an gcéadna láḃéir práis, agus a ċos mar an gcéadna do ṗrás, do ionnlaḋ as: agus cuirfe tú é idir ṫabernacuil an ċoṁċruinniġ agus a naltoir, agus cuirfe tú uisge ann.

¹⁹ Oír ionneoluid Aáron agus ṁic a láṁa agus a gcosa aige:

²⁰ Agus a núair raċuid go tabernacuil an ċoṁċruinniġ, ionnoluid siád le huisce, go naċ ḃfaġaid bás: nó a nuair ṫiocfaid a ḃfogus do naltoir do ṁiniostralaċd, do losgaḋ ofrála déanta lé teinniḋ don TIĠEARNA:

²¹ Mar sin niġfid a laṁa agus a gcosa, go naċ ḃfaġaid bás: biáiḋ so na reaċd ḋóiḃ go bráṫ, dósan agus da ṡiól ar feaḋ a ngeinealaċ.

²² Tuilleaṁ fós do laḃair an TIĠEARNA re Maoise, ga ráḋ,

²³ Glac ṫusa mar an gcéadna ċugad spiósra oirḋearca, do ṁirr ġloinn cúig ċéad secel, agus do ṡinamon deaġḃoluid a leaṫ oiread sin, ḋá ċéad agus caógad secel, agus do ċalamus déaġḃoluiḋ ḋá ċéad agus cáogad secel,

²⁴ Agus do ċassía cúig ċéad secel, do reír ṡecel na sanctóra, agus hin dola ċroinn ola:

²⁵ Agus do ḋéana tú ola ḋe dola náoṁṫa, agus ola cumaiscṫe, do réir ealaḋan an ollaṁ: biáiḋ sí na hola naóṁṫa ċum ungṫa.

²⁶ Agus ungfa tú tabernacuil an ċoṁċruinniġ lé, agus aírc na fiaḋnuise,

²⁷ Agus an bórd agus a ṡoiṫiḋe uile, agus an coinnleóir agus a ṡoiṫiḋe, agus altoír na túise,

²⁸ Agus altoír na hofrála loisge gon a huile ṡoiṫiḋiḃ, agus an láḃéir agus a cos.

²⁹ Agus naoṁṫoċa tú íad, ionnus go mbéid ro naoṁṫa: gioḋ bé ar biṫ ní ḃeanus riu biáiḋ sé naoṁṫa.

³⁰ Agus ungfa tú Aáron agus a ṁic, agus coisreoca tú íad, ċor go miniostrálfuid ḋaṁsa a noifig an tsagairt.

³¹ Agus laiḃeóra tú re cloinn Israel, dá ráḋ. Biáiḋ so na hola noaṁṫa ungṫa ḋaṁsa ar feaḋ ḃur ngeinealaċ.

³² Ar ḟeóil duine ní doírtfiġear í, ní mó ḋéantaoi saṁuil di, do reír a compóideaċd: is naoṁṫa í, agus biaiḋ sí naóṁṫa ḋaóiḃsi.

³³ Gioḋ bé ar biṫ ḋéanas cumusc cosṁuil ría, nó gioḋ bé ar biṫ ċuirfeas di ar ċoiṁiġṫeaċ, géarrfuiġear ċeana a maċ óna ḋaóiniḃ é.

³⁴ Agus a duḃairt an TIĠEARNA re Maóise, Glac ċugad spiósra, ḋeaġḃaluiḋ, stácte agus oniċa, agus galbánum: na spiósra deaġḃaluiḋsi maille re túis ġloinn: oiread re ċeille dá gaċ ċuid díoḃ:

³⁵ Agus do ḋéana tú perfiúm ḋe, ollaṁ cumasc do réir ealaḋan an cumuscṫe, ré ċéile, fiórġlan agus naóṁṫa:

³⁶ Agus brúiḋfe tú cuid de sin ro ṁín, agus cuirfe tú cuid do as coinne na fiaḋnuise ann sa tabernacuil an ċoṁcruinniġ, aít a tteigeaṁa misi riot: biáiḋ sé ro náoṁṫa ḋaóiḃ.

³⁷ Agus ar son na perfiúme do ḋéana tú, ni ḋéantaoi ḋíḃ feín do reír a ċumaisc sin: bíaiḋ sé ḋuitsi naoṁṫa don TIĠEARNA.

³⁸ Gioḋ bé ar bioṫ ḋéanas saṁuil dó sin do ḃoltnuġaḋ, géarrfuiġear é amaċ ó na ḋaóiniḃ.