Exodus 25 - An Bíobla Naoṁṫa 1817 (Bedell)

Caibidil XXV. Ofrála toileaṁla an ṗobail arson na Sanctora; 8 Orduiġṫe lé Día.

¹ Agus do laḃair an TIĠEARNA re Maóise, dá ráḋ,

² Laḃair re cloinn Israel, gó ttugaid ofráil ċugam: ó gaċ uile ḋuine dá ttioḃra uaḋa go toileaṁail í lé na ċroiḋe glacfuiḋsi mofráil.

³ Agus sí so a nofrail ġlacfuiḋ uáṫa; or, agus airgead, agus prás,

⁴ Agus gorm, agus corcur, agus scarláoid, agus lin fínealta, agus fionnaḋ gaḃar.

⁵ Agus croicne reiṫeaḋ ar na ndaṫuġaḋ deárg, agus croicne broc, agus croinn Sitim,

⁶ Ola ċum an tsoluis, spíosra ċum ola ungṫa, agus ċum túisi deaġḃoluiġ.

⁷ Cloċa Onix, agus cloċa re ccur annsa Néṗod, agus annsa uċdéadaċ.

⁸ Agus déindís sanctóir ḋaṁsa; ċor go ccoiṁneaċa mé na measc.

⁹ Do reír a nuile ní ṫaisbeanuim ḋuit, do reír eisiomplára an tabernacuil, agus eisiomplára a ionnstruiminteaḋ uile, is mar sin do ḋéántaoi é.

¹⁰ Agus do ḋéanuid áirc do ċrann Sitim: ḋá ċuḃad go leiṫ iona fad, agus cuḃad go leiṫ iona leiṫead, agus cuḃad go leiṫ íona hairde.

¹¹ Agus foileoċuíḋ tu é lé hór fíorglan, táoḃ a stiġ agus a muiġ ḟoileoċus tú é, agus do ḋéana tú air coróin óir timċioll fa gcuáirt.

¹² Agus teilgfe tú ceiṫre ḟainne óír ḋó, águs cuirfe tú iona ċeiṫre ċorruiḃ iád, agus béid ḋá ḟáinne a ttáoḃ ḋe, agus ḋá ḟáinne san táoḃ eile.

¹³ Agus do ḋéana tú maidiḋe do ċrann Sitim, agus foileoċuiḋ tú le hór íad.

¹⁴ Agus cuirfe tú na maidiḋe ann sna fáinniḃ, re táoḃuiḃ na háirce, ċor go niomċarṫar a náirc léo.

¹⁵ Béid na maidiḋe a ḃfáinniḃ na háirce: ní bearṫar as íad.

¹⁶ Agus cuirfe tú annsa nairc, an ḟiaḋnuisi noċ do ḃéura misi ḋuit.

¹⁷ Agus do ḋéana tú caṫaóir ṫrócaire dór ḟiórġlan: ḋá ċuḃad go leiṫ a fad, agus cuḃad go leiṫ a leiṫead.

¹⁸ Agus do ḋéana tú ḋá ċearubin dór, dobair ṡloiġṫe do ḋéana tú íad, a ndá ċionn an tsuiḋe ṫrócaire.

¹⁹ Agus déana aon ċearub ar ċeann de, agus an ċearub eile ar an gceann eile: don tsuiḋe ṫrócaire do ḋéana tú na ċearubíniġ ar a ḋá ċeann.

²⁰ Agus sínfid na ċearuibiniġ a sciaṫaín a maċ go hárd, ag folaċ an tsuiḋe ṫrócaire le na sciaṫanuiḃ, agus a naiġṫe a gcuinne a ċéile; leaṫ ris an tsuiḋe ṫrócaire béid aiġṫe na ċearubiniġ.

²¹ Agus cuirfe tú an suiḋe trócaire súas ar an áirc; agus annsa náirc cuirfe tú an ḟiaḋnuisi do ḃéura misi ḋuit.

²² Agus ann sin ṫeigeoṁas misi riot, agus coṁráiḋfe mé riot ós cionn an tsuiḋe ṫrócaire, ó eidir an dá ċearubin noċ atá ar aírc na fiaḋnuisi, do na huile neiṫiḃ do ḃéura me ḋuit a naiṫne do ċloinn Israel.

²³ Do ḋéana tú mar an ccéadna clár do ċrann Sitim: ḋá ċuḃad buḋ é a ḟad, agus cuḃad a leiṫead, agus cuḃad go leiṫ a áirde.

²⁴ Agus foileoċa tú é dór ḟiórġlan, agus do ḋéana tú coróin oír ḋó timċioll fa gcúairt.

²⁵ Agus do ḋéana tú imeal dó leiṫead baise timċioll fa gcúairt, agus do ḋéana ṫú coróin oír timċioll fa gcúairt don imeal.

²⁶ Agus do ḋéana tú ḋó ceiṫre ḟainne oír, agus cuir na fainne iona ċeiṫre coirnéuluiḃ atá as a ċeiṫre ċosuiḃ sin.

²⁷ Ṫall as coinne an imil béid na fáinniḋe mar áite dona maidiḋiḃ diomċar an ċláir.

²⁸ Agus do ḋéana tú na maidiḋe do ċrann Sitim, agus foileoċa tú iád lé hór, ċor go niomċúrṫaoi and bórd léo.

²⁹ Agus do ḋéana tú a ṁíasa sin, a líaċa sin, agus a ḃfoluiḋe sin, agus a scáluiḋe sin, ċum a ḃfolaċ leó; dór ḟiórġlan do ḋéana tú íad.

³⁰ Agus cuirfe tú ar an mbórd arán taisbeannta a ccoṁnuiḋe roṁamsa.

³¹ Agus do ḋéana tú coinnléoir dór ḟíorġlan: dobair sloiġṫe do ḋéanntar an coinnleóir: a ċos agus a ḃeangáin, a scáluíḋe, agus a ċnapáin, agus a ḃláṫa, béid don ccéadna.

³² Agus tiucfuiḋ sé beangáin amaċ as a ṫáoḃ; trí beangáin don ċoinnleóir as aóntaoḃ, agus trí ḃeángáin don ċoinnleóir as an táoḃ eile:

³³ Trí ḃulla déanta aṁuil almóinne, maille re cnap agus bláṫa a néinḃeangán; agus trí ḃulla déanta aṁuil almóinne annsa mbeangán oile, maille re cnap agus re bláṫ: mar sin ann sna sé beangánuiḃ ṫig amaċ as an ccoinnleóir.

³⁴ Agus annsa ċoinnleóir béid ceiṫre scála déanta cósṁuil re halmóinne, maille re cnapuiḃ agus re bláṫuiḃ.

³⁵ Agus biáiḋ cnap faói ḋá ḃeangán de, agus cnap faói ḋá ḃeangán de, agus cnap fáoi ḋá ḃeangan de, dó reír na sé mbeangán ṫig amaċ as an gcoinnleóir.

³⁶ A ccnaip agus a mbeangáin béid don ní céadna: biáḋ se uile na éanobair ṡloiġṫe dór ḟíorġlan.

³⁷ Agus do ḋéana tú a ṡeaċt soillse sin: agus soillseóċuiḋ tú a ṡolus sin, lé ttiuḃra solus anonn as a ċoinne.

³⁸ Agus béid a ṫeanċuiriḋ sin, agus a ṁiása smóil, dór ḟíorġlan.

³⁹ Do ṫalluinn dór ḟiórġlan do ḋéana sé é, maille ris na soiṫiġiḃ sin uile.

⁴⁰ Agus taḃair haire go ndéana tú iad do réir a bpátruin, noċ do taisbéanaḋ ḋuit annsa tslíaḃ.