Exodus 16 - An Bíobla Naoṁṫa 1817 (Bedell)

Caibidil XVI. An dara uair do ḋearnadar clann Israel múnḃar, eaḋon, ioma ḟeóla. 4 Do ċuir Día sáṫ gearġuirt agus manda, ċucṫa.

¹ Agus do ġluáiseadar ó Elim, agus táinic coṁċruinneaġaḋ ċloinne Israel uile go fásaċ Sin, noċ atá idir Elim agus Sínai, an cúigeaḋ lá déug don dara ṁí, tar éis a tteaċd as críċ na Hégipte.

² Agus do rinneadur coṁcruinniuġaḋ ċloinne Israél uile munḃar a naġaiḋ Ṁaóise agus Aároin san ḃfásaċ:

³ Agus a duḃradur clann Israel ríu, Do bfear linn go ḃfaġmáois bás re láiṁ an TIĠEARNA a gcríċ na Hégipte, a nuáir do ṡuiġeamar láiṁ ré potuiġiḃ na féola, agus a nuair do iṫmís arán ar saiṫ: óir tug siḃsi amaċ sinn san ḃfásaċ so, do ṁarḃaḋ na coiṁṫionalasa uile lé hocrus.

⁴ An sin duḃairt an TIĠEARNA re Maóise, Féuċ, fearfa misi aran ó neaṁ ḋáoiḃ, agus raċuid na dáoine amaċ agus cruinneoċuid suim áiriġe gaċ lá, go ndearḃa mé íad, an siuḃoluid ann mo ḋliġeaḋ, nó naċ déanúid.

⁵ Agus tiucfaiḋ a ccriċ an seiseaḋ lá, go nuilṁeoċuid an ni do ḃéuruid léo a steaċ; agus biáiḋ sé fá ḋó ní is mó na an ní ċruinniġid go láeṫeaṁuil.

⁶ Agus a duḃairt Maóise agus Aáron ré cloinn Israel uile, Tráṫnóna, ann sin aiṫeóntáói gur bé an TIĠEARNA ṫug amaċ siḃ as críċ na Hégipte:

⁷ Agus ar maidin ann sin do ċifíḋe gloir an TIĠEARNA; óir dó ċluin se ḃur munḃar a naġaiḋ an TIĠEARNA: agus créad sinne, as a ndéanaḋ siḃ munḃar ar naġuiḋ?

⁸ Agus a duḃairt Maóise, Bíaiḋ an ní marso, a nuáir do ḃeura an TIĠEARNA ḋiḃ tráṫnóna féóil re iṫe, agus ar maidin arán ḃur sáiṫ; do ċionn go gcluin an TIĠEARNA ḃur munḃar noċ do niṫí do ṁunḃar na aġuiḋ: óir cioḋ sinne? ní ar naġuiḋne atáid ḃur munḃar, aċd a naġuiḋ an TIĠEARNA.

⁹ Agus do laḃair Maóise ré Haáron, Abair ré coiṁṫíonól ċloinne Israel uile, Tiġiḋ a ḃfogus a láṫair an TIĠEARNA: óir do ċúaluiḋ sé ḃur munḃar.

¹⁰ Agus tárla, mar do laḃair Aáron le coiṁṫionol ċloinne Israel uile, gur ḟéuċadur a leiṫ a nfásaiġ, agus, féuċ, do ḟoillsiġ glóir an TIĠEARNA annsa néull.

¹¹ Agus do laḃair an TIĠEARNA ré Maóise, ag ráḋ,

¹² Do ċúala mé munḃar ċloinne Israel: laḃair ríu, ag ráḋ, Tráṫnóna, iostáoi feóil, agus ar maidin líonfuiġear le harán siḃ; agus aiṫeóntáoi gur misi an TIĠEARNA ḃur Ndía.

¹³ Agus tárla traṫnóna, go ttangadar na gearraġuirt súas, agus gur ḟoluiġeadar an campa: agus ar maidin do luiġ an drúċd fá gcuáirt a dtimċioll an tsluáiġ.

¹⁴ Agus a nuair do imṫíġ an drúċd súas, noċd do luiġ, féuċ, do luiġ ar ġnuis an ḟasuiġ ni beag cruinn coiṁmion rís an tsioc líaṫ ar a talaṁ.

¹⁵ Agus a nuáir do ċonncadar clann Israel é, do ráiḋeadar an duine re a ċéile is Manna é: óir ni raiḃ a ḟios aca créad é. Agus a duḃairt Maóise ríu, Ag so tarán ṫug an TIĠEARNA ḋaóiḃ ré iṫé.

¹⁶ A sé so an ní noċ do aiṫin an TIĠEARNA, Cruinniġeaḋ gaċ áonduine ḋe do réir mar iósas sé. Omer dá gaċ áonduine, do réir uiḃire ḃur nanmann; beiriḋ liḃ gaċ áonduine aguiḃ ċuca sin ata an ḃur lóistiniḃ.

¹⁷ Agus do rinneadar clann Israel sin, agus do ċruinniġeadar cuid ní bá luġa, agus cuid ní bá ṁó.

¹⁸ Agus a nuair do ṫoiṁseadar é le omer, an té do ċruinniġ iomarcuiḋ, ní raiḃ éainni dá ḃárr aige, agus an té do ċruinníġ beagan, nior ṫeasda éainní uaḋ: do ċruinniġ gaċ áon acá do réir mar do íosaḋ sé.

¹⁹ Agus a duḃairt Maóise, Na fágḃaḋ áonduine ní ḋe a ccoinne na maidne.

²⁰ Giḋeaḋ níor éisdeadar ré Maóise; aċ do ḟág cuid ḋíoḃ ní ḋe go maidin, agus do rinneaḋ cnuṁa ḋe, agus do ḃréun; agus do ḃi Maóisi feargaċ riú.

²¹ Agus do ċruinniġeadar é gaċ éanṁaidin, gaċ áon do réir mar do íosaḋ sé: agus a nuáir do lasaḋ an ġrían, do leaġaḋ sé.

²² Agus tárla, ar a seisioḋ lá gur ċruinniġeadar ḋá uirid aráin, ḋá omer gaċ áonduine aca: agus tangadar uaċdaráin an ċoiṁṫionol úile, agus do innseadar sin do Ṁaóise.

²³ Agus a duḃairt sé riú, Se so ann ní a duḃairt an TIĠEARNA, A máraċ atá suáiṁneas na sáoire náoṁṫa don TIĠEARNA: fuiniġ a niúġ an ṁeid bfuinfiġe, agus bruiṫiġ an ṁéid ḃruiṫfiḋe: agus an ṁéid ḃias ós a ċionn, cuiriḋ súas diḃ féin dá ċuṁdaċ go maidin é.

²⁴ Agus do ċuireadar súas é a dtaisciġ go maidin, mar do aiṫin Maóisi ḋíoḃ, agus níor ḃréun sé agus ní raiḃ én ṗéist ann.

²⁵ Agus do ráiḋ Maóise, Iṫiḋ sin a niuġ; óir is sabóid don TIĠEARNA an lá as niuġ: ní ḃfuiġṫí a niuġ é annsa ṁaċaire.

²⁶ Sé la ċruinneoċṫáoi é; aċd an seaċdṁaḋ lá, noċ atá na ṡáoire, ní ḃía sé ann.

²⁷ Agus tárla, go ndeaċadar cuid don ṗobal amaċ an seaċdṁaḋ lá do ċruinniuġaḋ, agus ni ḟúaradar éinni.

²⁸ Agus a duḃairt an TIĠEARNA ré Maóise, Gá fad ḃeiṫi ag diultaḋ maiṫeantaḋ, agus mo ḋliġṫe do ċoíṁéud?

²⁹ Féuċ, ar a ṡon so tug an TIĠEARNA an tsábóid ḋáoiḃ, uime sin do ḃeir sé ḋáoiḃ air an seiseaḋ lá arán ḋa lá: fanaḋ gaċ áon aguiḃ na áit, ná héirgeaḋ einneaċ aguiḃ amaċ as a áite air an seaċdṁaḋ lá.

³⁰ Mar sin do ḟosadar an pobal air an seaċdṁaḋ lá.

³¹ Agus do ġoir teaġ Israel manna ḋé sin mar ainm: agus do ḃí sé geal mair ṡíol coriander; agus a ḃlas cosṁuil ré aḃlainn do ḋéantáoi ré mil.

³² Agus a duḃairt Máoise, Sé so an ní aiṫniġíos an TIĠEARNA, Lionuiḋ ómer ḋé dá ċoiṁéud fá ċoinne ḃur sleaċda; ar ċor go ḃfaicfiḋ síad an tarán lear ḃeaṫuiḋ mé siḃ san ḃfásaċ, a nuáir ṫug mé amaċ siḃ as talaṁ na Hégipte.

³³ Agus a duḃairt Maóise ré Háaron, Glac póta, agus cuir lán ómer do ṁanná ann, agus cuir a ḃfiaġnuisí an TIĠEARNA é, dá ċoiṁeud do ḃur sleaċduiḃ.

³⁴ Fá mar do aiṫin an TIĠEARNA do Ṁaóise, mair sin do ċuir Aáron súas é as coinne na fíaḋnuise, dá ċuṁdaċ.

³⁵ Agus a dúadar clann Israel manna ceaṫraċad blíaḋan, nó go ttangádar go tír áitreaḃa: do ḃádar ag iṫe manna, nó go ttangádar go teóruinn ṫire Ċánaain.

³⁶ Omer annois ionnan í; agus an deaċṁaḋ cuid do eṗah.