Exodus 19 - An Bíobla Naoṁṫa 1817 (Bedell)

Caibidil XIX. Ṫaisbein Día é féin a sliaḃ Sinai. 10 Dorduiġ sé do Ṁaoise a iarraiḋ ar an ṗobul a naoṁuġaḋ fein, accoinne a reaċd a ḟaġala.

¹ Annsa treas ṁi a nuáir dó ċuadar clann Israel amaċ as críċ na Hégipte, an lá céadna ṫangadar go fásaċ Sínai.

² Oir do ḃádar ar nimṫeaċd ó Réṗidim, agus tangadar go díoṫraṁ Sinai, agus do ċoṁnuiġeadar san ḃfásaċ; agus ann sin do rinneadur clanna Israel coṁnuiġe as coinne an tsléiḃe.

³ Agus do ċuáiḋ Maóisi súas go Día, agus do ġoir Día air as a tslíaḃ, ag ráḋ, Is marso deurá tú re tiġ Iácob, agus innis do ċloinn Israel;

⁴ Do ċoncaṁair cred do rinne mé ris na Hégiptiḃ, agus cionnus do iomċuir mé siḃsi ar eitiḃ iolair, agus tug mé ċugam feín siḃ.

⁵ Anois uime sin, má uṁluiġṫiġ dom ġuṫ daríriḃ, agus mo ċunnraḋ do ċoṁall, annsin beiṫí mar nionṁus diongṁálaḋ agam os cionn gaċ uile ṗobal: óir is liomsa an talaṁ uile:

⁶ Agus beiṫi agum ḃar rioġaċd sagart, agus ḃar gcineaḋ naoṁṫa. A siad so ná bríaṫra laḃeorus tú re cloinn Israel.

⁷ Agus táinic Maóise, agus do ġoir sé ar ṡinsearuiḃ an ṗobuil, agus do ċuir as a ccoinne na bríaṫra so uile, noċ do aiṫin an TIĠEARNA ḋe.

⁸ Agus do ḟreagradar an pobal uile a néinḟeaċd, agus a duḃradar, a nuile ní do laḃair an TIĠEARNA do ḋéanuim é. Agus do ḟill Maóise bríaṫra an ṗobuil ċum an TIĠEARNA.

⁹ Agus a duḃairt an TIĠEARNA re Maóisi, Féuċ, tigimse ċugad a neull tiuġ, ċor go gcluinfid an pobal a núair laiḃeórad riot, agus go ccreidfid ṫú go bráṫ. Agus do innis Maóise briaṫra an ṗobuil don TIĠEARNA.

¹⁰ Agus a duḃairt an TIĠEARNA re Maóisi, Eiriġ gus an bpobal, agus naóṁuiḋ iad a niuġ agus a máraċ, agus niġedís a néaduiġe,

¹¹ Agus biṫi réiġ a gcoinne an treas lá: óir an treas lá ṫiucfas an TIĠEARNA a núas a naṁarc an ṗobuil uile ar slíaḃ Sínai.

¹² Agus cuirfe tu teóranna ré huċd an ṗobail timċioll fa ccuáirt, ag ráḋ, Tugaiḋ aire ḋáoiḃ féin, naċ raċṫaoi súas ar an tslíaḃ, no naċ beanfuiḋe re na imeal: giḋ be ḃeanfus ris a tslíaḃ, go deiṁin cuirfiġear ċum báis é:

¹³ Ni ḃainfe láṁ ris, aċ go deiṁin cloċfuiġear é, no goinfiġear ṫríd é, mas ainṁiḋe é nó duine, ni ṁairfe sé: a nuair ṡeidfeas se an stoc go sínteaċ, tíucfaid súas ċum na tsléiḃe.

¹⁴ Agus do ċuaiḋ Maóise síos ón tslíaḃ ċum an ṗobuil, agus do náoṁuiġ an pobal; agus do níġeadar a néuduiġe.

¹⁵ Agus a duḃairt sé ris an bpobal, Biṫi reiḋ a ccoinne an treas lá: na tigiḋ a ngar ḃur mban.

¹⁶ Agus tárla an treas lá air maidin, go raḃadar tóirneaċa agus tinnteaċa, agus neul tiuġ ar a tslíaḃ, agus guṫ an sduic ro árd; ionnus gur crioṫnuiġeadar a raiḃ do ḋaóiniḃ annsa ċampa.

¹⁷ Agus tug Maóise an pobal amaċ as an ccampa do ṫeagṁáil re Día; agus do ṡeasadar ag an gcuid íoċdaruiġ don tslíaḃ.

¹⁸ Agus do ḃí slíaḃ Sínai uile fá ḋeatuiġ, do ċionn gur ṫuirling an TIĠEARNA air a tteiniḋ: agus do ċuáiḋ a ḋeataċ suás aṁuil ḋeataċ fuirnise, agus do ċrioṫnúiġ an slíaḃ uile go mór.

¹⁹ Agus a nuair do ḟuáimniġ guṫ an sduic a ḃfad, agus do ḟás níos airde, do laḃair Maóise, agus do ḟreagair Día é re guṫ.

²⁰ Agus táinic an TIĠEARNA a núas ar ṡlíaḃ Sínai, ar ṁullaċ an tsléiḃe: agus do ġoir an TIĠEARNA Maóise súas go mullaċ an tsléiḃe; agus do ċuáiḋ Maóise súas.

²¹ Agus a duḃairt an Tiġearna re Maóise, Eiriġ síos, aiṫin don ṗobal deagla go mbrisfidís ṫríd ċum an TIĠEARNA dá ḟéiṫeaṁ, agus go dtuitfeaḋ morán díoḃ.

²² Agus na sagairt mar an gceádna, noċ ṫig a ḃfogus don TIĠEARNA, naoṁaidis íad féin, deagla go mbrisfeaḋ an TIĠEARNA amaċ órra.

²³ Agus a duḃairt Maóise rís anTTIĠEARNA, Ní ḟéadaid an pobal dul súas ar ṡlíaḃ Sínai: óir do aiṫin tusa ḋínn ag raḋ, Cuir tóranna timċioll an tsléiḃe, agus naoṁaiḋ é.

²⁴ Agus a duḃairt an TIĠEARNA ris, Imṫiġ roṁad, éiriġ siós, agus tiucfa tú a niós, ṫú féin, agus Aáron leaċd: agus ná léig do na sagartuiḃ, agus don ṗobal briseaḋ ṫríd, do ṫeaċd suás ċum an TIĠEARNA, deaglá go mbrisféaḋ sé amaċ orra.

²⁵ Marsin do ċuáiḋ Maóise síos gus an bpobal, agus do laḃair sé riú.