Exodus 27 - An Bíobla Naoṁṫa 1817 (Bedell)

Caibidil XXVII. Cumaḋ altóra na hofrála loisgṫe; 3. Agus gaċ inneal do ḃeanus di.

¹ Agus do ḋéana tú altóir do ċrann Sitim, cúig cuḃaid ar fad, agus cúig cuḃaid ar leiṫead; bíáiḋ a naltóir ceaṫairḃeannaċ, agus bu trí cuḃaid a háirde.

² Agus do ḋéana tú a beanna ar ċeiṫre coirnéuluiḃ: béid a beanna don ccéadna, agus foileoċa tú le prás í.

³ Agus do ḋéana tú a hoiġne ċum luáṫa do ġlacaḋ ċuca, agus a sluáiste, agus a baisíniġ, agus a haḋuil, agus a hoiġne tineaḋ, a huile ṡoiṫiġe do ḋéana tú do ṗrás.

⁴ Agus do ḋéana tú ḋi gráta do líonobair ṗráis; agus ar an lion do ḋéana tú ceiṫre ḟáinne ṗráis ann a ċeiṫre ċoirnéuluiḃ.

⁵ Agus cuirfe tu fa ċompás na haltóra ṡíos é, ċor go mbía an líon ionann go lár na haltóra.

⁶ Agus do ḋéana tú maidiḋe don altóir, maidiḋé do ċrann Sitim, agus foileoċa tú le prás íad.

⁷ Agus cuirfíġear na maidiḋe ann sna fáinniḃ, agus béid na maidiḋe ar ḋá ṫáoḃ na haltóra, dá hiomċar.

⁸ Folaṁ (a stiġ) do ċláruiḃ do ḋéana tú í: mar do taisbeanaḋ ḋuit ann sa tslíaḃ, mar sin do ḋéanuid siad í.

⁹ Agus do ḋéana tú cúirt an tabernacuil: don táoiḃ ṫeas leaṫ ṫeas béid bruit don ċúirt do líon mín ċasda céad ċuḃad ar fad déantáoiḃ.

¹⁰ Agus béid a fitċċe piléur sin agus fiṫċe soicéid do ṗrás: biaiḋ crúcuiḋe na bpiléur, agus a ḃfiléid dairgead.

¹¹ Agus mar sin don leaṫ ṫuáiṫ ar fad béid bruit do ċéad cuḃad ar fad, agus a ḃfiṫċe piléur agus a ḃfiṫċe soicéad práis; béid crúcuiḋe na bpíléur agus a ḃfiléid dairgead.

¹² Agus do ṫáoḃ leiṫid na cuirte ar an ttáoḃ ṡíar béid bruit do ċáogad cuḃad: a bpiléur a deiċ, agus a soiċeid a deiċ.

¹³ Agus léiṫead na cúirte ar a ttáoḃ ṡoir leaṫ ṡoir béid cáogad cuḃad.

¹⁴ Bruit déantáoḃ don ġeata biáiḋ cúig cúḃaid déug: a bpiléur a trí, agus a soicéid a trí.

¹⁵ Agus ar án ttáoḃ eile béid bruit cúig cúḃaid déug: a bpiléur a trí, agus a soicéid a trí.

¹⁶ Agus ċum geata na cúirte béid bruit dfiṫċid cuḃad, do ġorm, agus do ṗurpuir, agus do scarláoid, agus do linéadaċ ṁín ċasta, oibríġṫe le hobair ṡnáiṫide: agus a bpiléur a ceaṫair, agus a soicéid a ceaṫair.

¹⁷ Béid na huile piléur fá gcuáirt timċioll na cúirte ar na ḃfilleadaḋ le hairgead biáiḋ a ccrúcuiḋe dairgead, agus a soicéid do ṗrás.

¹⁸ Bíaiḋ fad na cúirte na ċéud cuḃad; agus a leiṫead cáogad ar gaċ áon táoḃ, agus cúig cuḃaid dáirde, do linéadaċ ḟinealta ċasda, agus a soicéid do ṗrás.

¹⁹ Béid soiṫiġe an tabernacuil uile, a nuile ṡerḃís, agus a nuile ṫairnge, agus táirngiḋ na cúirte uile béid do ṗrás.

²⁰ Agus aiṫeonuiḋ tú do ċloinn Israel, go ttugaid ċugad an ola ḟíorġlan do ċrann ola brúite ċum an tsoluis, do ṫaḃairt ar an loċran lasaḋ a gcoṁnuiġe.

²¹ A ttabernacuil an ċoṁċruiniġe táoḃ amuiġ don ḟolaċ, noċ atá, as coinne na fiaḋnuisi, oirdeoċuid Aáron agus a ṁic é ó ṫraṫnóna go maidin a ḃfíaġnuisi an TIĠEARNA: biáiḋ so na statúid go bráṫ da ngeinealaċuiḃ, do ṫáoiḃ ċloinne Israel.