Exodus 12 - An Bíobla Naoṁṫa 1817 (Bedell)

Caibidil XII. Do ordaiġ Día an cásg. 29 Tainig an deaċṁaḋ pláiġ. 31 Ċuaiḋ sé céd míle fear amaċ as Egipt.

¹ Agus do laḃair an TIĠEARNA re Maóise, agus re Háaron a gcríċ na Hégipte, dá ráḋ,

² Is í an ṁíse ḃías aguiḃsi na tosaċ míos: is í ḃus céad ṁí don ḃlíaḋuin díḃ.

³ Laḃruiḋsi re coṁṫional Israel uile, ga ráḋ, An deaċṁaḋ lá don míse glacfuiḋ síad ċuca gaċ áonduine aca úan, do réir ṫiġe a naiṫreaċ, úan, ar son gaċ éintiġe.

⁴ Agus má ḃíonn an teaġlaċ ro ḃeag do núan, glacaḋ seision é agus a ċoṁarsa is foigse ḋá ṫiġ do reir uiḃre na nannman; do ḋéanuiḋ gaċ áonduine do réir mar íosas sé do ċuntas ar son a nuáin.

⁵ Biáiḋ ḃur nuáin gan toiḃéim, firionnaċ don ċéidḃliaḋuin: beanfuiḋe ó na cáorċuiḃ, nó ó na gaḃruiḃ é:

⁶ Agus coinneoċtáoi aguiḃ é go nuige an cceaṫramaḋ lá déag don ṁí ċéadna: agus muirfiḋ coṁċruinniuġaḋ iomlán ṗobuil Israel é tráṫnóna.

⁷ Agus glacfuiḋ síad cuid do nfuil, agus buáilfid í ar ḋá ursoinn agus ar ḟárdorus na ttiġṫeaḋ, a níosuid síad é.

⁸ Agus íosuid síad a nfeóil a noiḋċe sin, rósta ré teiniḋ, agus arán gan laiḃín; re luiḃeannuiḃ searḃa íosuid síad é.

⁹ Ná hiṫiḋ éinní ḋe aṁ, nó bruiṫe le huisge ar éanċor, aċd rosta lé tiniḋ; a ċeann maille re na ċosa, agus maille ré a mbeanann ris.

¹⁰ Agus ní ḟuigfiḋe éinni ḋe go maidin; agus an ṁéid ḃías gan iṫe ḋe go maidin loisgfiḋe é le teiniḋ.

¹¹ Agus is mar so íostáoi é: maille re ḃur ḃforḋronnuiḃ criosluiġṫe, ḃur mbróga ar ḃur ccosuiḃ, agus ḃur mbata an ḃur láiṁ; agus íostáoi go deiṫneasaċ é; sé cáisg an TIĠEARNA é.

¹² Oír raċa misi tré ċríċ na Hégipte a noċd, agus buáilfead a nuile ċéidġin aittír a Négipt, idir ḋuine agus ḃeaṫaċ; agus daiṁḋeóin uile ḋée na Hégipte cuirfeaḋ breiṫeaṁnus a gcríċ: as misi an TIĠEARNA.

¹³ Agus biaiḋ a nfuil aguiḃse mar ċoṁarṫa ar na tiġṫiḃ a mbeiṫí: agus a nuáir do ċífe misi a nfuil, raċa mé ṫoruiḃ, agus ní ḃía an ṗláiġ oruiḃ da ḃur marḃaḋ, a nuáir ḃuáilfeas mé críoċ na Hégipte.

¹⁴ Agus biáiḋ an lása aguiḃsi mar ċuiṁne: agus cuiṁdeoċṫáoi é mar ḟéusda don TIĠEARNA ar feaḋ ḃur sáoġuil; cuiṁdeoċṫáoi é mar ḟeúsda maille ré hórduġaḋ síorruiḋe.

¹⁵ Seaċd lá íostáoi arán gan laiḃín; eaḋon an ċead lá cuirfíḋe amaċ an laiḃín as ḃur ttiġṫiḃ: óir cioḋ bé ar ḃiṫ íosas arán laiḃín ón ċead lá go nuige an seaċdṁaḋ lá, gearrḟuiġear amaċ an tanam sin ó Israel.

¹⁶ Agus a ċead lá bíoḋ aguiḃ coṁġairm náoṁṫa, agus air a seaċdṁaḋ lá bioḋ agaiḃ coṁġairm náoṁṫa: ní ḋéantar éinġné oibre ionta aċd aṁáin an ní ċaiṫfeas gaċ aonduine diṫe, sin aṁain is éidir liḃ a ḋéanaṁ.

¹⁷ Agus cuiṁdeoċṫáoi féusda a naráin gan laiḃín; óir is ann sa ló ċéadna sin tug misi ḃur sluaġ amaċ as críċ na Hégipte: uime sin coiṁéud fáoi an lása feaḋ ḃur sáoġuil maille re hórduġaḋ síorruiḋe.

¹⁸ Ann sa ċéad ṁí ar an cceaṫraṁaḋ lá déug don ṁí traṫnóna íostáoi arán gan laiḃín, nó go ttí an táonṁaḋ lá fiċiod don ṁi tráṫnóna.

¹⁹ Ar feaḋ seaċd lá ní ḟuiġṫear laiḃín ar biṫ an ḃur ttiġṫiḃ: óir giḋ bé ar biṫ íosas é an a bfuil laiḃín, gearrfuiġear go háiriġe an tanamsin amaċ ó ċoiṁṫionól Israel, maḋ coiṁiġeaċ é nó duine rugaḋ san tír.

²⁰ Ni íostai éinni ar a mbía laiḃín; an ḃur nuile ṫigṫiḃ íostáoi arán gan laiḃín.

²¹ Ann sin do ġoir Maóisi ar uile ṡinnsear Israel, agus a duḃairt ríu, Tigiḋ amaċ, agus glacuiḋ ċuguiḃ úan do réir ḃur muinntire, agus marḃuiḋ an casg.

²² Agus glacaiḋ ceanglaċán iosóipe, agus tumaiḋ é san ḃfuil, noċ ḃías annsa ḃaisín, agus buáiliḋ an fárdorus agus an dá ursuinn leis an ḃfuil ḃías annsa ḃáisín; agus ni raċuiḋ áonduine aguiḃ amaċ as dorus a ṫiġe go maidin.

²³ Oír raċaiḋ an TIĠEARNA ar faḋ do ḃúalaḋ na Hégipte; agus a nuáir do ċífe sé a nfuil ar a ḃfárdorus, agus ar a dá ursainn, géuḃuiḋ an TIĠEARNA ṫar a ndorus agus ní léigfe don ṁillteóir teaċd a steaċ ann ḃur ttiġṫiḃ dá ḃur mbúalaḋ.

²⁴ Agus coinneoċṫáoi so mar órduġaḋ ḋaóiḃ fein agus dá ḃur ccloinn go ḃráṫ.

²⁵ Agus teigeoṁuiḋ, a nuáir ṫiucfuiḋe ann sa dúṫaiġ ḃéuras an TIĠEARNA ḋíḃ, do réir mar do ġeall sé, go ccuiṁdeoċṫáoi an tserḃíse.

²⁶ Agus teigeoṁuiḃ, a nuáir a déaras ḃur cclann riḃ: Cioḋ as cíall daóiḃ annsa tserḃíse?

²⁷ Go naibeorṫáoisi Gurob í sin ioḋbuirt ċásg an TIĠEARNA, noċ do ṡeaċuin tiġṫe cloinne Israel san Négipt, a nuáir do ḃuáil se na Hégiptiġ, agus do ṡáor ar dtiġṫene. Agus do ċromadar an pobal a cinn agus do aḋradar.

²⁸ Agus do imṫiġeadar clann Israel, agus do rinneadar mar do aiṫinn an TIĠEARNA do Ṁaóisi, agus do Aáron, is mar sin do rinneadar.

²⁹ Agus táinic a ccriċ, san meaḋon oiḋċe gur ḃuail an TIĠEARNA a nuile ċéidġin a dtir a Négipt, ó ċéidġin Ṗárao noċ do ṡuiḋ na ċaṫaóir ríoġa, go céidġin na braiġde do ḃí san ṗríosún; agus a nuile ċéidġin na hairnéisi.

³⁰ Agus do éiríġ Ṗárao san noiḋċe, é féin agus a ṁuinntir uile, agus na Hégiptiġ uile, agus do ḃí gaír ġuil ṁóir san Négipt; oir ní raiḃ tiġ gan duine marḃ ann.

³¹ Agus do ġoir sé ar Ṁaóise agus ar Aáron san noiḋċe, agus a duḃairt, Eirgiḋ súas, agus imṫiġ amaċ ó ḃeiṫ a measg mo Ṗobail, siḃ féin agus clann Israel; agus éirgiḋ, déanuiḋ serḃís don TIĠEARNA, mar a duḃraḃair.

³² Mar an gcéadna beiriḋ ḃur ttréada agus ḃur nealḃaḋa liḃ, mar a duḃraḃair, agus ímṫiġiḋ; agus beannuiġiḋ misi mar an gcéadna.

³³ Agus do ḃadur na Hégiptiġ duṫraċtaċ ar an bpobal ċum go gcuirdís amaċ as a talaṁ íad, go deiṫneasaċ: óir a duḃradar, As daóine marḃa sin uile.

³⁴ Agus rugadar na daóine a ttáos leó, suil do ḃí sé a laiḃín, air mbeiṫ dá loistiḃ fuinte ceangailte suas a néaduiġiḃ ar a ngúailliḃ.

³⁵ Agus do rinneadar clann Israel do réir ḃréiṫre Ṁaóise; agus do airliceadar óna Hégiptiḃ seóid airgid agus seóid óir, agus éaduiġe:

³⁶ Agus tug an TIĠEARNA faḃar don ṗobal a ḃfiaġnuise na Négipteaċ, ionnus go ttugaidís dóiḃ na neiṫe do íarradar orra. Agus do ṡladadar na Hégiptiġ.

³⁷ Agus do ġluaiseadur clanna Israel ó Rameses go Succot, timċioll sé cead míle fear dá ccois, taoḃ amuiġ do leanbuiḃ.

³⁸ Agus mar an gceadna do ċuadar mórán daoine cumaisce leó súas; agus tréada agus ealḃaḋa, róṁóran áirnéise.

³⁹ Agus do ḃruiṫeadar bairġeana gan laiḃín don táos noċ ṫugadar leó amaċ as a Négipt, óir ní raiḃ laiḃín air: óir do dingeaḋ amaċ as a Négipt íad, agus níor ḟéadadar fuireaċ, ní mó do ullṁuiġeadar bíaḋ ar biṫ ḋóiḃ féin.

⁴⁰ Agus cuáirt ċloinne Israel, noċ do ċoṁnuiġ san Négipt, bá ceiṫre ċéad, agus tríoċad bliaḋan é.

⁴¹ Agus tárlá ar gríoċnuġaḋ na gceiṫre ccéad agus na ttríoċad blíaḋan, an lá sin féin, go ttáinic a gcriċ gur imṫiġeadar sluaġ an TIĠEARNA uile amaċ as a Négipt.

⁴² Is oiḋċe sin re coiṁeád go mór don TIĠEARNA, ar son a ttaḃairtsion ámaċ as críċ na Hégipte: sí so a noiḋċe sin an TIĠEARNA re na coiṁéad ag clannuiḃ Israel uile ann a ngeinealaċuiḃ.

⁴³ Agus a duḃairt an TIĠEARNA re Maóise agus re Háaron, Se so orduġaḋ na cásg: Ní iósaiḋ coiṁiġṫeaċ ar biṫ ḋe:

⁴⁴ Aċ serḃíseaċ gaċ áonduine ceinneaċṫar ar airgead, a nuair ṫimċillġeárfus tú é, ann sin íosaiḋ sé ḋe.

⁴⁵ Fear éanuáire nó serḃíseaċ túarusduil ni íosuiḋ sé ḋe.

⁴⁶ A néuntiġ aṁáin íostar é; ni ḃéura tú éinní do nfeóil amaċ as a tiġ; ni mó ḃrisfiḋe cnáiṁ ḋe.

⁴⁷ Do ḋéanuid coiṁṫionol Israel uile é.

⁴⁸ Agus a nuair do ḋéana coiṁiġṫeaċ coṁnuiġe ad ḟoċair, agus ċoiṁeadfas an ċaisg don TIĠEARNA, timċillġeárṫar a ċlánn ṁac uile, agus ann sin tigeaḋ a ḃfogus agus coiṁéadaḋ é; agus biaiḋ sé mar aon ḃearṫar san tír: oír ni íosuiḋ éainneaċ gan timċillġearraḋ é.

⁴⁹ Endliġeaḋ aṁáin ḃías ag an té ḃearṫar san tír, agus ag an ccoiṁiġṫeaċ ċoiṁneoċus ḃur ḃfocair.

⁵⁰ Marso do rinneadar clann Israel; fa mar do aiṫin an TIĠEARNA do Ṁáoise agus do Aáron, mar sin do rinneadur.

⁵¹ Agus tárla an lá sin féin, go ttug an TIĠEARNA clann Israel amaċ as a Négipt ré na slúaġuiḃ.